2 Kɔwlɛntiɔn 3:2 - Ku̍o̍ Delee 1999

² Mɔ̀-a chɛ̀ bo ùh nu̍ à tìh we̍ i̍ sèàɛ̍ chlǐh-dɛ̍ à blě, ɛ̀ chlǐh-a dǒ à wlùh kɛ̍n nyɔ̍ kli̍hgbɛ̍ iě-a slè wɛ̀ u̍h iě-a juo-ɛ.

2 Kɔwlɛntiɔn 3:2 Iomraidhean Croise

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

1 Kɔwlɛntiɔn 3:10

Nyɔsoa-a blɛ nɛ-ɛ bo ɛ̀ nu̍ ɛ̍ iě ǐn kàn gbò ka slɛ̌ kɔn nyɔ̍-ɛ, wɛ̀ nyɔ̍ dɔɔ-a poe ɛ̍ gbò kɛ̍n. Jɛ jɔ-ɛ, nɛ̀ ɔ̍ kɔn ɔ̍ iě nɛnɛ̌ nu̍ dǒ ɔ̍ naɛ gbò po̍ la̍.

2 Kɔwlɛntiɔn 11:11

Dɛ̍nu̍ ǎn bla̍ ɛ̀ la ɛ? Ǐn se̍ mɔ̀ɔ̍ jbɛɛ dɛ bo ae? Nyɔsoa juo ɛ̍, ka ǐn jbɛɛ-a mɔ̀ɔ̍-ɛ.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 3:1

À tè la̍ à i̍ bɛ̌-ɛ gbɔ̀ dɛ ae? Àe̍e̍ à kɔn à iě chlǐh-dɛ̍ ɛ̀ mu̍-a à tìh we̍ i̍ sèàɛ̍-ɛ dě mɔ̀ we̍ ja ɛɛ, àe̍e̍ à kɔn à iě ɛ̍ dě mɔ̀ we̍ sà ae? À se̍ ɛ̍ we̍ chlǐh-dɛ̍ i̍ pɔ̀n ɛ̀ nyɔ̍ duuh-a nu̍-aɛ.

2 Kɔwlɛntiɔn 7:3

Ǐn se̍ ɛ̀ la bla̍ iě mɔ̀ kɛ̀n sà. À jbɛɛ mɔ̀ɔ̍ kaa̍, kǎ ǐn dǎ sàǐtòò. Pò à mɛ̌-o àe̍e̍ à nɛ kmɔ̌-o, dɛ̍-o-dɛ̍ se̍ à i̍ gblè mu̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

1 Tɛsoloniɔn 1:8

Tu̍owli ɛ̀ kɔ̍-a dǒ Joi pùn i̍ ɛ̀ sɔ-a dě mɔ̀ we̍-ɛ, ɛ̍ se̍ dě Mɛsedonia ke Akaia nɛ due mu̍, jɛ ɛ̍ sɛ̍ tà kli̍hgbɛ̍ i̍ wɛ̀ mɔ̀-a Nyɔsoa wlùh gbaɛ blě tìh. Sɔ nɛ̀ à se̍ dɛ̍ blě dɛ à iě bla̍.