2 Kɔwlɛntiɔn 3:9 - Ku̍o̍ Delee 1999

⁹ Pò dɛ̍ ɛ̀ ja-a nyɔ̍ kàn gbɛ̍n-ɛ we̍-ɛ, ɛ̍ blě tìh-a i̍ bɛ̌-ɛɛ, nɛ̀ dɛ̍ ɛ̀ slɛ̌-a i̍-ɛ, ɛ̍ tìh-a i̍ bɛ̌-ɛa mu̍ ɛ̍ sìì kaa̍.

2 Kɔwlɛntiɔn 3:9 Iomraidhean Croise

Wloma 4:11

Eblaɛɛn slè-ɛ i̍ slɛ̌-nyɔ̍ ti̍ ɔ̍ se̍-a plɔ̀n gbǎ-ɛ. Dɛ̍nu̍ɛ, ɔ̍ blě wlùh gbaɛ. Ɔ̍ plɔ̀n gbǎ-a bo ɛ̀ nu̍ ɛ̍ juola ka ɔ̍ slɛ̌-a i̍-ɛ. Ɛ̍ nɛ-ɛ, wɛ̀ nyɔ̍ kli̍hgbɛ̍ ùh se̍-a plɔ̀n gbǎ iě u̍h gbaɛ-a Klai wlùh-ɛ, ɔ̍ iě u̍h baa nu̍. U̍h bo Nyɔsoa slè-e i̍ slɛ̌-nyɔ̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 15:41

Jlǔh blě ɛ̍ naɛ jii̍ nmɔ-ɛ, iě chǔh blě ɛ̍ naɛ jii̍ nmɔ-ɛ, iě chǔhtlɛ̀n blě ɛ̍ naɛ jii̍ nmɔ-ɛ. Chǔhtlɛ̀n kli̍hgbɛ̍ se̍ wɔ̀ɛ-ɛ dǒ i̍h-a jii̍ nmɔ la.

2 Kɔwlɛntiɔn 3:8

Jɛ ku̍o̍ ɛ̀ Nyɔsoa-a Sùù nyǐ-a àɔ̀-ɛ, ɛ̍ tìh-a i̍ bɛ̌-ɛ ku̍ wɔ̍n ɛ̍ sìì telě.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 3:10

Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”

Felepai 3:9

Wɛ̀ ɔ̍ ke ǐn ke à iě due nɛ. Nɛ̀ ǐn se̍ naɛ̍ i̍ slɛ̌-ɛ jɛ tba̍-a telě dɛɛ jě-ɛ gbɔ̀ i̍-ɛ blě dɛ, jɛ nɛ̀ jɛ tba̍-a Klai wlùh gbaɛ gbɔ̀ i̍-ɛ bo ǐn blě wɛ̀. I̍ slɛ̌-ɛ sɔ-a dě Nyɔsoa we̍ ɛ̀ tba̍-a wlùh gbaɛ blě-ɛ gbɔ̀ i̍-ɛ bo ǎn dǎ.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.