2 Kɔwlɛntiɔn 3:12 - Ku̍o̍ Delee 1999

¹² Ka à blě-a wlì tè dɛ̍ la-ɛ, à wlu-i gbài̍gbài̍.

2 Kɔwlɛntiɔn 3:12 Iomraidhean Croise

Chɔɔn 10:24

Wɛ̀ nyɔ̍ɔ mu̍ iě u̍h dlɛ̌ ɔ̍ tlììh, wɛ̀ u̍h la̍a̍, “Àn mu̍ dě à di̍i̍ i̍ gbè-e ke̍ sǔh ae? Pò ìn tù Nyɔsoa-a Chèɛ̀ Tba̍ju-ɛ, nɛ̀ ìn sèàɛ̍ àɔ̀ wlùh sǔh kleǐn.”

Chɔɔn 16:25

“Nɛnǎᵻ bo ǎn po̍ wɛ̀ ǎn sà tìh i̍ dě mɔ̀ we̍. Jɛ ti̍ ǐn se̍-a nɛnǎᵻ po̍ mu̍-ɛ, ɛ̍ mu̍ ji̍, wɛ̀ iě ǐn Baa-a tìh i̍ sà te̍gbe̍i̍n dě mɔ̀ we̍.

Chɔɔn 16:29

Wɛ̀ ɔ̍ kòà la̍a̍, “Jɛwɛ̀ àn wlu te̍gbe̍i̍n nɛ̀ po̍ nɛnǎᵻ dɛ.

Nu̍-dɛ̍ᵻ 14:3

Dǒ Pɔɔ ke Banaba wlè, iě u̍h-a bla̍ Joi-a tìh gbài̍gbài̍. Wɛ̀ Joi tba̍ u̍h bu̍hᵻ de̍e̍ i̍ dǒ ɔ̍ blɛ nɛ tìh u̍h-a bla̍-aɛ we̍. Ɛ̍ kɔn ɔ̍ nu̍ ɛ̍ iě nyɔ̍ wɔ̍n flɔn-ɛ dɛ̍ᵻ ke jbaɛdih-a jii dě u̍h ja̍a̍.

Nu̍-dɛ̍ᵻ 4:13

Pitɛ ke Chɔɔn se̍ chlǐh-dɛ̍ juo. U̍h nu̍ plǒai nyɔ̍ iě u̍h wɛ̀ faɔn. Ɛ̍ bo taɔ pa̍ nyɔ̍ laa̍ u̍h jě sɔ ɛ̍ wlǔh i̍ u̍h de̍e̍. Iě u̍h juo-o dɛ̍ i̍ ka u̍h ke Jusu-a nɛ̍aɛ-a we̍-ɛ.

Nu̍-dɛ̍ᵻ 9:27

Jɛ Banaba dǔ ɔ̍, iě ɔ̍ gba̍ ɔ̍ dě gba̍tòà we̍. Wɛ̀ ɔ̍ sèàɛ̍ u̍h wlùh ka Sɔɔ jě-a Joi dǒ wìè-i iě Joi wlu-a dě ɔ̍ we̍-ɛ. Wɛ̀ ɔ̍ bla̍ Nyɔsoa-a tìh gbài̍gbài̍ dǒ Damaɛkɔ wlɔ̀ di̍i̍, dǒ Jusu-a nynɛ̌ kɛ̍n.

Nu̍-dɛ̍ᵻ 9:29

Iě ɔ̍ wlu dě Juu nyɔ̍ ùh-a po̍-a Klii wlu̍-ɛ we̍, ɔ̍ ke u̍h-a sà wɔ̍ɔ̍n i̍. Sɔ u̍h-a pɔ̀n la̍ ɔ̍ dbǎ-a i̍ sǔh.

1 Kɔwlɛntiɔn 14:19

Jɛ dě chɔchi̍h-ɛ, ɛ̍ mu̍ ǐn gbǐh po̍ iě wlu̍ m̀m̌ nyɔ̍gbei-a wɔ̌n-a i̍-ɛ bla̍, wɛ̀ i̍h iě u̍h nǎ po̍, ɛ̍ sìì po̍ wlu̍ diih-a wlǔ pùè (10,000) wɛ̀ nyɔ̍ se̍ i̍h wɔ̌n.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 3:11

Pò dɛ̍ ɛ̀ se̍-a i̍ wlè-ɛ blě-ɛ, ɛ̍ blě tìh-a i̍ bɛ̌-ɛɛ, nɛ̀ ku̍o̍ delee ɛ̀ se̍-a jlǐh wɛ̀ mu̍-ɛ, ɛ̍ tìh-a i̍ bɛ̌-ɛ mu̍ i̍ bɛ̌ kaa̍ ɛ̍ iě ɛ̍ sìì.

2 Kɔwlɛntiɔn 4:13

Nyɔsoa-a wlu̍ la̍a̍, “Ǐn wlu-i, dɛ̍nu̍ɛ, ǐn gbaɛ Nyɔsoa wlùh.” Dě wlùh gbaɛ due laa̍ di̍i̍ bo à wlu-i ke. Dɛ̍nu̍ɛ, à gbaɛ Nyɔsoa wlùh.

2 Kɔwlɛntiɔn 7:4

Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

Felepai 1:14

Ǎn kasoo nɛ-ɛ nu̍ ɛ̍ iě de̍di̍i̍ᵻ dɔu nɛ-a dě Joi ja̍a̍-ɛ, wɛ̀ ɛ̍ po̍ u̍h gbǐh ku̍u̍. Kaka la̍ u̍h sà faɔn wlì wɛ̀, iě u̍h-a bla̍ Nyɔsoa tìh gbài̍gbài̍.

Felepai 1:20

Dɛ̍ ǐn gbàɛ̀-a iě ǐn tè-a wlì-ɛ, ɛ̍ nu̍ ǐn se̍ ǎn chɛ̀ tɛ̀n nui mu̍ kleǐnklein. Ǎn mu̍ wlu gbài̍gbài̍ kaka, wɛ̀ pò dě nya̍-ɛ, ǐn nɛ kmɔ̌ àe̍e̍ pò ǐn mɛ̌-ɛ, wɛ̀ ǎn ku̍ kli̍hgbɛ̍ iě Klai ja̍ tè.

Kalase 4:4

Mɔ̀ ba̍le wɛ̀ dɛ̍ ǎn mu̍-a bla̍-a ɛ̍ iě we̍i̍ flɔn.

1 Tɛsoloniɔn 2:2

Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

1 Timote 3:13

Ùh-a nu̍-a chɔchi̍h jǔ dbee dbo̍ tliin tliin-ɛ, nɛ̀ u̍h-a nmɔ-ɛ u̍h-a chɛ̀ tè la̍-a, wɛ̀ u̍h-a wlùh gbaɛ nɛ-a dě Jusu Klai ja̍a̍-ɛ, u̍h iě ɛ̍ tìh bla̍ gbài̍gbài̍.

Faɛlimɔ 1:8

Ɛ̍ tìh-ɛ, ka ìn ke ǐn ke à gbaɛ-a Klai wlùh-ɛ, ǐn bɛ̌ɛ iě faɔn wɛ̀ de iě ìn wlu̍ poe dɛ̍ ǐn dǎ-aɛ ìè ɛ̍ nu̍.