2 Kɔwlɛntiɔn 4:12 - Ku̍o̍ Delee 1999

¹² Ɛ̍ tìh-ɛ, à se̍ mɛ̌ɛ we̍ i̍ ti̍ɛ̍ɛn, jɛ feɛ-a nu̍ dbo̍ dě mɔ̀ ja̍a̍.

2 Kɔwlɛntiɔn 4:12 Iomraidhean Croise

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

1 Kɔwlɛntiɔn 4:10

À nu̍ bo-nyɔ̍ Klai-a tìh, jɛ mɔ̀ɔ̍ nɔ̀ɔ̍-ɛ, mɔ̀ flɔn di̍i̍ i̍ dě mɔ̀ ke Klai-a due nɛ-ɛ di̍i̍. À gbǐh-a mɛ̌-ɛ, jɛ mɔ̀ɔ̍ nɔ̀ɔ̍-ɛ, mɔ̀ kmu i̍. Nyɔ̍-a tè mɔ̀ ja̍, jɛ u̍h-u tè àɔ̀ nɔ̀ɔ̍ ja̍.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 4:11

À nɛ kmɔ̌, jɛ à na-ɛ mɛ̌ɛ wɔ̍i̍n ti̍ kli̍hgbɛ̍ we̍ Jusu-a tìh, ɛ̍ iě ɛ̍ nu̍ wɛ̀ Jusu-a kmɔ̌ iě jě-ɛ dě à ja̍a̍.

2 Kɔwlɛntiɔn 4:13

Nyɔsoa-a wlu̍ la̍a̍, “Ǐn wlu-i, dɛ̍nu̍ɛ, ǐn gbaɛ Nyɔsoa wlùh.” Dě wlùh gbaɛ due laa̍ di̍i̍ bo à wlu-i ke. Dɛ̍nu̍ɛ, à gbaɛ Nyɔsoa wlùh.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

Felepai 2:30

Dɛ̍nu̍ɛ, ɔ̍ tè ɔ̍ feɛ tɔ̀ma̍a̍ ɔ̍ iě ǐn we̍ gbǎ, iě ɔ̍ tɛ̌blɛ mɛ̌-ɛ Klai-a dbo̍ nu̍ tìh. Wɛ̀ ka mɔ̀ se̍-a ǐn we̍ gbǎ-a nu̍-ɛ bɛ̌ɛ-ɛ, iě ɔ̍ nu̍ la̍a̍n ǐn we̍ gbǎ-a.

1 Chɔɔn 3:16

Tà à juo-ea nyɔ̍-ɔ jbɛɛ dɛ̍ i̍-ɛ dǒ-o la, ɛ̍ nu̍ Jusu Klai sà ɔ̍ feɛ kwlǎ dǒ à we̍. Nɛ̀ à kɔn à iě à feɛ kwlǎ sà ke dǒ à de̍di̍i̍ᵻ we̍.