2 Kɔwlɛntiɔn 13:7 - Ku̍o̍ Delee 1999

⁷ À ba̍le Nyɔsoa mɔ̀ɔ̍ je̍e dɛ̍ sɔ̀n nu̍. Ɛ̍ se̍ nɛ̀ à iě dě nyɔ̍ jlǐh i̍ nmɔ kai, jɛ wɛ̀ mɔ̀ iě dɛ̍ ɛ̀ slɛ̌-a i̍-ɛ nu̍ dɛbo, pò nyɔ̍ ja à pɔ̀-ɔ nyɔ̍ dǎɛ.

2 Kɔwlɛntiɔn 13:7 Iomraidhean Croise

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Chɔɔn 17:15

Ǐn se̍ ba̍le ìè u̍h nɔ̌ kmɔ̌ we̍ sà, jɛ ǎn ba̍le-e ìè u̍h kɛ̍n kaɛn u̍h iě Nyɔ̍ Sɔ̀n we̍ i̍ ti̍ɛ̍ɛn.

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

Wloma 12:17

Pò nyɔ̍ nu̍ mɔ̀ dɛ̍ sɔ̀n pùn-ɛ, mɔ̀ bɔ̌ ɛ̍ dɛ̍ sɔ̀n gba̍a̍ sà-ɛ. Mɔ̀ fɔ̀n dɛ̍ we̍ mɔ̀ iě dɛ̍ ɛ̀ nmɔ-a dě nyɔ̍ kli̍hgbɛ̍ jlǐh i̍-ɛ nu̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

Wloma 16:10

Nɛ̀ Apɛli ɔ̀ to-a ɛ̍ ka ɔ̍ gbɛ̍n-ɛa Klai dɛ sɔ̍nᵻ sɔɔ̌n i̍-ɛ, mɔ̍ sà ɔ̍ nyinɔ̍ i̍. Nɛ̀ mɔ̍ sà Awleslɔbulɔ-a chɛ̌ nyinɔ̍ i̍ ke.

1 Kɔwlɛntiɔn 11:19

I̍i̍n, mɔ̀-a gblɛ̍n nɔ̀ɔ̍, i̍h kɔn i̍h iě-e sèàɛ̍ wɛ̀ ɛ̍ iě nyɔ̍ ùh nu̍-a Nyɔsoa nyɔ̍ chɛ̀ɛ̌chɛ̀ dě mɔ̀ nynɛ̌-ɛ to.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 10:18

Nyɔ̍ ɔ̀ bɛ̌-ɛa ɔ̍ chɛ̀ i̍-ɛ ɛ̍ se̍ ɔ̍ tìh Nyɔsoa se̍-e wɔ̌ɛn, jɛ nyɔ̍ Joi bɛ̌-ɛa i̍-ɛ ɔ̍ kɔn tìh ɔ̍ wɔ̌ɛn.

2 Kɔwlɛntiɔn 13:6

Ǐn tè ɛ̍ wlì, mɔ̀-a mu̍ i̍h juo ka à se̍-a pɔ̀-ɛ.

2 Kɔwlɛntiɔn 13:8

À se̍ dɛ̍-o-dɛ̍ nu̍-ɛ bɛ̌ɛ pɔ̀n chɛ̀-a bu̍hᵻ tbaɛ tìh. Jɛ dɛ̍ᵻ ìh-a mu̍-a pɔ̀n chɛ̀ we̍ gbǎ-ɛ nɛ due bo à bɛ̌ɛ à iě nu̍.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 6:4

Jɛ dɛ̍ᵻ kli̍hgbɛ̍ à nu̍-aɛ, à to ɛ̍ ka à nu̍-a Nyɔsoa-a pòi̍nynuu̍-ɛ. À ku̍-e klì i̍ kaa̍ dǒ à wě jě-ɛ ke, tìh jě-ɛ ke jua̍i̍ sàɛ̀-ɛ we̍.

2 Kɔwlɛntiɔn 8:21

À wlùh dɛ nu̍ à iě dɛ̍ ɛ̀ slɛ̌-a i̍-ɛ nu̍. Ɛ̍ se̍ ɛ̀ slɛ̌-a i̍ dě Joi jlǐh-ɛ nɛ due, jɛ ɛ̀ slɛ̌-a i̍ ke dě nyɔ̍ jlǐh-ɛ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

1 Timote 2:2

Mɔ̀ ba̍le dǒ blǔh baaᵻ ke tùn blě nyɔ̍ kli̍hgbɛ̍-a tàà. Wɛ̀ à iě dě wlùh-a i̍ tè-ɛ ɛ̀ jě-ea nyɔ̍ feɛ i̍-ɛ ke, Nyɔsoa dɛ-ɛ nɛ-ɛ ke nyɔ̍ dɛ̍ɛ jě kmɔ̌ di̍i̍ nɛ.

2 Timote 2:15

Fɔ̀n dɛ̍ we̍ wɛ̀ Nyɔsoa iě àn chèɛ̀ ja̍i̍ po̍, ìè dbo̍ nu̍ nyɔ̍ ɔ̀ se̍-a ɔ̍ dbo̍ nu̍-ɛa tɛ̀n ple̍-ɛ wɔ̀. Ɔ̍-ɔ laa̍ bo ɔ̀ sèàɛ̍ tìh-a taǐn wlu̍ we̍ i̍ chɛ̀ gbɛɛ.

2 Timote 4:18

Joi-a mu̍ ǐn dɛ̍ᵻ sɔ̀nᵻ kli̍hgbɛ̍ wɔ̍i̍n sèìe, wɛ̀ ɔ̍ iě ǐn dě ɔ̍ wlu̍ i̍ kɔn kmɔ̌ nɛ-a dě ja̍i̍wlɔ̀-ɛ di̍i̍ gba̍ pɛlɛpɛ. Dǒ ɔ̍ we̍ tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Chiin 1:12

Nyɔ̍ ɔ̀ ku̍-ae klì i̍ dǒ ɔ̍ i̍ tɛ̀n-ɛ we̍-ɛ, nɛ̀ ɔ̍ nmɔ i̍. Dɛ̍nu̍ɛ, nyɔ̍ ɔ̀ mu̍-a i̍ tɛ̀n-ɛ laa̍ i̍ nyna-ɛ, nɛ̀ ɔ̍ mu̍ kmɔ̌ sie feɛ-a blawɛ̌ tèè. Ɛ̍ kɔn wlu̍ bo Nyɔsoa po̍ tɔ̀ma̍a̍ dǒ nyɔ̍ kma-a ɔ̍ tìh-ɛ we̍.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.