5 Ɛ̍ se̍ nɛ̀ à blě gbǐh dǒ à chɛ̀ we̍ à iě dɛ̍-o-dɛ̍ nu̍. Gbǐh à blě-aɛ, i̍h sɔ dě Nyɔsoa we̍.
Dɛ̍nu̍ɛ, ǎn mu̍ mɔ̀ wlu̍ wɔ̍ɔ̍n po̍, wɛ̀ iě mɔ̀ flɔ̍nwlùh nyǐ. Nɛ̀ mɔ̀-a nyɛ̌-nyɔ̍ se̍ ɛ̍ i̍ nyna-a bɛ̌ɛ mu̍ u̍h iě ɛ̍ dǒ wìè-i sà.
Nɛ̀ɛ̍, ǎn mu̍ ɛ̀ kɔn wlu̍ ǐn Baa po̍-a tɔ̀ma̍a̍-ɛ mɔ̀ we̍ dbo̍. Jɛ mɔ̀ nɛ da̍a wlɔ̀ te̍e̍ wɛ̀ gbǐh sɔ-a dě ja̍i̍wlɔ̀-ɛ, ɛ̍ iě mɔ̀-ɔ gbǎ.”
“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.
Dɛ̍ ɛ̀ Klai nu̍-a dě ǐn ja̍a̍-ɛ, ɛ̍ nu̍ ùh se̍-a Juu nyɔ̍-ɛ u̍h iě Nyɔsoa-a wlu̍ nu̍. Ɛ̍ nɛ due bo ǎn mu̍ bla̍ gbài̍gbài̍. Ɔ̍ nu̍ ɛ̍-ɛ dǒ ǎn wlu̍ ke ǎn nu̍-dɛ̍ᵻ we̍.
Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.
Nyɔsoa-a blɛ nɛ-ɛ bo ɛ̀ nu̍ ɛ̍ iě ǐn kàn gbò ka slɛ̌ kɔn nyɔ̍-ɛ, wɛ̀ nyɔ̍ dɔɔ-a poe ɛ̍ gbò kɛ̍n. Jɛ jɔ-ɛ, nɛ̀ ɔ̍ kɔn ɔ̍ iě nɛnɛ̌ nu̍ dǒ ɔ̍ naɛ gbò po̍ la̍.
Mɔ̍ bo ɔ̀ tù dɛ̍, iě Apolo nyǐ ɛ̍ nǐ, jɛ nɛ̀ Nyɔsoa bo ɔ̀ nu̍ ɛ̍ wɛ̀ ɛ̍ ku̍.
Jɛ ɔ̍ la̍a̍ dě ǐn we̍, “Ǎn blɛ nɛ-ɛ nu̍ ɛ̍ wɛ̀ ìn blě dɛ̍ᵻ kli̍hgbɛ̍ ìn kɔn iě-a blě-ɛ. Ǎn gbǐh-a kmu i̍ kaa̍ pò àn gbǐh ja sɔɔn nu̍-ɛ.” Ǎn mu̍ mɔna̍-a gbǎ kaa̍ wɛ̀ iě wɔ̍i̍n po̍ dǒ ǎn gbǐh-a sɔɔn nu̍-ɛ we̍, wɛ̀ Klai-a gbǐh iě ǐn kɛ̍n kaɛn.
Nyɔ̍ ùh-u pǔh-aɛ, nɔ̌ sɔ̀nᵻ bo ɛ̀ dbǎ u̍h. Jɛ nyɔ̍ ùh-a pǔh-aɛ, nɔ̌ chɛ̀ bo ɛ̀ nyǐ u̍h feɛ. Nyɔ̍we̍ bo ɔ̀ bɛ̌ɛ ìh la nu̍ ɛ?
À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.
Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.
Ǐn bɛ̌ɛ dɛ̍ᵻ kli̍hgbɛ̍ nu̍-ɛ dǒ gbǐh Klai nyǐ-a m-ɛ we̍.
Nɛ̀ dɛ̍ ìn wɔ̌n-a ǐn wɔ̍ɔ̍n ǐn bla̍-a dǒ sàànsi̍i̍h dɔu jlǐhwai-ɛ, nyɔ̍ ùh nu̍-a wlì tè nyɔ̍-ɛ, dě u̍h kwa̍a̍ ìè ɛ̍ po̍ ùh-a mu̍-a nyɔ̍ duuh nǎ po̍-ɛ bɛ̌ɛ ke-ɛ.
Nyǐ-dɛ̍ᵻ kli̍hgbɛ̍ ìh nmɔ-a jii̍ iě ìh wɛ̀-a gblɛ̍ja̍i̍-ɛ, i̍h sɔ dě ja̍i̍wlɔ̀. I̍h-a sɔ dě Baa Nyɔsoa ɔ̀ nu̍-a dɛ̍ᵻ kli̍hgbɛ̍ ìh blě-a sɔ̀npli dě ja̍i̍-ɛ we̍. Ɔ̍-ɔ sàɛ̀ wɛ̀ ɔ̍ iě kwile-a chɛ̀ blě dě sàɛ̀-ɛ di̍i̍.