2 Kɔwlɛntiɔn 4:5 - Ku̍o̍ Delee 1999

⁵ Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

2 Kɔwlɛntiɔn 4:5 Iomraidhean Croise

Matio 23:8

Jɛ mɔ̀ɔ̍ nɔ̀ɔ̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ dlǔtu dǎɛ-ɛ, dɛ̍nu̍ɛ, mɔ̀-ɔ de̍di̍i̍ᵻ iě mɔ̀-a dlǔtu nɛ due gbài̍.

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

1 Kɔwlɛntiɔn 12:3

Ɛ̍ tìh-ɛ, ǎn pɔ̀n mɔ̀ iě i̍h juo ka nyɔ̍ ɔ̀ Nyɔsoa-a Sùù nɛ-a dě ja̍a̍-ɛ, ɔ̍ se̍ Jusu wlu̍we̍i̍ po̍-ɛ bɛ̌ɛ. Pò Nyɔsoa-a Sùù wɔ̍ se̍ dě nyɔ̍ ja̍a̍ nɛ ke-ɛ, nɛ̀ ɔ̍ se̍ Jusu Joi dǎɛ bɛ̌ɛ.

1 Kɔwlɛntiɔn 15:47

Sàǐtòò Adaun nui-ɛ blǔh nɔ̌ bloɔ̍, iě Adaun-a sɔɔ̌n naɛ sɔ dě ja̍i̍wlɔ̀.

1 Kɔwlɛntiɔn 2:2

Ti̍ iě-a dě mɔ̀ we̍ nɛ-ɛ, ǐn pu̍e̍e ɛ̍ wlùh i̍ iě dɛ̍ᵻ kli̍hgbɛ̍ dǒ de̍ i̍ poe, Jusu Klai-a dǒ tu̍ wlì kɔ̍-ɛ tìh bla̍-a due kɔn tìh-a tɛ̀ ǐn sà-o.

1 Kɔwlɛntiɔn 4:15

Pò mɔ̀-a jɛ blě nyɔ̍-a wlǔ pùè-a chɛ̀ u̍h ja mɔ̀ nǎ po̍ dǒ Klai dɛ we̍-ɛ, mɔ̀ se̍ baaᵻ dɔu blě. Dɛ̍nu̍ɛ, mɔ̍ bo ɔ̀ nu̍ mɔ̀ baa dě mɔ̀ ke Jusu Klai-a due nɛ-ɛ di̍i̍ dǒ pɔ̀n chɛ̀ ǐn ja-a dě mɔ̀ we̍-ɛ we̍.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

2 Kɔwlɛntiɔn 1:24

À se̍ dɛ̍ we̍ fɔ̀n à iě mɔ̀ wlu̍ i̍ kɔn dǒ dɛ̍ mɔ̀-a mu̍-a wlùh gbaɛ-ɛ we̍. À juo ɛ̍ ka mɔ̀ ku̍-ae klì i̍ dě mɔ̀-a wlùh gbaɛ di̍i̍-ɛ. Jɛ mɔ̀ ke à nu̍ dbo̍ dǒ mɔ̀-a chɛ̀-a mɔna̍ dɛ̍-a sǔh we̍.

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Felepai 1:15

Kǎ ɛ̍ nɛ, duuh-a Klai-a tìh bla̍-a kɔ̍-o wlɛ̀n ke chɛ̀-eɛ kɛ̍n i̍. Jɛ duuh-a bla̍ ɔ̍ tìh dǒ wlùh wlǎ we̍.

Felepai 2:11

Nɛ̀ nyɔ̍ kli̍hgbɛ̍-a mu̍ ɛ̍-ɛ wɔ̌ɛn dǒ gbaɛ̍we̍ ka Jusu Klai nu̍-a u̍h-a Joi-ɛ, wɛ̀ ɛ̍ iě Baa Nyɔsoa tìhwe̍ po̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

Taitɔ 1:11

Ìn kɔn ìè u̍h bɔ̌ i̍ po̍. Dɛ̍nu̍ɛ, wlǐ klǎn kɔn tìh-ɛ, u̍h-a nyni-i chɛ̌tu gbài̍ laa̍ u̍h-a dlǔᵻ jii̍ dǒ dɛ̍ᵻ u̍h se̍-a kɔn u̍h iě-a nǎ poe de-ɛ we̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.