2 Kɔwlɛntiɔn 7:4 - Ku̍o̍ Delee 1999

⁴ Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

2 Kɔwlɛntiɔn 7:4 Iomraidhean Croise

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Wloma 5:3

Ɛ̍ se̍-o siee, nɛ̀ à nmɔ-ɛ dě à jua̍i̍ sàɛ̀ di̍i̍ ke, dɛ̍nu̍ɛ, à juo ɛ̍-ɛ jua̍i̍ sàɛ̀-a ku̍ i̍ à dě klì i̍.

1 Kɔwlɛntiɔn 1:4

Ǎn po̍ Nyɔsoa tlɔ̌ ti̍ kli̍hgbɛ̍ we̍ mɔ̀-a tìh, dǒ ɔ̍ blɛ ɔ̍ nyǐ-a mɔ̀ dě Jusu Klai ja̍a̍-ɛ we̍.

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

2 Kɔwlɛntiɔn 1:4

Ɔ̍ gbǎ àɔ̀ we̍ dě à tìh jě-ɛ kli̍hgbɛ̍ di̍i̍, wɛ̀ ɛ̍ iě ɛ̍ nu̍ à iě nyɔ̍ ùh-a jě-a tìh kaɛn kaɛn-ɛ we̍ gbǎ-a bɛ̌ɛ dǒ ka ɔ̍ nu̍-a à we̍ gbǎ-aɛ we̍.

2 Kɔwlɛntiɔn 10:8

Jɛ pò ǎn wɔ̍i̍n po̍-ɛ sì-o i̍ wɛ-ɛ dǒ tùn Joi nyǐ-a àɔ̀ à iě-a mɔ̀ gbǐh ku̍u̍ po̍-eɛ we̍-ɛ, ìh se̍-a mɔ̀ɔ̍ gbɔ̀lɔ dɛ-ɛ, ǐn se̍ ɛ̍ tɛ̀n ple̍ mu̍.

2 Kɔwlɛntiɔn 11:21

Ka à se̍-a ìh la nu̍-ɛ i̍ pɔ̀n-ɛ, nɛ̀ ǐn kɔn iě tɛ̀n ple̍ ae? Jɛ dɛ̍ nyɔ̍-o-nyɔ̍ ku̍-a wlùh ɔ̍ iě-a wɔ̍i̍n po̍ dǒ ɛ̍ we̍-ɛ, nɛ̀ ǎn mu̍ wlùh ku̍ ke iě ɛ̍ wɔ̍i̍n po̍. Ǎn wlu-i ka bo-nyɔ̍-ɛ.

2 Kɔwlɛntiɔn 2:14

Jɛ à po̍ Nyɔsoa tlɔ̌, ɔ̍ nu̍ ɛ̍ dě à ke Klai-a due nɛ-ɛ di̍i̍-ɛ, iě à ke Klai ke à nu̍ dɛ̍ klà sà nyɔ̍. Nyɔsoa jii àɔ̀ wɛ̀ à bla̍ pɔ̀n chɛ̀ ɛ̀ kɔ̍-a dǒ Klai pùn i̍-ɛ, iě ɛ̍ sɛ̍ i̍ tà kli̍hgbɛ̍ ka nɔ̌-dɛ̍ chɛ̀-ɛ.

2 Kɔwlɛntiɔn 3:12

Ka à blě-a wlì tè dɛ̍ la-ɛ, à wlu-i gbài̍gbài̍.

2 Kɔwlɛntiɔn 7:14

Ǐn po̍ bu̍hᵻ wlù i̍ dě ɔ̍ we̍ mɔ̀-a tìh, iě mɔ̀ se̍ ǐn tɛ̀n nui. Jɛ ka dɛ̍ᵻ kli̍hgbɛ̍ à sà-a dě mɔ̀ we̍ nu̍-a tìh-a taǐn-ɛ, kǎ à bu̍hᵻ à po̍-a wlù i̍ dě Taitɔ we̍-ɛ nu̍ ɛ̍ to ɛ̍ ka ɛ̍ nu̍-a tìh-a taǐn-ɛ ke.

2 Kɔwlɛntiɔn 8:24

Mɔ̀ to ɛ̍ ka mɔ̀ jbɛɛ-a u̍h-uɛ, wɛ̀ chɔchi̍h nyɔ̍ kli̍hgbɛ̍ iě-o dɛ̍ i̍ juo dɛ̍ kɔn tìh à po̍-a mɔ̀-a bu̍hᵻ wlù i̍-ɛ.

Felepai 1:14

Ǎn kasoo nɛ-ɛ nu̍ ɛ̍ iě de̍di̍i̍ᵻ dɔu nɛ-a dě Joi ja̍a̍-ɛ, wɛ̀ ɛ̍ po̍ u̍h gbǐh ku̍u̍. Kaka la̍ u̍h sà faɔn wlì wɛ̀, iě u̍h-a bla̍ Nyɔsoa tìh gbài̍gbài̍.

Felepai 1:20

Dɛ̍ ǐn gbàɛ̀-a iě ǐn tè-a wlì-ɛ, ɛ̍ nu̍ ǐn se̍ ǎn chɛ̀ tɛ̀n nui mu̍ kleǐnklein. Ǎn mu̍ wlu gbài̍gbài̍ kaka, wɛ̀ pò dě nya̍-ɛ, ǐn nɛ kmɔ̌ àe̍e̍ pò ǐn mɛ̌-ɛ, wɛ̀ ǎn ku̍ kli̍hgbɛ̍ iě Klai ja̍ tè.

Felepai 1:26

Nɛ̀ ti̍ ǎn mu̍-a dě mɔ̀ we̍ ji̍ dɛ-ɛ, wɛ̀ mɔ̀ iě Jusu Klai tìhwe̍ po̍ ǎn tìh.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

1 Tɛsoloniɔn 2:19

Ti̍ à Joi Jusu-a mu̍-a ji̍-ɛ, dɛ̍ we̍ à tè wlì ɛ̀ mu̍ à mɔna̍-a po̍ ɛ? Àe̍e̍ blawɛ̌ we̍ à mu̍ tèè dǒ ɔ̍ jǔ, wɛ̀ à iě bu̍hᵻ wlù i̍ po̍ ɛ? Ɛ̍ se̍ mɔ̀ɔ̍ ae?

1 Tɛsoloniɔn 2:2

Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

2 Tɛsoloniɔn 1:4

Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

Faɛlimɔ 1:7

Ǐn de̍di̍i̍, àn nyɔ̍ tìh kma-a ja ǐn nmɔ-ɛ dɔu we̍, iě ɛ̍ po̍ ǐn gbǐh kɛ̍n. Dɛ̍nu̍ɛ, àn pɛ̌n-ɛ Nyɔsoa nyɔ̍ kli̍hgbɛ̍-a pɔluh i̍.

Chiin 1:2

Ǐn de̍di̍i̍ᵻ, pò nyɔ̍ i̍ tɛ̀n-ɛ kaɛn kaɛn ji̍ mɔ̀ we̍-ɛ, nɛ̀ mɔ̀ nmɔ ɛ̍ tìh.