2 Kɔwlɛntiɔn 5:1 - Ku̍o̍ Delee 1999

¹ À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

2 Kɔwlɛntiɔn 5:1 Iomraidhean Croise

Pɔ̀n Chɛ̀ Maɛ To-a La 14:58

“À wɔ̌n ɔ̍ wlu̍ ɔ̍ la̍a̍, ‘Ǎn mu̍ Nyɔsoa-a slaǎ sà gbò la u̍h poe-a sɔ̍n-ɛ wlǎ. Nɛ̀ pò wǐh ta̍a̍n sì-ɛ, nɛ̀ ǎn mu̍ dɛɛ po̍, ɛ̀ sɔ̍n-a wɔ̀ɔ̀ se̍-a i̍ nɛ mu̍-ɛ.’ ”

Nu̍-dɛ̍ᵻ 7:48

“Jɛ gbòᵻ ìh nyi̍ɔ̍ po̍-aɛ, Sìì Nyɔ̍ Wɔ̍n Nyɔsoa la ɔ̍-ɔ tǐn dě i̍h di̍i̍. Kǎ ɛ̍ nu̍ ka chlǐh-ɛ dě Nyɔsoa-a tu̍owli po̍ nyɔ̍-a chlǐh-dɛ̍ di̍i̍,

1 Kɔwlɛntiɔn 3:9

Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.

2 Kɔwlɛntiɔn 4:7

À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.

2 Kɔwlɛntiɔn 5:4

Ka à tǐn-a nɔ̌ kmɔ̌-a wɛ̀ɛ̀ sɔ̍n wlù la di̍i̍ ke̍-ɛ, dě à di̍i̍-a si̍n-i ka gbɛ̀-a bla̍ nyɔ̍-ɛ. Ɛ̍ se̍-ɛ à iě dě à kmɔ̌ we̍ ku̍ di̍i̍ sɔ, jɛ à pɔ̀n à iě à ku̍ ɛ̀ nɛ-a dě ja̍i̍wlɔ̀-ɛ di̍i̍ nɛ, wɛ̀ à ku̍ ìh-a mu̍-a mɛ̌-ɛ, i̍h iě ku̍ jih se̍-a mɛ̌ mu̍-ɛ sàɛ̀.

Kalase 2:11

Dě ɔ̍ ja̍a̍ bo mɔ̀ gbǎ-ɛ plɔ̀n, ɛ̍ se̍ nyi̍ɔ̍-a sɔ̍n ɛ̀ se̍ mɔ̀ plɔ̀n po̍. Jɛ Klai naɛ plɔ̀n gbǎ-a sà nyɔ̍ dě gblɛ̍n sɔ̀ɛ̀n ku̍ la di̍i̍.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

Iblu 11:10

Nɛ̀ Eblaɛɛn-a fuo ti̍ ɔ̍ iě dǒ tùgbàwlɔ̀ ɛ̀ Nyɔsoa po̍-a ɛ̀ se̍-a wlǎ la̍ kɔn-ɛ di̍i̍ mu̍.

Iblu 9:11

Jɛ dɛ̍ᵻ chɛ̀ jih à juo-a ka i̍-ɛ, Klai bo ɔ̀ nu̍ slaǎ sà nyɔ̍-a dlǔtu dǒ i̍h we̍ ɔ̀ ji̍. Nyɔsoa-a wɛ̀ɛ̀ sɔ̍n wlù ɛ̀ ku̍-a wɔ̍n iě ɛ̀ wɛ̀-a kwlǎ ɛ̀ sìì-a sàǐtòò naɛ-ɛ, dě ɛ̍ di̍i̍ bo ɔ̍ dbee Nyɔsoa jǔ. Nyi̍ɔ̍-a sɔ̍n se̍ ɛ̍ nu̍, iě ɛ̍ se̍ da̍a kmɔ̌ la we̍ kɔn.

Iblu 9:24

Wɛɛ sà gbò jɛ nyi̍ɔ̍-a sɔ̍n po̍-a ɛ̀ wɔ̀-a jɛ nu̍-a gblangbai̍ naɛ ɛ̀ nɛ-a dě ja̍i̍wlɔ̀-ɛ, Klai se̍ dě ɛ̍ di̍i̍ pa̍. Jɛ dě ja̍i̍wlɔ̀-a chɛ̀-ɛ gbǎ bo ɔ̍ mu̍, iě ɔ̍ nɛ ka dǒ Nyɔsoa jǔ dǒ à tàà.

1 Pitɛ 1:4

Wɛ̀ à gbɛ̀n dě wìè-i à iě dɛ̍ᵻ Nyɔsoa tè-a i̍ dǒ ɔ̍ nyɔ̍ we̍-ɛ jě. I̍h se̍-e gbɔ̀lɔ la̍ kɔn, i̍h se̍ jii̍ nyni la̍ kɔn, iě i̍h se̍ wɔ̍n wɛ̀ la̍ kɔn ke. Ɔ̍ tè i̍h i̍ dě ja̍i̍wlɔ̀ dǒ mɔ̀ we̍.

2 Pitɛ 3:11

Ka dɛ̍ᵻ kli̍hgbɛ̍-a mu̍-a ka gbɔ̀lɔ-ɛ nu̍-ɛ, nɛ̀ dɛ̍ɛ nyɔ̍ we̍ bo mɔ̀-a mu̍ ka nu̍ ɛ? Mɔ̀ kɔn mɔ̀ iě nɛi̍ wɛ̀, mɔ̀ iě Nyɔsoa kmɔ̌-ɔ nɛ.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:19

À nyɔ̍-ɔ jbɛɛ-ɛ bo ɛ̀ nu̍ ɛ̍ wɛ̀ à juo-o dɛ̍ i̍ ka à kɔn-a dǒ tìh-a taǐn we̍-ɛ, wɛ̀ à wɛ̀ faɔn dǒ Nyɔsoa jǔ.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.