2 Kɔwlɛntiɔn 3:1 - Ku̍o̍ Delee 1999

¹ À tè la̍ à i̍ bɛ̌-ɛ gbɔ̀ dɛ ae? Àe̍e̍ à kɔn à iě chlǐh-dɛ̍ ɛ̀ mu̍-a à tìh we̍ i̍ sèàɛ̍-ɛ dě mɔ̀ we̍ ja ɛɛ, àe̍e̍ à kɔn à iě ɛ̍ dě mɔ̀ we̍ sà ae? À se̍ ɛ̍ we̍ chlǐh-dɛ̍ i̍ pɔ̀n ɛ̀ nyɔ̍ duuh-a nu̍-aɛ.

2 Kɔwlɛntiɔn 3:1 Iomraidhean Croise

Nu̍-dɛ̍ᵻ 18:27

Sɔ Apolo-a pɔ̀n ɔ̍ iě dě Akaia fɔɔ mu̍. Wɛ̀ de̍di̍i̍ᵻ nɛ-a dǒ Ɛfɛsɔ-ɛ, iě u̍h po̍ ɔ̍ sɔ̍n we̍. Wɛ̀ u̍h chlǐh juh nɛ-a dě tà ɔ̍ mu̍-a we̍, u̍h iě ɔ̍ tìh i̍ gbɛ̍n nmɔ jii̍. Nyɔ̍ ùh blě-a wlùh gbaɛ-ɛ dě Nyɔsoa-a blɛ nɛ-ɛ di̍i̍-ɛ, ɔ̍ nyni̍-a dě u̍h we̍-ɛ, sɔ ɛ̍ gbǎ u̍h we̍ kaa̍.

Wloma 16:1

À de̍di̍i̍ nynɔ̌gbaɔ Fiibi ɔ̀ dbee-a chɔchi̍h nyɔ̍ nɛ-a dě Sɛnklia wlɔ̀ di̍i̍-ɛ jǔ-ɛ, ǎn po̍ ɔ̍ kɛ̍n wlu̍ dě mɔ̀ we̍.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

1 Kɔwlɛntiɔn 16:3

Pò ǐn ji̍-ɛ, nɛ̀ ǎn mu̍ nyɔ̍ mɔ̀ tba̍-a chèɛ̀-ɛ chlǐh-dɛ̍ nyǐ, ɛ̀ mu̍-a u̍h-a tìh we̍ i̍ sèàɛ̍-ɛ. Wɛ̀ iě u̍h dbo̍ u̍h iě mɔ̀-a nyǐ-dɛ̍ᵻá chɛ̀ Juluslɛn gba̍.

1 Kɔwlɛntiɔn 3:10

Nyɔsoa-a blɛ nɛ-ɛ bo ɛ̀ nu̍ ɛ̍ iě ǐn kàn gbò ka slɛ̌ kɔn nyɔ̍-ɛ, wɛ̀ nyɔ̍ dɔɔ-a poe ɛ̍ gbò kɛ̍n. Jɛ jɔ-ɛ, nɛ̀ ɔ̍ kɔn ɔ̍ iě nɛnɛ̌ nu̍ dǒ ɔ̍ naɛ gbò po̍ la̍.

1 Kɔwlɛntiɔn 4:15

Pò mɔ̀-a jɛ blě nyɔ̍-a wlǔ pùè-a chɛ̀ u̍h ja mɔ̀ nǎ po̍ dǒ Klai dɛ we̍-ɛ, mɔ̀ se̍ baaᵻ dɔu blě. Dɛ̍nu̍ɛ, mɔ̍ bo ɔ̀ nu̍ mɔ̀ baa dě mɔ̀ ke Jusu Klai-a due nɛ-ɛ di̍i̍ dǒ pɔ̀n chɛ̀ ǐn ja-a dě mɔ̀ we̍-ɛ we̍.

2 Kɔwlɛntiɔn 10:12

Nyɔ̍ ùh-a bɛ̌-ɛa u̍h-a chɛ̀ i̍-ɛ, à se̍ u̍h à chɛ̀ we̍ po̍ mu̍, àe̍e̍ à se̍ à chɛ̀ u̍h i̍ blaɛ mu̍. Jɛ pò u̍h ja u̍h-a chɛ̀ dɛ̍ dbee dǒ u̍h-a chɛ̀ we̍, u̍h ja u̍h-a chɛ̀ u̍h-a chɛ̀ i̍ blaɛ-ɛ, nɛ̀ u̍h bo we̍i̍.

2 Kɔwlɛntiɔn 10:18

Nyɔ̍ ɔ̀ bɛ̌-ɛa ɔ̍ chɛ̀ i̍-ɛ ɛ̍ se̍ ɔ̍ tìh Nyɔsoa se̍-e wɔ̌ɛn, jɛ nyɔ̍ Joi bɛ̌-ɛa i̍-ɛ ɔ̍ kɔn tìh ɔ̍ wɔ̌ɛn.

2 Kɔwlɛntiɔn 10:8

Jɛ pò ǎn wɔ̍i̍n po̍-ɛ sì-o i̍ wɛ-ɛ dǒ tùn Joi nyǐ-a àɔ̀ à iě-a mɔ̀ gbǐh ku̍u̍ po̍-eɛ we̍-ɛ, ìh se̍-a mɔ̀ɔ̍ gbɔ̀lɔ dɛ-ɛ, ǐn se̍ ɛ̍ tɛ̀n ple̍ mu̍.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

2 Kɔwlɛntiɔn 12:19

Nyɔ̍-se̍-juo mɔ̀-a naɛ wlùh i̍ ti̍ kli̍hgbɛ̍ we̍, mɔ̀ la̍ à sà à chɛ̀ tìh dlǔ i̍ dǒ mɔ̀ jǔ. À wlu-i dǒ Nyɔsoa jǔ ka Klai-a pòi̍nynuu̍-ɛ. À tìh kma nyɔ̍, dɛ̍ᵻ kli̍hgbɛ̍ à nu̍-aɛ, à nu̍ i̍h i̍h iě-o mɔ̀ dɛ̍ po̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 5:12

À se̍ à chɛ̀ tìhwe̍ po̍-ɛ kɛ̍n i̍ gba̍ dě mɔ̀ we̍, jɛ à sèàɛ̍ mɔ̀ tìh chɛ̀ wlùh wɛ̀ mɔ̀ iě à tìh-a bu̍hᵻ wlù i̍ po̍. Nyɔ̍ ùh se̍-a blɔ̌ dɛ̍ᵻ nyɔ̍-ɔ jě-aɛ tìh, jɛ ùh-a blɔ̌-a dɛ̍ᵻ nyɔ̍-a jě-aɛ tìh-ɛ, mɔ̀ iě u̍h-a wlu̍ pɔ̀n we̍ sà-a bɛ̌ɛ.