2 Kɔwlɛntiɔn 7:5 - Ku̍o̍ Delee 1999

⁵ Ti̍ à ji̍-a Mɛsedonia bloa̍ kɛ̍n-ɛ, à se̍ fɔ fu̍u̍. À jě tìh tà kli̍hgbɛ̍, wɛ̀ à ke nyɔ̍ duuh sà wɔ̍ɔ̍n i̍, iě à ple̍ faɔn ke.

2 Kɔwlɛntiɔn 7:5 Iomraidhean Croise

Nu̍-dɛ̍ᵻ 20:1

Slɛ̀ pa̍-a dǒ peɛ wɛ̀-ɛ, wɛ̀ Pɔɔ dǎ Jusu-a kòà kli̍hgbɛ̍. Iě ɔ̍ bla̍ tìh dě u̍h we̍ ɛ̍ iě u̍h-a wlùh fùka. Wɛ̀ ɔ̍ po̍ u̍h klàe̍, iě ɔ̍ dǔ Mɛsedonia fɔɔ mu̍-ɛ.

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

1 Kɔwlɛntiɔn 15:31

Ǐn de̍di̍i̍ᵻ, ɛ̍ se̍ pàɔ̀n, ka sɔ̀n-a sɛ̀n-aɛ, kǎ ǎn na-ɛ mɛ̌ɛ wɔ̍i̍n. Ǎn bla̍ ɛ̀ la, dɛ̍nu̍ɛ, dě à ke à Joi Jusu Klai-a due nɛ-ɛ di̍i̍ nu̍ ɛ̍ iě ǎn po̍ mɔ̀-a tìh-a bu̍hᵻ wlù i̍.

1 Kɔwlɛntiɔn 16:5

Pò ǐn chɛ̍n Mɛsedonia bloa̍ tìè-ɛ, nɛ̀ ǎn mu̍ dě mɔ̀ we̍ i̍ nala ji̍. Jɛ ǎn pɔ̀n iě Mɛsedonia jii ke̍.

2 Kɔwlɛntiɔn 2:13

Jɛ ǎn wlùh se̍ i̍ tè. Dɛ̍nu̍ɛ, ǐn se̍ à de̍di̍i̍ Taitɔ jě deě. Ɛ̍ tìh ǐn po̍ ùh nɛ-a doǒ-ɛ klàe̍ wɛ̀ ǐn mu̍ dě Mɛsedonia bloa̍ kɛ̍n.

2 Kɔwlɛntiɔn 2:3

Ɛ̍ kɔn ǐn chlǐh mɔ̀ chlǐh-dɛ̍ laa̍ we̍. Ǐn se̍ pɔ̀n iě-e mɔ̀ we̍ ji̍-ɛ, wɛ̀ mɔ̀ɔ̍ kɔn taǐn ùh kɔn ùh iě-a ǐn mɔna̍-a po̍-ɛ, wɛ̀ mɔ̀ iě ǎn wlùh seɔn po̍. Ǐn juo ɛ̍ kleǐn pò ǐn gbǎ mɔna̍-ɛ, nɛ̀ mɔ̀ kli̍hgbɛ̍ mɔ̀ gbǎ mɔna̍-a ke.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.