2 Kɔwlɛntiɔn 2:12 - Ku̍o̍ Delee 1999

¹² Ti̍ ǐn ji̍-a dǒ Tloa wlɔ̀ di̍i̍ iě-a pɔ̀n chɛ̀ ɛ̀ kɔ̍-a dǒ Klai pùn i̍-ɛ bla̍-ɛ, Joi pɔ̀ni ǎn wìè iě-e ɔ̍ dbo̍ nui.

2 Kɔwlɛntiɔn 2:12 Iomraidhean Croise

Nu̍-dɛ̍ᵻ 14:27

U̍h nyni̍-a Antiɔ-ɛ, iě u̍h po̍ chɔchi̍h kli̍hgbɛ̍ tàdùè. Dɛ̍ᵻ Nyɔsoa nu̍-a dě u̍h ja̍a̍-ɛ, iě u̍h po̍ i̍h-a kunǎ kli̍hgbɛ̍. Ɛ̍ ke ka ɔ̍ pɔ̀ni-a wìè wɛ̀ ke dǒ ùh se̍-a Juu nyɔ̍-ɛ we̍ u̍h iě-a ɔ̍ wlùh gbaɛ-ɛ.

Nu̍-dɛ̍ᵻ 16:11

À gbǎ blǎgbè di̍i̍ iě à sɔ dǒ Tloa, wɛ̀ à chɛ̍n nǐ kɛ̍n gbe̍i̍n à mu̍ Samotlei tbǒ kɛ̍n. Sɔ̀n sɛ̀n-aɛ, iě à mu̍ dǒ Nɛapole.

Nu̍-dɛ̍ᵻ 16:8

Ɛ̍ kɔn u̍h jii Maisia iě u̍h mu̍ dǒ Tloa.

Nu̍-dɛ̍ᵻ 20:8

Nɛ̀ ja̍i̍ gbòju kɔn di̍i̍ à gbèɛ̀ɛn-aɛ, fààn nape̍ᵻ dɔu nɛ-e.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

1 Kɔwlɛntiɔn 16:9

Ǐn jě flɔn la̍ wɛ̀ iě dbo̍ ɛ̀ mu̍-a dɛ̍ i̍ sǐ-ɛ nu̍, jɛ ǎn nyɛ̌-nyɔ̍ tìè i̍.

1 Kɔwlɛntiɔn 9:12

Pò ɛ̍ blaɛ i̍ nyɔ̍ duuh iě mɔ̀ dɛ̍ kwa̍a̍ jě-ɛ, nɛ̀ àɔ̀ bo à se̍-o sìì mu̍ ae? À blaɛ i̍ de, jɛ à gbɛ̍n-ɛ ɛ̍ plǔh sɔ̀nᵻ i̍. Iě à ku̍-e klì i̍ dǒ dɛ̍ᵻ kli̍hgbɛ̍ we̍, wɛ̀ à-a je̍e pɔ̀n chɛ̀ ɛ̀ kɔ̍-a dǒ Klai pùn i̍-ɛ bu̍h i̍ tba̍.

1 Kɔwlɛntiɔn 9:14

Kǎ ɛ̍ nɛ ke, nyɔ̍ ùh-a bla̍-a pɔ̀n chɛ̀-ɛ, Joi la̍ ɛ̍-ɛ bo u̍h iě dɛ̍ i̍ di̍-i.

1 Kɔwlɛntiɔn 9:16

Ǐn se̍ i̍ blaɛ iě bu̍hᵻ wlù i̍ po̍ ǎn pɔ̀n chɛ̀ bla̍ tìh, dɛ̍nu̍ɛ, ǐn kɔn iě ɛ̍ nu̍. Pò ǐn se̍ pɔ̀n chɛ̀ bla̍-ɛ, nɛ̀ chlě dǒ ǐn we̍.

2 Kɔwlɛntiɔn 10:14

À se̍ wɔ̍i̍n po̍ à iě tà à kɔn à iě-a siee-ɛ sì, dɛ̍nu̍ɛ, à sɔ dě mɔ̀ we̍ wɛ̀. Àɔ̀ bo à nu̍ sàǐtòò nyɔ̍ à ja pɔ̀n chɛ̀ ɛ̀ kɔ̍-a dǒ Klai pùn i̍-ɛ dě mɔ̀ we̍.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

2 Kɔwlɛntiɔn 11:7

Ǐn se̍ mɔ̀ dɛ̍ tba̍ ti̍ ǐn bla̍-a Nyɔsoa-a pɔ̀n chɛ̀ dě mɔ̀ we̍-ɛ. Ǐn ja ǎn chɛ̀ wlù, ɛ̍ iě ɛ̍ nu̍ mɔ̀ iě ja̍i̍ dǔ-iɛ.

2 Kɔwlɛntiɔn 4:3

Pò pɔ̀n chɛ̀ à bla̍-aɛ, nyɔ̍ se̍ ɛ̍-ɛ i̍ wɔ̌n-ɛ, nɛ̀ nyɔ̍ ùh-u pǔh-aɛ bo ùh se̍ ɛ̍-ɛ i̍ wɔ̌n.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 8:18

À dbo̍ ɔ̍ ke à de̍di̍i̍ ɔ̀ chɔchi̍h nyɔ̍ kli̍hgbɛ̍ juo-a dǒ ɔ̍ pɔ̀n chɛ̀ bla̍-a we̍-ɛ.

2 Kɔwlɛntiɔn 9:13

Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Tɛsoloniɔn 3:2

wɛ̀ à dbo̍ à de̍di̍i̍ Timote nya̍, ɔ̀ nu̍-a Nyɔsoa-a pòi̍ju dǒ Klai-a pɔ̀n chɛ̀ bla̍-a we̍-ɛ. À dbo̍ ɔ̍-ɛ, ɔ̍ iě mɔ̀ gbǐh nyǐ, wɛ̀ ɔ̍ iě mɔ̀ i̍ kui dě mɔ̀-a wlùh gbaɛ di̍i̍.