2 Kɔwlɛntiɔn 13:9 - Ku̍o̍ Delee 1999

⁹ À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 13:9 Iomraidhean Croise

Wloma 15:2

À jɔ-ɛ, nɛ̀ ɔ̍ tè-e ɔ̍ pònyɔ̍-a wlùh i̍ ɛ̍ iě ɔ̍ wlùh gbaɛ-ɛ i̍ kui.

1 Kɔwlɛntiɔn 1:10

Ǐn de̍di̍i̍ᵻ, ǎn ba̍le mɔ̀-ɛ dǒ à Joi Jusu Klai-a nynɛ̌ kɛ̍n mɔ̀ kli̍hgbɛ̍ mɔ̀ iě wlu̍ i̍ wɔ̌ɛn wɛ̀ mɔ̀-ɔ je̍e kɛ̍n sèàɛ̍. Mɔ̀ gbe̍ɛ̍ɛn kɛ̍n i̍, mɔ̀ iě wlùh due blě mɔ̀-a nu̍-dɛ̍ iě due nɛ.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 4:10

À nu̍ bo-nyɔ̍ Klai-a tìh, jɛ mɔ̀ɔ̍ nɔ̀ɔ̍-ɛ, mɔ̀ flɔn di̍i̍ i̍ dě mɔ̀ ke Klai-a due nɛ-ɛ di̍i̍. À gbǐh-a mɛ̌-ɛ, jɛ mɔ̀ɔ̍ nɔ̀ɔ̍-ɛ, mɔ̀ kmu i̍. Nyɔ̍-a tè mɔ̀ ja̍, jɛ u̍h-u tè àɔ̀ nɔ̀ɔ̍ ja̍.

2 Kɔwlɛntiɔn 11:30

Ka ǐn kɔn iě-a wɔ̍i̍n po̍-ɛ, nɛ̀ ǎn mu̍ wɔ̍i̍n po̍ dǒ dɛ̍ᵻ ìh-a to-a ǎn gbǐh-a sɔɔn nu̍-ɛ we̍.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

2 Kɔwlɛntiɔn 4:12

Ɛ̍ tìh-ɛ, à se̍ mɛ̌ɛ we̍ i̍ ti̍ɛ̍ɛn, jɛ feɛ-a nu̍ dbo̍ dě mɔ̀ ja̍a̍.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Kalase 1:28

À bla̍ ɔ̍ tìh dě nyɔ̍ kli̍hgbɛ̍ we̍. À gbòɛ̀ɛ̀ iě à po̍ u̍h nǎ dǒ flɔ̍nwlùh kli̍hgbɛ̍ we̍. Nɛ̀ ɛ̍ mu̍ kmɔ̌ nɛ u̍h iě ku̍ dě dɛ̍ɛ̍ i̍ wɔ̌n-ɛ di̍i̍ dě Klai ja̍a̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 3:10

Wlù ke sɔ̀n-ɛ, à tèle ɔ̍ i̍ dǒ à pɔluh kli̍hgbɛ̍ we̍ mɔ̀ ke à iě jlǐhɛ̍ tba̍-ɛ, wɛ̀ tà mɔ̀-a wlùh gbaɛ se̍-a nyni̍-ɛ, à iě ɛ̍ doǒ nyni̍-i.

2 Timote 3:17

Wɛ̀ Nyɔsoa-a nyɔ̍ iě kɛ̍n chlìì, ɔ̍ iě dbo̍ chɛ̀ kli̍hgbɛ̍ nu̍-ɛ bɛ̌ɛ.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Iblu 6:1

Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.