2 Kɔwlɛntiɔn 5:4 - Ku̍o̍ Delee 1999

⁴ Ka à tǐn-a nɔ̌ kmɔ̌-a wɛ̀ɛ̀ sɔ̍n wlù la di̍i̍ ke̍-ɛ, dě à di̍i̍-a si̍n-i ka gbɛ̀-a bla̍ nyɔ̍-ɛ. Ɛ̍ se̍-ɛ à iě dě à kmɔ̌ we̍ ku̍ di̍i̍ sɔ, jɛ à pɔ̀n à iě à ku̍ ɛ̀ nɛ-a dě ja̍i̍wlɔ̀-ɛ di̍i̍ nɛ, wɛ̀ à ku̍ ìh-a mu̍-a mɛ̌-ɛ, i̍h iě ku̍ jih se̍-a mɛ̌ mu̍-ɛ sàɛ̀.

2 Kɔwlɛntiɔn 5:4 Iomraidhean Croise

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

1 Kɔwlɛntiɔn 15:51

Mɔ̀ po̍-e dounᵻ iě mɔ̀ dɛ̍ ɛ̀ nɛ-a dě slǎn-ɛ wlùh sèàɛ̍. À kli̍hgbɛ̍ à se̍ mɛ̌ mu̍, jɛ pò bɔ̌ɛ-o dɔ̍gbɛ̍ wlu-ɛ, ka nyɔ̍-a nu̍-a kǎbo-ɛ, kǎ à kli̍hgbɛ̍ à mu̍ sàɛ̀ nu̍ suei̍. Dɛ̍nu̍ɛ, pò dɔ̍gbɛ̍ wlu-ɛ, nyɔ̍ ùh mɛ̌-aɛ, u̍h-a mu̍-e wlǔh. Nɛ̀ u̍h se̍ mɛ̌ mu̍ dɛ, wɛ̀ à iě sàɛ̀ ke.

2 Kɔwlɛntiɔn 5:2

Kaka la̍, dě à di̍i̍-a si̍n-i. Dɛ̍nu̍ɛ, à pɔ̀n à iě-e à gbò ɛ̀ nɛ-a dě ja̍i̍wlɔ̀-ɛ di̍i̍ pa̍ ka nyɔ̍-a pa̍ jlii̍-ɛ.

2 Kɔwlɛntiɔn 5:3

Pò à nɛ dě ɛ̍ di̍i̍-ɛ, nɛ̀ à se̍ gbaǎn chɛn mu̍.

2 Pitɛ 1:13

Ǐn juo ɛ̍-ɛ, ɛ̍ slɛ̌ i̍ iě mɔ̀ tìh la wlì i̍ sǐi ka ǐn tè-a kmɔ̌ i̍ ke̍-ɛ.