2 Kɔwlɛntiɔn 6:3 - Ku̍o̍ Delee 1999

³ À se̍ pɔ̀n nyɔ̍-o-nyɔ̍ iě à dbo̍ kɛ̍ pùn jě. Ɛ̍ kɔn à fɔ̀n dɛ̍ we̍, à-a je̍e ɛ̍ nu̍ nyɔ̍-o-nyɔ̍ je̍e gbèle.

2 Kɔwlɛntiɔn 6:3 Iomraidhean Croise

Matio 17:27

Jɛ à-a je̍e dɛ̍ nu̍ ɛ̍-ɛ je̍e nyɔ̍ wɔ̍i̍n nyaɛ. Ɛ̍ tìh-ɛ, mu̍ ìè kɔɛ̍n po̍ dě pɛ̍nu̍ klaa kɛ̍n. Smìɛ̍ àn mu̍-a sà sàǐtòò-ɛ, nɛ̀ ìn gbɛ̀n dě ɛ̍ wɔ̍ɔ̍n wliɛ̍ àn mu̍-ae jě-ɛ, ɛ̍ mu̍ ìn ke ǐn ke à taa̍sìh pɛ̌ɛ wɛ̀. Nɛ̀ ìn gba̍ ɛ̍ u̍h, à nàɛ̀ taa̍sìh bo.”

Matio 18:6

Jusu la̍a̍, “Jɛ ùh plìh la ùh gbaɛ-a ǐn wlùh-ɛ, nyɔ̍-o-nyɔ̍ ɔ̀ mu̍-a u̍h-a wlùh fèàɛ̀ dě gblɛ̍n sɔ̀ɛ̀n we̍-ɛ, nɛ̀ ɛ̍ mu̍ i̍ blaɛ u̍h iě nyɔ̍ kaɛn laa̍ dui-sɔɔ̌ dɔ̍ i̍ sa̍n-ɛ, wɛ̀ u̍h iě ɔ̍ jbǒ kɛ̍n po̍.

Nu̍-dɛ̍ᵻ 19:27

Sɔ nɛ̀ ɛ̍ nu̍ kanɛa dɛ. Ɛ̍ se̍ à dbo̍-a nynɛ̌-ɛ je̍e jii̍ nyni nɛ due tìh, jɛ nɛ̀ à nyɔsoa Atemi ɛ̀ ku̍-a wɔ̍n-ɛ, nɛ̀ ɛ̍ slaǎ sà gbò-a nynɛ̌ bo ɛ̀ nyni wɔ̍n. Nɛ̀ à nyɔsoa ɛ̀ Esea nyɔ̍ ke kmɔ̌ kli̍hgbɛ̍-a sà-a wɛɛ de-ɛ, nɛ̀ ɛ̍ tìh-a mu̍ ja̍a̍i̍ gbǎ, wɛ̀ ɛ̍ iě da̍a sà-ɛ.”

Wloma 14:13

Nɛ̀ɛ̍, mɔ̀ à kǎ à ba̍ᵻ tìh pùn tù-ɛ nɛ. Jɛ dɛ̍ à iě-a nu̍-ɛ, mɔ̀ à po̍ slɛ̌ wɛ̀ à-a je̍e à de̍di̍i̍ tàmlain poe, àe̍e̍ à-a je̍e ɛ̍ nu̍ ɔ̍-ɔ je̍e gblɛ̍n sɔ̀ɛ̀n nu̍.

1 Kɔwlɛntiɔn 9:12

Pò ɛ̍ blaɛ i̍ nyɔ̍ duuh iě mɔ̀ dɛ̍ kwa̍a̍ jě-ɛ, nɛ̀ àɔ̀ bo à se̍-o sìì mu̍ ae? À blaɛ i̍ de, jɛ à gbɛ̍n-ɛ ɛ̍ plǔh sɔ̀nᵻ i̍. Iě à ku̍-e klì i̍ dǒ dɛ̍ᵻ kli̍hgbɛ̍ we̍, wɛ̀ à-a je̍e pɔ̀n chɛ̀ ɛ̀ kɔ̍-a dǒ Klai pùn i̍-ɛ bu̍h i̍ tba̍.

1 Kɔwlɛntiɔn 9:22

Pò ǐn jɛɛ gbǐh-a mɛ̌-nyɔ̍-ɛ, nɛ̀ ǐn nu̍ ǎn chɛ̀ gbǐh-a mɛ̌-nyɔ̍ we̍i̍. Wɛ̀ ɛ̍ iě kmɔ̌ nɛ u̍h-a wlùh iě fèàɛ̀ dě Klai we̍. Ǎn nu̍ dɛ̍ᵻ kli̍hgbɛ̍ ǐn kɔn iě-a nu̍-ɛ, wɛ̀ ɛ̍ iě kmɔ̌ nɛ iě nyɔ̍ duuh pǔh-i gbɔ̀gbɔ̀.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 8:20

À nu̍ nɛnɛ̌ wɛ̀ nyɔ̍-ɔ je̍e à nynɛ̌ sà ka à nu̍-a nyǐ-dɛ̍ᵻ dɔu la dbo̍ nui-ɛɛ.