2 Kɔwlɛntiɔn 7:11 - Ku̍o̍ Delee 1999

¹¹ Mɔ̀ jě dɛ̍ Nyɔsoa nu̍-a mɔ̀-a wlùh-a seɔn gbǎ-a, kǎ ɛ̍ tìh nu̍-a mɔ̀ i̍ gbɛ̍n-ɛ iě mɔ̀-a wlùh-a nu̍-a jàjà mɔ̀ iě-a ɛ̍ to ka mɔ̀ se̍-a dɛ̍ sɔ̀n nu̍-ɛ. Mɔ̀ gbǎ jlu̍h-u dǒ dɛ̍ ɛ̀ gbǎ-aɛ we̍, iě ɛ̍ wa̍ mɔ̀ dɛ̍ we̍. Ɛ̍ nu̍ ɛ̍ mɔ̀-a pɔ̀n ǐn jě-ɛ i̍ kaa̍. Ɛ̍ nu̍ ɛ̍ wɛ̀ mɔ̀ kma ǎn tìh, iě mɔ̀-a wlùh-a nu̍ jàjà mɔ̀ iě nyɔ̍ ɔ̀ nu̍-a dɛ̍ sɔ̀n-ɛ kàn gbɛ̍n. Mɔ̀ to ɛ̍ wɛ̀ chɛ̀ɛ̌chɛ̀ ka mɔ̀ se̍-a dɛ̍ sɔ̀n nu̍-ɛ.

2 Kɔwlɛntiɔn 7:11 Iomraidhean Croise

Pɔ̀n Chɛ̀ Maɛ To-a La 3:5

Wɛ̀ ɔ̍ gbèɛ̀ɛ̍n u̍h ja̍ i̍, jɛ nɛ̀ ɔ̍ gbǎ jlu̍h-u. Sɔ nɛ̀ dɛ̍ u̍h nu̍-a dlǔ ku̍-ɛ, ɛ̍ po̍ ɔ̍ kà di̍i̍. Wɛ̀ ɔ̍ la̍a̍ dě jɔ̍gbau we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍.

Chɔɔn 2:17

Sɔ dɛ̍ Nyɔsoa-a wlu̍ bla̍-ɛ, i̍h sǐ dǒ ɔ̍ kòà wlì i̍ sǔh. Ɛ̍ la̍a̍, “Àn gbò dɛ-a jàjà nɛ-a dě ǐn di̍i̍-ɛ, ɛ̍ mu̍ ǐn i̍ gbɔ̀lɔ.”

Nu̍-dɛ̍ᵻ 17:16

Ti̍ Pɔɔ-a chlì-a Sale ke Timote we̍ i̍ dǒ Atɛn wlɔ̀ di̍i̍-ɛ, dǒ ɔ̍ jě-e kwɛ̍i̍n gbo̍ᵻ dɔu dǒ wlɔ̀-a chɛ̀. Sɔ nɛ̀ ɛ̍ feǎn dǒ ɔ̍ wlì kaa̍.

Wloma 11:20

Tìh-a taǐn bo, kǎ ɛ̍ nɛ. Juu nyɔ̍ ùh nu̍-a ɔle-tu̍ chɛ̀-a bu̍hᵻɛ́, u̍h se̍ wlùh gbaɛ blě ɛ̍ kɔn u̍h chɛn-o, wɛ̀ mɔ̀-a wlùh gbaɛ jě-e mɔ̀ nyna la̍. Nɛ̀ mɔ̀ bɔ̌ mɔ̀-a chɛ̀ i̍ bɛ̌-ɛ, jɛ nɛ̀ mɔ̀ gbǎ faɔn.

Wloma 14:18

Nɛ̀ɛ̍, nyɔ̍ ɔ̀ nu̍-a ka Klai jǔ dbee sɔɛn-ɛ, nɛ̀ Nyɔsoa wɔ̌ɛn ɔ̍ tìh i̍ iě wlɔ̀ nyɔ̍ po̍ ɔ̍ chèɛ̀ ja̍i̍.

Wloma 3:5

Jɛ pò à kà gblɛ̍n sà Nyɔsoa-a i̍ slɛ̌-ɛ tà te̍gbe̍i̍n-ɛ, nɛ̀ ka à mu̍ dǎ ɛ? Jlu̍h Nyɔsoa gbǎ-ɛa àɔ̀-ɛ, ɛ̍ se̍ i̍ slɛ̌ ae? (Ǎn wlu-i kmɔ̌ nyɔ̍-a flɔ̍nwlùh-u.)

1 Kɔwlɛntiɔn 12:25

Wɛ̀ dɛ̍-ɛ i̍ gblè-ɛ je̍e ku̍ we̍ nɛ, wɛ̀ ɛ̍ fɔ̌ᵻ iě wlùh due blě.

1 Kɔwlɛntiɔn 5:2

wɛ̀ mɔ̀-a po̍ ɛ̍ bu̍hᵻ wlù i̍. Ìh la mɔ̀ nɛ i̍h-a sùàɛ̀n pa̍ ka̍ de o. Jɔ̍gbau ɔ̀ nu̍-a ɛ̀ kaɛn la-ɛ, mɔ̀ sà ɔ̍ dě mɔ̀-a chɛ̀ nynɛ̌.

2 Kɔwlɛntiɔn 13:7

À ba̍le Nyɔsoa mɔ̀ɔ̍ je̍e dɛ̍ sɔ̀n nu̍. Ɛ̍ se̍ nɛ̀ à iě dě nyɔ̍ jlǐh i̍ nmɔ kai, jɛ wɛ̀ mɔ̀ iě dɛ̍ ɛ̀ slɛ̌-a i̍-ɛ nu̍ dɛbo, pò nyɔ̍ ja à pɔ̀-ɔ nyɔ̍ dǎɛ.

2 Kɔwlɛntiɔn 2:6

Nyɔ̍ kaɛn la, kàn mɔ̀-a nyɔ̍ dɔu gbɛ̍n-a ɔ̍-ɛ, ɛ̍ tìè i̍.

2 Kɔwlɛntiɔn 6:4

Jɛ dɛ̍ᵻ kli̍hgbɛ̍ à nu̍-aɛ, à to ɛ̍ ka à nu̍-a Nyɔsoa-a pòi̍nynuu̍-ɛ. À ku̍-e klì i̍ kaa̍ dǒ à wě jě-ɛ ke, tìh jě-ɛ ke jua̍i̍ sàɛ̀-ɛ we̍.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

2 Kɔwlɛntiɔn 7:7

Ɛ̍ se̍ ɔ̍ ji̍-ɛ nɛ due ɛ̀ se̍ à wlùh fùka, jɛ gbɛ̀ ɔ̍ sà-a kɛ̍n dǒ ka mɔ̀ nu̍-a ɔ̍ gbǐh ku̍u̍ po̍-ɛ we̍-ɛ, ɛ̍ fùka à wlùh ke. Ɔ̍ sèàɛ̍ à wlùh ka mɔ̀-a wlùh gbǎ-a dě de̍i̍, iě mɔ̀-a pɔ̀n-a ǐn jě-ɛ i̍ kaa̍-ɛ, ɛ̍ ke ka mɔ̀ nu̍-a ǎn tìh kma-a ke. Ɛ̍ tìh-ɛ, ǐn gbǎ mɔna̍ kaa̍ ɛ̍ sìì sàǐtòò naɛ.

2 Kɔwlɛntiɔn 7:9

Jɛ kaka la̍ mɔna̍-a nu̍ m. Ɛ̍ se̍ ǐn po̍-a mɔ̀-a wlùh seɔn-ɛ tìh, jɛ ɛ̍ nu̍ ɛ̍ iě mɔ̀ bǐi i̍ mɔ̀ poe mɔ̀-a gblɛ̍n sɔ̀ɛ̀n kɛ̍n i̍. Mɔ̀-a wlùh-a seɔn gbǎ-a la Nyɔsoa-a wlùh dɛ bo. Ɛ̍ tìh-ɛ, à se̍ mɔ̀ dɛ̍ sɔ̀n pùn nu̍.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

Ɛfɛsɔ 4:26

Pò nyɔ̍ gbǎ jlu̍h-ɛ, ɔ̍ bɔ̌ wɔ̌n-ɛ ɔ̍ jlu̍h bɔ̌ ɔ̍ gblɛ̍n sɔ̀ɛ̀n we̍ gba̍-a. Bɔ̌ wɔ̍n-ɛ wlù bɔ̌ àn jlu̍h kɛ̍n i̍ wɔ̀-ɛɛ.

Ɛfɛsɔ 5:11

Dɛ̍ᵻ ìh-i po̍-ao nyɔ̍ dɛ̍ ìh kɔn-a dǒ kwile we̍-ɛ, mɔ̀ sà i̍h sɔ̍n we̍. Jɛ mɔ̀ nu̍ ɛ̍ i̍h iě gbɔ̀ wlǔh dǒ sɔ̀npli we̍. (

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

1 Tɛsoloniɔn 4:6

Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

2 Timote 2:15

Fɔ̀n dɛ̍ we̍ wɛ̀ Nyɔsoa iě àn chèɛ̀ ja̍i̍ po̍, ìè dbo̍ nu̍ nyɔ̍ ɔ̀ se̍-a ɔ̍ dbo̍ nu̍-ɛa tɛ̀n ple̍-ɛ wɔ̀. Ɔ̍-ɔ laa̍ bo ɔ̀ sèàɛ̍ tìh-a taǐn wlu̍ we̍ i̍ chɛ̀ gbɛɛ.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.

1 Pitɛ 1:17

Nyɔsoa-a sà wìè fɔ̌ due dǒ sàwi̍h sì la̍, ɔ̀ mɔ̀-a dǎɛ-a Baa-ɛ. Ɛ̍ tìh-ɛ, ti̍ mɔ̀-a mu̍-a da̍a kmɔ̌ la we̍ nɛ-ɛɛ, ɔ̍-ɔ bo mɔ̀ iě gbiǐh jě.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

Judi 1:23

Mɔ̀ flǎ nyɔ̍ duuh dě nɛ̍-ɛ, u̍h iě pǔh. Nɛ̀ mɔ̀ blě wɔɛ wlùh dǒ duuh we̍, jɛ nɛ̀ kǎ mɔ̀-a ple̍ faɔn o. U̍h-a jlii̍-a chɛ̀ ìh u̍h-a gblɛ̍n sɔ̀ɛ̀n nui-a flɛ̀n-ɛ, mɔ̀ ple̍ i̍h jǔ o.

Wlɛfeleseɔn 3:19

Nyɔ̍ ǐn jbɛɛ-aɛ u̍h bo ǎn gbɛ̍n kàn iě ǎn sà gblɛ̍n kwa̍ i̍. Ɛ̍ tìh-ɛ, mɔ̀-a wlùh nu̍ jàjà mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe.