Biblia Todo Logo
Bìoball air-loidhne

- Sanasan -




2 Kɔwlɛntiɔn 3:7 - Ku̍o̍ Delee 1999

7 Telě ɛ̀ chlǐh-aɛ, ɛ̍ chlǐh-ɛ dǒ sɔɔ̌ᵻ paɔᵻ pùn iě ɛ̍ ja mɛ̌ɛ. Ti̍ ɛ̍ po̍-eaɛ, dǒ Nyɔsoa-a tìh-a i̍ bɛ̌-ɛ ji̍-i. Wɛ̀ Mose-a jua̍a̍ fa̍n-ɛ dǒ tìh-a i̍ bɛ̌-ɛ la we̍. Ɔ̍ jua̍a̍-a fa̍n-a wɛ̀ jlǐh gbɛɛ-ɛ, jɛ Eslɔɛ nyɔ̍ se̍ ɛ̍ ja̍ gbɛ̀n-ɛ bɛ̌ɛ.

Faic an caibideil Dèan lethbhreac




2 Kɔwlɛntiɔn 3:7
38 Iomraidhean Croise  

Sɔ taɔ pa̍ nyɔ̍ kli̍hgbɛ̍ u̍h-a jlǐh nɛ klɛ̀ìn dě Slifɛn ja̍. Jɛ nɛ̀ ɔ̍ jua̍a̍ wɔ̀ Nyɔsoa-a ǐnchɔ̀-a jua̍a̍.


Klai bo ɔ̀ wɔ̀ telě i̍, wɛ̀ nyɔ̍ mu̍-a wlùh gbaɛ blě-ɛ, ɔ̍ iě i̍ slɛ̌-ɛ dě Nyɔsoa jlǐh.


Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.


Nyɔsoa po̍ telě wɛ̀ nyɔ̍-a gblɛ̍n sɔ̀ɛ̀n nu̍-ɛ iě kɛ̍n gbǎ. Jɛ tà gblɛ̍n sɔ̀ɛ̀n-a gbǎ-ɛa kɛ̍n-ɛ, dǒ Nyɔsoa-a blɛ-a gbǎ-ɛ kɛ̍n ke dɛ̍blɔ.


Telě ɛ̀ la̍ ǎn mu̍-a kmɔ̌ nɛ de-ɛ, ɛ̍ bo ɛ̀ nu̍ ɛ̍ wɛ̀ ǐn mɛ̌.


Ǎn wlùh nɔ̀ɔ̍ ɛ̍ gbǎ mɔna̍-a kaa̍ dǒ Nyɔsoa-a telě we̍ de wa.


Ti̍ à nɛ-a dě à gblɛ̍n sɔ̀ɛ̀n-a ku̍ di̍i̍-ɛ, iě telě nu̍ ɛ̍ wɛ̀ à nu̍ gblɛ̍n sɔ̀ɛ̀n-a wlùh dɛ̍ᵻ. Sɔ dɛ̍ᵻ à nu̍-aɛ, i̍h ja à mɛ̌ɛ we̍.


Jɛ pò jɛ wɛ̀-a gblɛ̍ja̍i̍-ɛ ji̍-ɛ, nɛ̀ ɛ̀ se̍-a kwlǎ wɛ̀-ɛ, ɛ̍ tìh-a mu̍ i̍ sì.


Ɛ̍ flɔn we̍i̍ ka mɔ̀ wɔ̀-a chlǐh-dɛ̍ ɛ̀ Klai chlǐh-a iě ɔ̍ po̍-a ɛ̍ à klě i̍-ɛ. Ɛ̍ se̍ chlǐh-dɛ̍ tu̍-a nǐ bo ɔ̍ se̍ ɛ̍ chlǐh-i. Ɔ̍ se̍ ɛ̍ chlǐh dǒ sɔɔ̌ᵻ paɔᵻ kɛ̍n, jɛ kmɔ̌ nɛ Nyɔsoa-a Sùù bo ɛ̀ nu̍ ɛ̍ iě Klai chlǐh ɛ̍ dǒ wlɔ̀ nyi̍ɔ̍-a wlùh kɛ̍n.


Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.


Jɛ ku̍o̍ ɛ̀ Nyɔsoa-a Sùù nyǐ-a àɔ̀-ɛ, ɛ̍ tìh-a i̍ bɛ̌-ɛ ku̍ wɔ̍n ɛ̍ sìì telě.


Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”


Pò ɛ̍ nɛ ka-ɛ, nɛ̀ telě ke Nyɔsoa-a tɔ̀ma̍a̍ wlu̍ se̍ i̍ wɛɛn ae? Sakǒ, ɛ̍ se̍ la̍a̍n nɛ. Pò telě ja wlɔ̀ nyi̍ɔ̍ feɛ nyǐ de-ɛ, nɛ̀ telě dɛ̍ɛ̍ jě-ɛ bo ɛ̀ mu̍ nyɔ̍ i̍ slɛ̌-ɛ dě Nyɔsoa jlǐh de.


Tà mɔ̀ ji̍-a ka-ɛ, nɔ̌ se̍ tlu̍h kɔn gbɔ̀ì Eslɔɛ nyɔ̍ ji̍-a ɛ̀ nyɔ̍-a jě-a iě nyɔ̍-a tǔh-a i̍-ɛ wɔ̀. Nɛ̍-a wa̍n-e jlìjlì, dě gbe-e i̍, dě nɛ jlu̍jlu̍, iě tìlèè poɔ-a ji̍-e tìtì.


Nyɔ̍ ɔ̀ po̍-a gbò-ɛ, ɔ̍ bo ɔ̀ po̍-eɛ tìhwe̍ ɛ̀ sìì gbò-a chɛ̀. Ɛ̍ kɔn ba̍ bo ke, nyɔ̍ɔ kɔn u̍h iě Jusu-a nynɛ̌ i̍ bɛ̌-ɛ ɛ̍ iě Mose naɛ sìì.


Dě-e bo kòo̍-a gblǒ nɛ. Dǒ ɛ̍ kɛ̍n u̍h-a fɔ̍n-ɛ nɔ̌-dɛ̍ᵻ. Dě Ku̍o̍-a Gblòùn nɛ ke, ɛ̍ ku̍ nu̍ kòo̍-a sǔh. Dě ɛ̍ di̍i̍ bo kòo̍ sòlɛ̀ nɛ ɛ̀ di̍-dɛ̍ᵻ u̍h-a dǎɛ-a mana-a nɛ-a dě di̍i̍-ɛ. Dě Ewlɔn-a kɔu̍ ɛ̀ wlǔh-a wlɔ̍nᵻɛ́ nɛ, ɛ̍ ke sɔɔ̌ᵻ paɔᵻ sɔɔ̌n ìh kɔn kɛ̍n Nyɔsoa-a chlǐh-a telě-ɛ ke.


Lean sinn:

Sanasan


Sanasan