2 Kɔwlɛntiɔn 3:6 - Ku̍o̍ Delee 1999

⁶ Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.

2 Kɔwlɛntiɔn 3:6 Iomraidhean Croise

Matio 13:52

Wɛ̀ ɔ̍ la̍a̍ dě u̍h we̍, “Ɛ̍ kɔn tìh pò telě nǎ poe nyɔ̍ laa̍ pò ɔ̍ poe-ɛ slɛ̌ chèɛ̀ i̍ wɛ̀ dǒ Nyɔsoa-a kmɔ̌ wlu̍ i̍ kɔn dɛ we̍-ɛ, nɛ̀ ɔ̍ wɔ̀ gbò joi wɛ̀. Nɛ̀ ɔ̍ bo ɔ̀ mu̍ la̍ blewi̍h delee ke i̍h-a soaᵻ naɛ dě dɛ̍ i̍ tè gbò di̍i̍ sà ɔ̍ iě i̍h sɔ̀n sǐ-i.”

Matio 26:28

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Pɔ̀n Chɛ̀ Maɛ To-a La 14:24

Jusu la̍a̍ dě u̍h we̍, “Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu we̍.

Pɔ̀n Chɛ̀ Luu To-a La 22:20

U̍h wɔ̀-a dɛ̍ di̍-ɛɛ, wɛ̀ ɔ̍ nyǐ u̍h kàu̍n laa̍ ke. Iě ɔ̍ la̍a̍, “Kàu̍n la, ɛ̍ bo ɛ̀ nu̍ ku̍o̍ delee Nyɔsoa po̍ dǒ ǎn nymɔ̍ ɛ̀ wlǎ-a i̍ dǒ mɔ̀ we̍-ɛ we̍.]

Chɔɔn 5:21

Ka Baa-a sà-e mɛ̌-nyɔ̍ iě ɔ̍ nyǐ-a u̍h feɛ-ɛ, kǎ Jǔ-a nu̍ nyɔ̍ ɔ̍ pɔ̀n-a feɛ nyǐ-ɛ i̍-ɛ ke.

Chɔɔn 6:63

Nyɔsoa-a Sùù bo ɛ̀ nyǐ nyɔ̍ feɛ, ku̍ nɔ̀ɔ̍, ɛ̍ se̍ dɛ̍kɛ̍n gbǎ. Wlu̍ ǐn wlu-ia dě mɔ̀ we̍-ɛ, ɛ̍ bo ɛ̀ ja Nyɔsoa-a Sùù ɛ̀ nyǐ-a nyɔ̍ feɛ-ɛ.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 3:20

Ɛ̍ tìh-ɛ, telě i̍ tè-ɛ se̍ nyɔ̍ i̍ slɛ̌-ɛ bɛ̌ɛ dě Nyɔsoa jlǐh. Dɛ̍nu̍ɛ, telě nɔ̀ɔ̍, ɛ̍ to-e àɔ̀ sǔh ka à nu̍-a gblɛ̍n sɔ̀ɛ̀n nyɔ̍-ɛ.

Wloma 4:15

Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.

Wloma 4:17

Ɛ̍ kɔn Nyɔsoa-a wlu̍ la̍a̍, “Ǐn nu̍ ìn bloa̍ dɔu baa we̍i̍.” Eblaɛɛn nu̍ à baa dǒ Nyɔsoa ɔ̍ gbaɛ-a wlùh-ɛ jlǐhwai. Nyɔsoa-a nyǐ mɛ̌-nyɔ̍ feɛ, iě ɔ̍ wlu̍-a nu̍ ɛ̍ dɛ̍ ɛ̀ se̍-a nɛ de-ɛ, iě ɛ̍ nɛ.

Wloma 7:6

Jɛ telě jɛ nu̍-a à gbɛ̍n-nyɔ̍ we̍i̍ de-ɛ, à mɛ̌ wɛ̀ dǒ ɛ̍ we̍ iě Nyɔsoa sà àɔ̀ dǒ ɛ̍ sɔ̍n wɛ̀. Sɔ nɛ̀ à se̍ dǒ telě soa nɔ̀ɔ̍ sɔ̀n nɛ dɛ, jɛ à dbee la̍ Nyɔsoa jǔ dě gblɛ̍n delee di̍i̍, dɛ̍nu̍ɛ, à jě ɔ̍ Sùù dɛ̍ɛ̍.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 11:25

Ti̍ u̍h wɔ̀-a dɛ̍ di̍-ɛ, ɛ̀ due laa̍ bo ɔ̍ nu̍ dɛ, iě ɔ̍ dǔ kàu̍n wɛ̀ ɔ̍ la̍a̍, “Kàu̍n la, ɛ̍ bo ɛ̀ nu̍ ku̍o̍ delee Nyɔsoa po̍ dǒ ǎn nymɔ̍ we̍. Pò mɔ̀ nǎɛ ɛ̀ la di̍i̍-ɛ, wɛ̀ ɛ̍ iě ǎn tìh dǒ mɔ̀ wlì i̍ sǐ-i.”

1 Kɔwlɛntiɔn 12:28

Nyɔsoa tba̍ Klai-a gba̍tòà chèɛ̀ dě chɔchi̍h, iě ɔ̍ tba̍ ɔ̍ tu̍owli po̍ nyɔ̍ chèɛ̀. Wɛ̀ ɔ̍ tba̍ nǎ po̍ nyɔ̍ chèɛ̀, iě ɔ̍ tba̍ jbaɛdih po̍ nyɔ̍ chèɛ̀. Wɛ̀ ɔ̍ tba̍ nyɔ̍ pǔh-i nyɔ̍ ke, nyɔ̍ we̍ gbǎ nyɔ̍ ke, dɛ̍ᵻ we̍ i̍ gbɛ̀n nyɔ̍ ke, wlu̍ diih po̍ nyɔ̍ chèɛ̀.

1 Kɔwlɛntiɔn 15:45

Nyɔsoa-a wlu̍ la̍a̍, “Sàǐtòò jɔ̍gbau Nyɔsoa nu̍-aa ɔ̍ nynɛ̌ bo Adaun.” Jɛ Adaun jɔ bɔ̌ɛ-aoɛ bo ɔ̀ nu̍ nyɔ̍ feɛ nyǐ nyɔ̍.

1 Kɔwlɛntiɔn 3:10

Nyɔsoa-a blɛ nɛ-ɛ bo ɛ̀ nu̍ ɛ̍ iě ǐn kàn gbò ka slɛ̌ kɔn nyɔ̍-ɛ, wɛ̀ nyɔ̍ dɔɔ-a poe ɛ̍ gbò kɛ̍n. Jɛ jɔ-ɛ, nɛ̀ ɔ̍ kɔn ɔ̍ iě nɛnɛ̌ nu̍ dǒ ɔ̍ naɛ gbò po̍ la̍.

1 Kɔwlɛntiɔn 3:5

Nyɔ̍ bo ɔ̀ nu̍ Apolo ɛ? Iě nyɔ̍ bo ɔ̀ nu̍ Pɔɔ ɛ? Àɔ̀ Nyɔsoa-a pòi̍nynuu̍, àɔ̀ kɔn ja̍a̍ bo mɔ̀ jii wɛ̀ mɔ̀ blě ka wlùh gbaɛ. À jɔ-ɛ, nɛ̀ Joi nyǐ ɔ̍ naɛ dɛ̍ ɔ̍ iě nu̍.

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

2 Kɔwlɛntiɔn 3:14

Jɛ u̍h-a wlùh-u wɔ̌n dɛ̍-ɛ i̍. Sèàn-a chɛ̀ jliɛ̍-a taǐn laa̍ ɛ̍ ka̍n-ɛ u̍h-a wlùh kɛ̍n ke̍ pò u̍h ja Mose-a telě chlǐh-dɛ̍ᵻ slè-ɛ. Dɛ̍nu̍ɛ, Klai nɛ due bo ɔ̀ sà ɛ̍ dǒ nyɔ̍ jua̍i̍.

2 Kɔwlɛntiɔn 3:3

Ɛ̍ flɔn we̍i̍ ka mɔ̀ wɔ̀-a chlǐh-dɛ̍ ɛ̀ Klai chlǐh-a iě ɔ̍ po̍-a ɛ̍ à klě i̍-ɛ. Ɛ̍ se̍ chlǐh-dɛ̍ tu̍-a nǐ bo ɔ̍ se̍ ɛ̍ chlǐh-i. Ɔ̍ se̍ ɛ̍ chlǐh dǒ sɔɔ̌ᵻ paɔᵻ kɛ̍n, jɛ kmɔ̌ nɛ Nyɔsoa-a Sùù bo ɛ̀ nu̍ ɛ̍ iě Klai chlǐh ɛ̍ dǒ wlɔ̀ nyi̍ɔ̍-a wlùh kɛ̍n.

2 Kɔwlɛntiɔn 3:7

Telě ɛ̀ chlǐh-aɛ, ɛ̍ chlǐh-ɛ dǒ sɔɔ̌ᵻ paɔᵻ pùn iě ɛ̍ ja mɛ̌ɛ. Ti̍ ɛ̍ po̍-eaɛ, dǒ Nyɔsoa-a tìh-a i̍ bɛ̌-ɛ ji̍-i. Wɛ̀ Mose-a jua̍a̍ fa̍n-ɛ dǒ tìh-a i̍ bɛ̌-ɛ la we̍. Ɔ̍ jua̍a̍-a fa̍n-a wɛ̀ jlǐh gbɛɛ-ɛ, jɛ Eslɔɛ nyɔ̍ se̍ ɛ̍ ja̍ gbɛ̀n-ɛ bɛ̌ɛ.

2 Kɔwlɛntiɔn 3:9

Pò dɛ̍ ɛ̀ ja-a nyɔ̍ kàn gbɛ̍n-ɛ we̍-ɛ, ɛ̍ blě tìh-a i̍ bɛ̌-ɛɛ, nɛ̀ dɛ̍ ɛ̀ slɛ̌-a i̍-ɛ, ɛ̍ tìh-a i̍ bɛ̌-ɛa mu̍ ɛ̍ sìì kaa̍.

Kelesea 3:21

Pò ɛ̍ nɛ ka-ɛ, nɛ̀ telě ke Nyɔsoa-a tɔ̀ma̍a̍ wlu̍ se̍ i̍ wɛɛn ae? Sakǒ, ɛ̍ se̍ la̍a̍n nɛ. Pò telě ja wlɔ̀ nyi̍ɔ̍ feɛ nyǐ de-ɛ, nɛ̀ telě dɛ̍ɛ̍ jě-ɛ bo ɛ̀ mu̍ nyɔ̍ i̍ slɛ̌-ɛ dě Nyɔsoa jlǐh de.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

2 Timote 1:11

Pɔ̀n chɛ̀ la ɛ̍ tìh bo Nyɔsoa tba̍ ǐn chèɛ̀ iě ɛ̍ tìh bla̍ nyɔ̍ ke, gba̍tòà ke nǎ po̍ nyɔ̍ nu̍.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 7:22

Slɛ̀ɛ̀n-ɛ bo ɛ̀ nu̍ ɛ̍ wɛ̀ Jusu to ɛ̍ ka à blě-a ku̍o̍ ɛ̀ sìì-a soa naɛ-ɛ.

Iblu 8:13

Dǒ ku̍o̍ delee-a tìh i̍ sà la̍ bo Nyɔsoa nui sàì naɛ dɛ̍ soa we̍i̍. Nɛ̀ dɛ̍-o-dɛ̍ ɛ̀ gbǎ-a soa i̍ iě ɛ̀ wɛ̀-a wɔ̍n-ɛ, nɛ̀ ɛ̍ tìh-a mu̍ i̍ wɛ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.