2 Kɔwlɛntiɔn 4:4 - Ku̍o̍ Delee 1999

⁴ U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 4:4 Iomraidhean Croise

Matio 13:22

Jɔ̌ jih gbǎ-a dě klàɛ̀n di̍i̍-ɛ, i̍h bo ìh wɔ̀ nyɔ̍ ùh wɔ̌n-a tu̍owli la wɛ̀ kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ mɔɛ tu̍owli laa̍ dlǔ i̍. Ɛ̍ kɔn u̍h se̍ tlo.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 12:40

“Nyɔsoa gbe-e dě u̍h jlǐh, iě ɔ̍ mǎ-ɛ u̍h-a pɔluh, u̍h-a jlǐh-i je̍e i̍ jě, wɛ̀ u̍h-a wlùh-u je̍e dɛ̍ɛ̍ i̍ wɔ̌n. Wɛ̀ u̍h-u je̍e dě ɔ̍ we̍ i̍ bǐi, ɔ̍-ɔ je̍e u̍h pǔh-i.”

Chɔɔn 12:45

Nɛ̀ nyɔ̍ jɔ jě-a m-ɛ, nɛ̀ ɔ̍ jě nyɔ̍ ɔ̀ dbo̍-a m-ɛ wɛ̀.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 15:24

Dbo̍ nyɔ̍ dɔɔ se̍a nu̍ pò ǐn se̍ i̍h nu̍ de nɔ̌ u̍h nynɛ̌-ɛ, nɛ̀ nyɔ̍ se̍ u̍h gblɛ̍n sɔ̀ɛ̀n nyɔ̍ slè-e mu̍ de. Jɛ kaka la̍ i̍h-i bo u̍h jě-a iě u̍h faɛn-a ǐn ke ǐn Baa.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 26:23

Ka Nyɔsoa-a Chèɛ̀ Tba̍ju-a mu̍-a jua̍i̍ sàɛ̀, wɛ̀ ɔ̍ iě-a sàǐtòò nyɔ̍ nu̍ ɔ̍ iě-ae wlǔh, wɛ̀ ɔ̍ iě-a sɔ̀npli-a tìh we̍i̍ bla̍ dě ɔ̍ chɛ̀-a nyɔ̍ ke ùh se̍-a Juu nyɔ̍-ɛ we̍-ɛ, i̍h bo ǎn bla̍ ke.”

1 Kɔwlɛntiɔn 10:20

Iěe, dɛ̍ ǎn bla̍-a ka-ɛ ɛ̍ nu̍, dɛ̍ nyɔ̍ ùh se̍-a Nyɔsoa juo-ɛ u̍h-a sà-ɛa slaǎ-ɛ, nɛ̀ u̍h-a nyǐ ɛ̍ jeědih u̍h se̍ ɛ̍ Nyɔsoa nyǐ. Ǐn se̍ pɔ̀n mɔ̀ ke jeědih iě dɛ̍-ɛ gbà.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

2 Kɔwlɛntiɔn 2:12

Ti̍ ǐn ji̍-a dǒ Tloa wlɔ̀ di̍i̍ iě-a pɔ̀n chɛ̀ ɛ̀ kɔ̍-a dǒ Klai pùn i̍-ɛ bla̍-ɛ, Joi pɔ̀ni ǎn wìè iě-e ɔ̍ dbo̍ nui.

2 Kɔwlɛntiɔn 3:11

Pò dɛ̍ ɛ̀ se̍-a i̍ wlè-ɛ blě-ɛ, ɛ̍ blě tìh-a i̍ bɛ̌-ɛɛ, nɛ̀ ku̍o̍ delee ɛ̀ se̍-a jlǐh wɛ̀ mu̍-ɛ, ɛ̍ tìh-a i̍ bɛ̌-ɛ mu̍ i̍ bɛ̌ kaa̍ ɛ̍ iě ɛ̍ sìì.

2 Kɔwlɛntiɔn 3:14

Jɛ u̍h-a wlùh-u wɔ̌n dɛ̍-ɛ i̍. Sèàn-a chɛ̀ jliɛ̍-a taǐn laa̍ ɛ̍ ka̍n-ɛ u̍h-a wlùh kɛ̍n ke̍ pò u̍h ja Mose-a telě chlǐh-dɛ̍ᵻ slè-ɛ. Dɛ̍nu̍ɛ, Klai nɛ due bo ɔ̀ sà ɛ̍ dǒ nyɔ̍ jua̍i̍.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 6:12

Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

Felepai 2:6

Ɔ̍ nɛ dě Nyɔsoa-a tu̍ di̍i̍ te̍kle̍e̍, jɛ ɔ̍ se̍ ɛ̍ nu̍ ɔ̍ ke Nyɔsoa-a wɔ̍i̍n beɛ̍ɛ.

Kalase 1:15

Klai ɔ̀ nyɔ̍-a jě-aɛ, ɔ̍ nɛ dě Nyɔsoa ɔ̀ nyɔ̍-ɔ jě-aɛ ɔ̍ tu̍ di̍i̍, iě ɔ̍ nu̍ sàǐtòò Jǔ kle̍kle̍ dǒ dɛ̍ᵻ kli̍hgbɛ̍ ìh nui-a nɔ̌ kmɔ̌-ɛ jǔ.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 6:4

Nyɔ̍ ùh sɔ-a dǒ Nyɔsoa-a wìè kɛ̍n-ɛ, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi wɛ̀ u̍h iě u̍h-a gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, u̍h nɛ dě Nyɔsoa-a sɔ̀npli di̍i̍ sàì, iě u̍h juo dɛ̍ ɔ̍ nyǐ-a nyɔ̍-ɛ. U̍h jě ɔ̍ Sùù,

2 Pitɛ 1:19

Ɛ̍ tìh-ɛ, Nyɔsoa-a tu̍owli po̍ nyɔ̍-a wlu̍ bo à kui wlùh. Pò mɔ̀ tù ɛ̍ dounᵻɛ́, nɛ̀ mɔ̀-a nu̍ dɛ̍ chɛ̀. Dɛ̍nu̍ɛ, ɛ̍ wɔ̀ nape̍ ɛ̀ wa̍n-a dě kwile te̍e̍ wɛ̀ sɔ̀n-a sɛ̀n-aɛ ke chǔhtlɛ̀n ɛ̀ fa̍n-a sɔ̀nwɔ̍i̍n-ɛ dǒ mɔ̀ wlùh kɛ̍n.

1 Chɔɔn 2:11

Jɛ nyɔ̍ ɔ̀ faɛn-a ɔ̍ de̍di̍i̍-ɛ, nɛ̀ ɔ̍ nɛ dě kwile-e, iě ɔ̍ na-ɛ dě kwile-e. Nɛ̀ ɔ̍ se̍ ɔ̍ chɛ̀-a mu̍-i la̍ juo, dɛ̍nu̍ɛ, kwile gbe-e dě ɔ̍ jlǐh.

1 Chɔɔn 2:8

Jɛ telě delee bo ǎn chlǐh la̍ mɔ̀ we̍ ɛ̀ mɔ̀ ke Klai to-a ka ɛ̍ nu̍-a gblangbai̍-ɛ. Dɛ̍nu̍ɛ, kwile-a sì la̍-ɛ, iě sɔ̀npli-a gblangbai̍-a fa̍n la̍.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.