2 Kɔwlɛntiɔn 4:16 - Ku̍o̍ Delee 1999

¹⁶ Ɛ̍ tìh-ɛ, à se̍ se̍a̍ dǒ dbo̍ nu̍ la̍. À nyi̍ɔ̍tu-a nyni̍ la̍ jii̍ gbɛɛ, jɛ à wlùh-a gbǎ delee i̍ ti̍ kli̍hgbɛ̍ we̍.

2 Kɔwlɛntiɔn 4:16 Iomraidhean Croise

Pɔ̀n Chɛ̀ Luu To-a La 11:3

Weɛ̍ jɛ-ɛ, nɛ̀ ìn nyǐ ɛ̍ di̍-dɛ̍ àɔ̀.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 7:22

Ǎn wlùh nɔ̀ɔ̍ ɛ̍ gbǎ mɔna̍-a kaa̍ dǒ Nyɔsoa-a telě we̍ de wa.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

Ɛfɛsɔ 3:16

Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.

Ɛfɛsɔ 4:23

Mɔ̀-a pɔluh ke mɔ̀-a wlùh kɔn i̍h iě delee nu̍,

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

Taitɔ 3:5

iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

1 Pitɛ 3:4

Jɛ mɔ̀-a gblɛ̍n bo ɛ̀ iě mɔ̀ jii̍ nmɔ-ɛ, ɛ̀ se̍-a wlà la̍ kɔn, ɛ̀ gbɛ̍n-a gba̍n wɛ̀ ɛ̀ gbɛ̍n-a tìh i̍-ɛ. Ɛ̍-ɛ bo ɛ̀ kɔn dɛ̍kɛ̍n gbǎ-a ku̍ wɔ̍n dě Nyɔsoa jlǐh.

1 Pitɛ 4:14

Pò u̍h po̍ mɔ̀ wlu̍ pùn mɔ̀-a Klai de̍e̍ gbǎ tìh-ɛ, nɛ̀ mɔ̀ nmɔ i̍. Dɛ̍nu̍ɛ, tìh-a i̍ bɛ̌-ɛ Sùù ɛ̀ kɔn-a dǒ Nyɔsoa we̍-ɛ, nɛ̀ ɛ̍ nɛ mɔ̀ kɛ̍n.