2 Kɔwlɛntiɔn 6:4 - Ku̍o̍ Delee 1999

⁴ Jɛ dɛ̍ᵻ kli̍hgbɛ̍ à nu̍-aɛ, à to ɛ̍ ka à nu̍-a Nyɔsoa-a pòi̍nynuu̍-ɛ. À ku̍-e klì i̍ kaa̍ dǒ à wě jě-ɛ ke, tìh jě-ɛ ke jua̍i̍ sàɛ̀-ɛ we̍.

2 Kɔwlɛntiɔn 6:4 Iomraidhean Croise

Pɔ̀n Chɛ̀ Luu To-a La 21:19

Mɔ̀-a dě klì i̍ ku̍-ɛ bo ɛ̀ mu̍ mɔ̀-a chɛ̀ sèìe.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 2:22

“Mɔ̀ɔ̍ Eslɔɛ nyɔ̍, mɔ̀ tba̍ dounᵻ i̍ wɛ̀ mɔ̀ iě wlu̍ la wɔ̌n. Jusu la ɔ̀ sɔ-a dǒ Naaslɔɛ wlɔ̀ di̍i̍-ɛ, ɔ̍ bo Nyɔsoa dbo̍ mɔ̀ we̍, iě ɔ̍ to ɔ̍ mɔ̀ i̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ ɔ̍ nu̍-aɛ we̍. Nyɔsoa bo ɔ̀ jii dě ɔ̍ ja̍a̍ wɛ̀ ɔ̍ nu̍ ìh la nɔ̌ mɔ̀ nynɛ̌, mɔ̀-a jlǐhɛ̍ se̍ tà maɛ.

Nu̍-dɛ̍ᵻ 20:34

Mɔ̀-a chɛ̀-a gbǎ juo ɛ̍-ɛ, pò ǐn ke ǎn na-a nyɔ̍ ja dɛ̍ i̍ pɔ̀n-ɛ, ǎn chɛ̀-a sɔ̍n-a gbǎ bo ǎn nu̍ wɛ̀ à jě ɛ̍.

Nu̍-dɛ̍ᵻ 9:16

Nɛ̀ ǎn mu̍ ɛ̍ ɔ̍ i̍ to ka ɔ̍ mu̍-a jua̍i̍ sàɛ̀-ɛ nu̍ dɛ̍blɔ dǒ ǎn nynɛ̌-a tìh we̍-ɛ.”

Wloma 14:18

Nɛ̀ɛ̍, nyɔ̍ ɔ̀ nu̍-a ka Klai jǔ dbee sɔɛn-ɛ, nɛ̀ Nyɔsoa wɔ̌ɛn ɔ̍ tìh i̍ iě wlɔ̀ nyɔ̍ po̍ ɔ̍ chèɛ̀ ja̍i̍.

Wloma 16:10

Nɛ̀ Apɛli ɔ̀ to-a ɛ̍ ka ɔ̍ gbɛ̍n-ɛa Klai dɛ sɔ̍nᵻ sɔɔ̌n i̍-ɛ, mɔ̍ sà ɔ̍ nyinɔ̍ i̍. Nɛ̀ mɔ̍ sà Awleslɔbulɔ-a chɛ̌ nyinɔ̍ i̍ ke.

Wloma 3:5

Jɛ pò à kà gblɛ̍n sà Nyɔsoa-a i̍ slɛ̌-ɛ tà te̍gbe̍i̍n-ɛ, nɛ̀ ka à mu̍ dǎ ɛ? Jlu̍h Nyɔsoa gbǎ-ɛa àɔ̀-ɛ, ɛ̍ se̍ i̍ slɛ̌ ae? (Ǎn wlu-i kmɔ̌ nyɔ̍-a flɔ̍nwlùh-u.)

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

1 Kɔwlɛntiɔn 3:5

Nyɔ̍ bo ɔ̀ nu̍ Apolo ɛ? Iě nyɔ̍ bo ɔ̀ nu̍ Pɔɔ ɛ? Àɔ̀ Nyɔsoa-a pòi̍nynuu̍, àɔ̀ kɔn ja̍a̍ bo mɔ̀ jii wɛ̀ mɔ̀ blě ka wlùh gbaɛ. À jɔ-ɛ, nɛ̀ Joi nyǐ ɔ̍ naɛ dɛ̍ ɔ̍ iě nu̍.

1 Kɔwlɛntiɔn 4:1

Mɔ̀ jě àɔ̀ Klai-a pòi̍nynuu̍ ka, ɛ̍ ke nyɔ̍ ùh-a sèàɛ̍-a Nyɔsoa-a slǎn wlu̍ we̍ i̍-ɛ ke.

1 Kɔwlɛntiɔn 9:11

À tù Nyɔsoa-a dɛ̍ᵻ jɔ̌ dě mɔ̀ nynɛ̌. Nɛ̀ pò à ja mɔ̀ dɛ̍ kwa̍a̍ i̍ pɔ̀n-ɛɛ, nɛ̀ ɛ̍ se̍ dě mɔ̀ di̍i̍ i̍ sǐi ae?

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

2 Kɔwlɛntiɔn 11:27

Ǐn nu̍ dbo̍ iě ǐn sàɛ̀ jua̍i̍ dɛ̍ dɔu. Ǐn se̍ mɔ̌-ɔ nyinɔ̍ kɔn dǒ wlù wǐh dɔu di̍i̍. Mɔ̌ ke nǐ na̍ tɔ̌n-a nu̍ m. Ǐn se̍ di̍-dɛ̍ ke pɛ̌na̍ ke pa̍-dɛ̍ blě sɔ̀ngbɛ̀jɛ̀.

2 Kɔwlɛntiɔn 11:9

Ti̍ ǐn nɛ-a dě mɔ̀ we̍ ǎn pɔ̀n-a wlǐ-ɛ, ǐn se̍ mɔ̀ wɔ̍ɔ̍n i̍ bɛ̌ɛ ǎn we̍ gbǎ tìh. À de̍di̍i̍ᵻ ùh sɔ-a nɔ̌ Mɛsedonia bloa̍ kɛ̍n-ɛ, u̍h ja ǐn dɛ̍ᵻ kli̍hgbɛ̍ ǐn nɛ-a blě ka̍-ɛ. Ka à nu̍-a sàǐtòò-ɛ, kǎ à mu̍ nu̍ dě nya̍. Ǐn se̍ mɔ̀ dɛ̍ i̍ pɔ̀n-ɛ mu̍.

2 Kɔwlɛntiɔn 12:10

Klai-a tìh bo ǎn wɔ̌ɛn ǎn gbǐh-a sɔɔn nu̍-ɛ ke, ǎn chlèe-ɛ ke, tìh jě-ɛ ke, klè jě-ɛ ke jua̍i̍ sàɛ̀ ke. Pò ǎn gbǐh ja sɔɔn nu̍-ɛ nɛ̀ ǎn kmu i̍.

2 Kɔwlɛntiɔn 12:12

Jbaɛdih ke nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ nui-ɛ dě mɔ̀ nynɛ̌, iě i̍h to ɛ̍ ka ǐn nu̍-a Klai-a gba̍tòà dǒ ǎn wlùh i̍ gbɛ̍n-ɛ we̍ kaa̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 3:6

Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 4:8

Nyɔ̍-a sàɛ̀ à jua̍i̍ tà kli̍hgbɛ̍, jɛ à se̍ klà sà-ɛ. À se̍ nu̍ ka̍ juo, jɛ à se̍ à wlùh gbaɛ kɛ̍n i̍ poe.

2 Kɔwlɛntiɔn 7:11

Mɔ̀ jě dɛ̍ Nyɔsoa nu̍-a mɔ̀-a wlùh-a seɔn gbǎ-a, kǎ ɛ̍ tìh nu̍-a mɔ̀ i̍ gbɛ̍n-ɛ iě mɔ̀-a wlùh-a nu̍-a jàjà mɔ̀ iě-a ɛ̍ to ka mɔ̀ se̍-a dɛ̍ sɔ̀n nu̍-ɛ. Mɔ̀ gbǎ jlu̍h-u dǒ dɛ̍ ɛ̀ gbǎ-aɛ we̍, iě ɛ̍ wa̍ mɔ̀ dɛ̍ we̍. Ɛ̍ nu̍ ɛ̍ mɔ̀-a pɔ̀n ǐn jě-ɛ i̍ kaa̍. Ɛ̍ nu̍ ɛ̍ wɛ̀ mɔ̀ kma ǎn tìh, iě mɔ̀-a wlùh-a nu̍ jàjà mɔ̀ iě nyɔ̍ ɔ̀ nu̍-a dɛ̍ sɔ̀n-ɛ kàn gbɛ̍n. Mɔ̀ to ɛ̍ wɛ̀ chɛ̀ɛ̌chɛ̀ ka mɔ̀ se̍-a dɛ̍ sɔ̀n nu̍-ɛ.

Kalase 1:11

Ǎn sà nǐ wɔ̍n Joi-a tìh-a i̍ bɛ̌-ɛ gbǐh iě ɛ̍ nu̍ mɔ̀-a kmu-ɛ iě gbǐh kɛ̍n nɛ. Wɛ̀ mɔ̀ iě-e klì i̍ ku̍ dǒ dɛ̍ᵻ kli̍hgbɛ̍ we̍ dě wlùh i̍ gbɛ̍n-ɛ di̍i̍, mɔ̀ iě nmɔ.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

1 Tɛsoloniɔn 3:7

Ɛ̍ tìh-ɛ, à de̍di̍i̍ᵻ, dě à jua̍i̍ sàɛ̀-ɛ ke klě jě-ɛ kli̍hgbɛ̍ di̍i̍-ɛ, i̍h fùka à wlùh dǒ mɔ̀ we̍. Mɔ̀-a wlùh gbaɛ bo ɛ̀ nu̍ ɛ̍.

1 Tɛsoloniɔn 5:14

À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

1 Timote 2:15

Jɛ nynɔ̌gbaɔ ɔ̀ mu̍-a wlùh gbaɛ ke, nyɔ̍ tìh kma-a ke, Nyɔsoa wlùh kwlǎ sà-ɛ dɛ kɛ̍n sie dǒ tìh i̍ ple̍-ɛ we̍-ɛ, nɛ̀ ɔ̍ mu̍ pǔh dǒ ɔ̍ gbàɔ̀n sà la̍.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

2 Timote 2:24

Joi-a pòi̍ju se̍ kɔn ɔ̍ iě wɔ̍ɔ̍n i̍ sà nyɔ̍ nu̍. Ɔ̍ kɔn ɔ̍ iě gblɛ̍n-ɛ nmɔ dǒ nyɔ̍ kli̍hgbɛ̍ we̍. Ɔ̍ kɔn ɔ̍ iě nǎ po̍ nyɔ̍ chɛ̀ ke wlùh i̍ gbɛ̍n nyɔ̍ nu̍.

2 Timote 4:5

Jɛ mɔ̀ɔ̍, tù àn chɛ̀ tɔ̀ɔ̀n dǒ dɛ̍ᵻ kli̍hgbɛ̍ we̍. Ku̍-e klì i̍ dǒ jua̍i̍ sàɛ̀ la̍. Nu̍ àn pɔ̀n chɛ̀ bla̍ dbo̍, nɛ̀ ìn nu̍ ɛ̍ sɔ̍nᵻ ka ìn nu̍-a Nyɔsoa-a pòi̍ju-ɛ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.