2 Kɔwlɛntiɔn 4:7 - Ku̍o̍ Delee 1999

⁷ À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.

2 Kɔwlɛntiɔn 4:7 Iomraidhean Croise

Matio 13:44

Jusu la̍a̍, “Dɛ̍ ɛ̀ ke Nyɔsoa-a kmɔ̌ wlu̍ i̍ kɔn-ɛ wɔ̀ɛ-a, ɛ̍ la. Pàn-dɛ̍ due bo ɛ̀ nɛ dǒ kwlǎ gbɔ̍ di̍i̍ ɛ̀ sìle, wɛ̀ jɔ̍gbau due tɛ̌n ɛ̍ i̍. Wɛ̀ ɔ̍ kaɛn ɛ̍ dɛ̍ kɛ̍n dode̍. Iě ɔ̍ blě mɔna̍ nu̍-ɛ ɔ̍ mu̍ wlɔ̀. Wɛ̀ ɔ̍ ple̍ ɔ̍ kɔn-dɛ̍ᵻ kli̍hgbɛ̍, iě ɔ̍ tɛ̀n kwlǎ gbɔ̍ laa̍.”

Matio 13:52

Wɛ̀ ɔ̍ la̍a̍ dě u̍h we̍, “Ɛ̍ kɔn tìh pò telě nǎ poe nyɔ̍ laa̍ pò ɔ̍ poe-ɛ slɛ̌ chèɛ̀ i̍ wɛ̀ dǒ Nyɔsoa-a kmɔ̌ wlu̍ i̍ kɔn dɛ we̍-ɛ, nɛ̀ ɔ̍ wɔ̀ gbò joi wɛ̀. Nɛ̀ ɔ̍ bo ɔ̀ mu̍ la̍ blewi̍h delee ke i̍h-a soaᵻ naɛ dě dɛ̍ i̍ tè gbò di̍i̍ sà ɔ̍ iě i̍h sɔ̀n sǐ-i.”

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

1 Kɔwlɛntiɔn 1:28

Dɛ̍ ɛ̀ kmɔ̌ nyɔ̍-a bla̍-a jlǐhɛ̍ dlǔ wɛ̀ u̍h se̍-a dɛ̍ɛ̍ jě-ɛ, ɛ̍ ke ɛ̀ u̍h se̍-a dɛ̍ dǎɛ-ɛ ɛ̍ bo Nyɔsoa-a tba̍ chèɛ̀, wɛ̀ ɛ̍ iě kmɔ̌ nyɔ̍ naɛ gbɔ̀ fǒ-e.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:12

Ti̍ mɔ̀ po̍-a nǐ dlǔ-ɛ, ka u̍h nu̍-a Klai i̍ tè-ɛ bo u̍h nu̍ mɔ̀. Iě ka ɔ̍ nu̍-ae wlǔh-ɛɛ, wɛ̀ mɔ̀ nu̍ la̍a̍n dě-e wlǔh-ɛ ke dě mɔ̀-a wlùh gbaɛ di̍i̍, dǒ Nyɔsoa-a gbǐh ɛ̀ sà-e Klai-ɛ we̍.

Kalase 2:3

Dě ɔ̍ ja̍a̍ bo dɛ̍kɛ̍n gbǎ flɔ̍nwlùh ke tɔɔ kli̍hgbɛ̍ tè-ɛ i̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 4:4

Mɔ̀-a nyɔ̍ jɔ-ɛ, ɔ̍ kɔn ɔ̍ iě ka ɔ̍ iě-a nynɔ̌ blě-ɛ nu̍-ɛ juo. Nɛ̀ u̍h-a mu̍ kǔkɛ̍n nɛ, wɛ̀ u̍h iě dě Nyɔsoa jlǐh i̍ nmɔ.

2 Timote 2:20

Blewi̍h nɛ-a dě gbò klaa di̍i̍-ɛ, u̍h nui diih kòo̍ ke sebla̍, wɛ̀ u̍h nui diih tu̍ᵻ ke mɛ̍. Diih nu̍ seǐju blewi̍h, wɛ̀ diih nu̍ plǒai blewi̍h.