2 Kɔwlɛntiɔn 2:3 - Ku̍o̍ Delee 1999

³ Ɛ̍ kɔn ǐn chlǐh mɔ̀ chlǐh-dɛ̍ laa̍ we̍. Ǐn se̍ pɔ̀n iě-e mɔ̀ we̍ ji̍-ɛ, wɛ̀ mɔ̀ɔ̍ kɔn taǐn ùh kɔn ùh iě-a ǐn mɔna̍-a po̍-ɛ, wɛ̀ mɔ̀ iě ǎn wlùh seɔn po̍. Ǐn juo ɛ̍ kleǐn pò ǐn gbǎ mɔna̍-ɛ, nɛ̀ mɔ̀ kli̍hgbɛ̍ mɔ̀ gbǎ mɔna̍-a ke.

2 Kɔwlɛntiɔn 2:3 Iomraidhean Croise

1 Kɔwlɛntiɔn 4:21

Jɛwe̍ ɛ̀ mu̍ mɔ̀ gbǐh po̍ ɛ? Ǐn ja bliku iě mɔ̀ bla̍ ɛɛ, àe̍e̍ ǐn ja jbɛɛ ke gba̍n gbɛ̍n-ɛ dě wlùh wlǎ di̍i̍ ae?

2 Kɔwlɛntiɔn 1:15

Ǐn juo ka mɔ̀-a po̍-a à bu̍hᵻ wlù i̍-ɛ, ɛ̍ kɔn ǎn pɔ̀n iě dě mɔ̀ we̍ ji̍ sàǐtòò wɛ̀ ɛ̍ iě ɛ̍ nu̍ mɔ̀ iě mɔna̍-a gbǎ-a gbɔ̍ᵻ sɔɔ̌n nu̍ de.

2 Kɔwlɛntiɔn 1:23

Ǎn dǎ Nyɔsoa ɔ̍ iě ǎn sàànsi̍i̍h nu̍. Ɔ̍ juo dɛ̍ nɛ-a dě ǐn wlùh we̍-ɛ. Nɛ̌ je̍e mɔ̀-a wlùh dě de̍ i̍ po̍ tìh bo ǐn se̍ dě Kɔwlɛn mu̍.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 7:12

Ǐn chlǐh chlǐh-dɛ̍ laa̍ gbɛɛ, jɛ ɛ̍ se̍ ɔ̀ nu̍-a dɛ̍ sɔ̀n àe̍e̍ jɔ ɔ̍ nu̍-a dɛ̍ sɔ̀n pùn-ɛ ɔ̍ tìh ǐn se̍ ɛ̍ chlǐh. Jɛ ǐn chlǐh ɛ̍ wɛ̀ ɛ̍ iě we̍i̍ flɔn dě mɔ̀ we̍ ka Nyɔsoa juo-a ɛ̍ mɔ̀ blě-a à wlùh-ɛ.

2 Kɔwlɛntiɔn 7:16

Ǐn nu̍ mɔna̍ kaa̍, dɛ̍nu̍ɛ, ǐn tè mɔ̀ wlì chɛ̀ɛ̌chɛ̀.

2 Kɔwlɛntiɔn 7:6

Jɛ Nyɔsoa ɔ̀ fùka-a nyɔ̍ ùh kɔn wlùh gbǎ-a seɔn-ɛ, ɔ̍ bo ɔ̀ fùka à wlùh dǒ Taitɔ-a ji̍-ɛ we̍.

2 Kɔwlɛntiɔn 7:8

Jɛ pò chlǐh-dɛ̍ ǐn chlǐh-a mɔ̀ we̍-ɛ, ɛ̍ po̍ mɔ̀-a wlùh seɔn-ɛ, nɛ̀ ɛ̍ se̍ ǎn wlùh dě de̍i̍ po̍ ka ǐn chlǐh-a ɛ̍-ɛ. Ɛ̍ kɔn ɛ̍ iě ǎn wlùh dě de̍i̍ po̍ de ti̍ ǐn wɔ̌n-a i̍h ka ɛ̍ po̍-a mɔ̀-a wlùh seɔn dǒ ti̍ di̍i̍-ɛ.

2 Kɔwlɛntiɔn 8:22

À dbo̍ u̍h ke à de̍di̍i̍ dɔɔ. À tɛ̀n ɔ̍-ɔ wɛ̀ kaa̍, iě à juo-o dɛ̍ i̍ ka ɔ̍ wlùh-a nu̍-a jàjà ɔ̍ iě-a nyɔ̍ we̍ gbǎ-ɛ. Kaka la̍ ka ɔ̍ tè-a mɔ̀ wlì kaa̍-ɛ, ɛ̍ nu̍ ɔ̍ wlùh-a jàjà kaa̍ ɛ̍ sìì sàǐtòò naɛ ɔ̍ iě mɔ̀ we̍ gbǎ.

Kelesea 5:10

Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

2 Tɛsoloniɔn 3:4

À tè Joi wlì dǒ mɔ̀ we̍, ka mɔ̀-a nu̍-a dɛ̍ᵻ à sèàɛ̍-a mɔ̀ wlùh iě mɔ̀-a mu̍-a i̍h dluwe̍ i̍ gba̍-ɛ.

Faɛlimɔ 1:21

Ǐn tè ɛ̍ wlì dɛ̍ kɔn tìh ǎn chlǐh-a ìn we̍-ɛ, àn mu̍ ɛ̍ nu̍. Ǐn juo ɛ̍-ɛ àn mu̍ ɛ̍ nu̍ ìè ɛ̍ kɛ̍n sì-a chɛ̀.