2 Kɔwlɛntiɔn 2:7 - Ku̍o̍ Delee 1999

⁷ Ɛ̍ tìh-ɛ, mɔ̀ bǐi i̍ mɔ̀ iě ɔ̍ gblɛ̍n sɔ̀ɛ̀n-a tìh i̍ tǎli mɔ̀ iě ɔ̍ we̍ gbǎ. Wɛ̀ ɛ̍ iě ɛ̍ nu̍ ɔ̍-ɔ je̍e seɔn gbǎ kaa̍ wɛ̀ ɔ̍-ɔ je̍e i̍ kà chɛ̀ɛ̌chɛ̀.

2 Kɔwlɛntiɔn 2:7 Iomraidhean Croise

1 Kɔwlɛntiɔn 15:54

Pò dɛ̍ ɛ̀ mu̍-a jii̍ nyni-ɛ, ɛ̍ pa̍ dě dɛ̍ ɛ̀ se̍-a jii̍ nyni mu̍-ɛ ɛ̍ ku̍-ɛ, iě dɛ̍ ɛ̀ mu̍-a mɛ̌-ɛ ɛ̍ iě dě dɛ̍ ɛ̀ se̍-a mɛ̌ mu̍-ɛ ɛ̍ ku̍-u pa̍ wɛ̀-ɛ, nɛ̀ Nyɔsoa-a wlu̍-a mu̍ tìh-a taǐn nu̍. Ɛ̍ la̍a̍, “Nyɔsoa sà mɛ̌ɛ klà wɛ̀, iě ɔ̍ gbɔ̀lɔ ɛ̍-ɛ.”

2 Kɔwlɛntiɔn 2:8

Ɛ̍ tìh-ɛ, ǎn ba̍le mɔ̀-ɛ, mɔ̀ iě ɛ̍ to dě ɔ̍ we̍ ka mɔ̀ jbɛɛ-a ɔ̍-ɔ ɛ̍.

2 Kɔwlɛntiɔn 5:4

Ka à tǐn-a nɔ̌ kmɔ̌-a wɛ̀ɛ̀ sɔ̍n wlù la di̍i̍ ke̍-ɛ, dě à di̍i̍-a si̍n-i ka gbɛ̀-a bla̍ nyɔ̍-ɛ. Ɛ̍ se̍-ɛ à iě dě à kmɔ̌ we̍ ku̍ di̍i̍ sɔ, jɛ à pɔ̀n à iě à ku̍ ɛ̀ nɛ-a dě ja̍i̍wlɔ̀-ɛ di̍i̍ nɛ, wɛ̀ à ku̍ ìh-a mu̍-a mɛ̌-ɛ, i̍h iě ku̍ jih se̍-a mɛ̌ mu̍-ɛ sàɛ̀.

2 Kɔwlɛntiɔn 7:10

Wlùh-a seɔn gbǎ-a ɛ̀ nu̍-a Nyɔsoa-a wlùh dɛ-ɛ, ɛ̍ blě nyɔ̍-a i̍ bǐi-ɛ, ɛ̍ ja pǔh-ɛ. Ɛ̍-ɛ po̍ nyɔ̍-a wlùh dě de̍i̍. Jɛ kmɔ̌ we̍ wlùh-a seɔn gbǎ-a ja mɛ̌ɛ.

Ɛfɛsɔ 4:32

Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.

Felepai 2:27

Kǎ ɛ̍ nɛ, ɔ̍ poa-ɛ de chɛ̀, ɔ̍ tɛ̌blɛ mɛ̌-ɛ. Jɛ Nyɔsoa jě ɔ̍ wɔɛ. Ɛ̍ se̍ ɔ̍ nɛ due Nyɔsoa se̍ wɔɛ jě, mɔ̍ bo ɔ̍ jě wɔɛ ke. Ɔ̍ nu̍ ɛ̍-ɛ wɛ̀ ǎn wlùh-a seɔn gbǎ-a je̍e kɛ̍n i̍ gboǎɛ.

Kalase 3:13

Mɔ̀ bɔ̌ feǎn wlì we̍ kɔn-ɛɛ, mɔ̀ iě gblɛ̍n sɔ̀ɛ̀n-a tìh we̍ i̍ tǎli-ɛ. Pò jɔ kɔn ba̍ nu̍ ɔ̍ dɛ̍ pùn-ɛ, ɛ̀ kɔn ba̍ Joi nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛɛ, kǎ mɔ̀ iě nu̍ ke dǒ mɔ̀ ba̍ᵻ we̍.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.