1 Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.
Wɛ̀ ɔ̍ la̍a̍, “À, Juluslɛn, Juluslɛn, mɔ̀ bo ɔ̀ dbǎ Nyɔsoa-a tu̍owli po̍ nyɔ̍ wɛ̀ ìn tbaɛ nyɔ̍ ɔ̍ dbo̍-a dě ìn we̍-ɛ sɔɔ̌ᵻ i̍. Ti̍ kli̍hgbɛ̍ we̍ ǎn pɔ̀n àn nynuu̍ la tàdùè po̍-ɛ i̍, iě u̍h kɛ̍n kaɛn de ka gbàn nynɔ̌ suuh-a flùì ɛ̍ nynuu̍ kɛ̍n-ɛ. Jɛ nɛ̀ wɔ̌ɛn ɛ̍-ɛ.
Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.
Dǒ Pɔɔ ke Banaba wlè, iě u̍h-a bla̍ Joi-a tìh gbài̍gbài̍. Wɛ̀ Joi tba̍ u̍h bu̍hᵻ de̍e̍ i̍ dǒ ɔ̍ blɛ nɛ tìh u̍h-a bla̍-aɛ we̍. Ɛ̍ kɔn ɔ̍ nu̍ ɛ̍ iě nyɔ̍ wɔ̍n flɔn-ɛ dɛ̍ᵻ ke jbaɛdih-a jii dě u̍h ja̍a̍.
Ɛ̍ tìh-ɛ, ǐn de̍di̍i̍ᵻ, ǐn chɛ̍n mɔ̀-a gbɛ̀n, ka Nyɔsoa jě-a àɔ̀ wɔɛ-ɛ, mɔ̀ sà mɔ̀-a chɛ̀ kwlǎ dǒ ɔ̍ we̍ wɛ̀ mɔ̀ iě slaǎ sà-ɛ dɛ̍ jɛ tè-a kmɔ̌ i̍-ɛ wɔ̀. Nɛ̀ mɔ̀ tè-eɛ pɔ̌ dǒ ɔ̍ we̍, mɔ̀-a tìh iě ɔ̍ gbǐh po̍, ɛ̍ bo ɛ̀ nu̍ mɔ̀-a wɛɛ sà-aa gblangbai̍.
Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.
Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.
Ǐn se̍ Nyɔsoa-a blɛ chla tba̍. Dɛ̍nu̍ɛ, pò telě ja nyɔ̍ i̍ slɛ̌-ɛ de dě Nyɔsoa jlǐh-ɛ, nɛ̀ Klai-a mɛ̌ɛ se̍ dɛ̍ i̍ blaɛ de.
Wɛ̀ dɛ̍ᵻ kli̍hgbɛ̍ ìh nɛ-a mɔ̀ pùn-ɛ, i̍h iě niɔ̍ wlǎ ae? Ǐn juo ɛ̍-ɛ, i̍h se̍ niɔ̍ wlǎ mu̍.
Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.
Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.
Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.
Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?
Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.
Mɔ̀ kli̍hgbɛ̍ Nyɔsoa nyǐ mɔ̀ nyǐ-dɛ̍ᵻá gbɔ̍ᵻ gbɔ̍ᵻ. Ka mɔ̀ jě-a i̍h wɛ̀-ɛ, mɔ̀ nui i̍h dɛ̍ chɛ̀ dǒ nyɔ̍ duuh we̍.