2 Kɔwlɛntiɔn 7:1 - Ku̍o̍ Delee 1999

¹ Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

2 Kɔwlɛntiɔn 7:1 Iomraidhean Croise

Matio 12:33

Jusu la̍a̍, “Pò ìn blě tu̍ chɛ̀-ɛ, nɛ̀ àn mu̍ tu̍-a buǒ chɛ̀ blě. Pò ìn blě tu̍ sɔ̀n-ɛ, nɛ̀ àn mu̍ tu̍-a buǒ sɔ̀n blě. Dɛ̍nu̍ɛ, tu̍-a buǒ bo nyɔ̍-a juo-e ɛ̍ i̍.

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Matio 5:8

“Nyɔ̍ ùh blě-a wlùh wlǎ-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ Nyɔsoa-a jua̍a̍ jě.

Nu̍-dɛ̍ᵻ 9:31

Sɔ chɔchi̍h nyɔ̍ kli̍hgbɛ̍ nɛ-a dě Judia ke, Kaladii ke Sɛmewlea bloa̍ kɛ̍n i̍-ɛ, u̍h-a wlùh tè i̍, wɛ̀ u̍h-a gbǐh-a gbǎ-e. Nɛ̀ ka u̍h-a ple̍-a Joi-a faɔn-ɛ, nɛ̀ kǎ Nyɔsoa-a Sùù-a gbǎ u̍h we̍. Iě u̍h ku̍ dɛ̍blɔ.

Wloma 5:20

Nyɔsoa po̍ telě wɛ̀ nyɔ̍-a gblɛ̍n sɔ̀ɛ̀n nu̍-ɛ iě kɛ̍n gbǎ. Jɛ tà gblɛ̍n sɔ̀ɛ̀n-a gbǎ-ɛa kɛ̍n-ɛ, dǒ Nyɔsoa-a blɛ-a gbǎ-ɛ kɛ̍n ke dɛ̍blɔ.

1 Kɔwlɛntiɔn 6:20

Ɔ̍ po̍ mɔ̀-a pɛlǔh. Ɛ̍ tìh-ɛ, mɔ̀ nu̍ ɛ̍ mɔ̀-a ku̍ iě Nyɔsoa-a nynɛ̌ i̍ bɛ̌-ɛ.

2 Kɔwlɛntiɔn 1:20

Dɛ̍nu̍ɛ, ɔ̍-ɔ bo ɔ̀ nu̍ “I̍i̍n” dǒ Nyɔsoa-a wlu̍ kli̍hgbɛ̍ ɔ̍ po̍-a tɔ̀ma̍a̍-ɛ we̍. Ɛ̍ kɔn à wlu “Kǎ ɛ̍-ɛ nɛ” dě Jusu Klai ja̍a̍ dǒ Nyɔsoa-a tìh-a i̍ bɛ̌-ɛ we̍.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Iblu 12:28

Ɛ̍ tìh-ɛ, ka à jě-a Nyɔsoa-a kmɔ̌ wlu̍ i̍ kɔn-ɛ ɛ̀ se̍a dǒ wìè-i sà-ɛ mu̍-ɛ, nɛ̀ mɔ̀ à po̍ Nyɔsoa tlɔ̌ à iě ɔ̍ jǔ dbee dǒ ɔ̍ we̍ fòè-ɛ ke ɔ̍ faɔn ple̍-ɛ we̍ ɛ̀ tè-ea ɔ̍ wlùh i̍-ɛ.

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 6:9

À tìh kma nyɔ̍, pò à jɛ ja ka wlu-ɛ nu̍-ɛ, nɛ̀ jii̍ nmɔ dɛ̍ᵻ ìh kɔ̍-a dǒ mɔ̀-a pǔh-ɛ kɛ̍n i̍-ɛ, à kui i̍h wlùh kɛ̍n i̍.

Chiin 4:8

Mɔ̀ kɔǎɛn Nyɔsoa we̍ i̍, nɛ̀ ɔ̍ mu̍ mɔ̀ we̍ i̍ kɔǎɛn. Gblɛ̍n sɔ̀ɛ̀n nyɔ̍, mɔ̀ dle kwa̍. Wlùh sɔɔ̌n i̍ gbè-a nu̍-u nyɔ̍, mɔ̀ nu̍ mɔ̀-a wlùh-a wlaǎwla.

1 Pitɛ 1:15

Jɛ ka Nyɔsoa ɔ̀ dǎ-a mɔ̀-ɛ ɔ̍ nu̍-a nɛi̍ wɛ̀-ɛɛ, kǎ mɔ̀ iě nɛi̍ wɛ̀-ɛ nu̍ dǒ mɔ̀-a nu̍-dɛ̍ᵻ kli̍hgbɛ̍ we̍.

1 Pitɛ 1:17

Nyɔsoa-a sà wìè fɔ̌ due dǒ sàwi̍h sì la̍, ɔ̀ mɔ̀-a dǎɛ-a Baa-ɛ. Ɛ̍ tìh-ɛ, ti̍ mɔ̀-a mu̍-a da̍a kmɔ̌ la we̍ nɛ-ɛɛ, ɔ̍-ɔ bo mɔ̀ iě gbiǐh jě.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 1:9

Jɛ pò à sà à gblɛ̍n sɔ̀ɛ̀n gbɔ̀ i̍ dě Nyɔsoa ɔ̀-ɔ gblìh-a wlu̍ kɛ̍n iě ɔ̀ slɛ̌-a i̍-ɛ we̍-ɛ, nɛ̀ ɔ̍ mu̍ à gblɛ̍n sɔ̀ɛ̀n-a tìh i̍ tǎli, wɛ̀ ɔ̍ iě à se̍ i̍ slɛ̌ gblɛ̍n kli̍hgbɛ̍ wɔ̍lɔ pihpǐh.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.