2 Kɔwlɛntiɔn 13:5 - Ku̍o̍ Delee 1999

⁵ Mɔ̀ chlɛ̌ mɔ̀-a chɛ̀ i̍ pò mɔ̀ blě wlùh gbaɛ chɛ̀ɛ̌chɛ̀-ɛ. Mɔ̀ tɛ̀n mɔ̀-a chɛ̀-ɛ. Mɔ̀ se̍ i̍h juo ka Jusu Klai nɛ-a dě mɔ̀ ja̍a̍-ɛ ae? Pò mɔ̀ pɔ̀ dě mɔ̀-a tɛ̀n-ɛ di̍i̍-ɛ, ɛ̍ kɔn tɛ̀ ǐn sà-o.

2 Kɔwlɛntiɔn 13:5 Iomraidhean Croise

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 15:4

Mɔ̀ nɛ dě ǐn ja̍a̍, nɛ̀ ǎn mu̍ dě mɔ̀ ja̍a̍ nɛ. Ka pò bu̍hᵻ se̍ tu̍ i̍ tbaɛ, nɛ̀ i̍h se̍-a tlo-ɛ bɛ̌ɛ-ɛ, kǎ ɛ̍ nu̍ nɛ-ɛ ke, pò mɔ̀ se̍ dě ǐn ja̍a̍ nɛ-ɛ, nɛ̀ mɔ̀ se̍ tlo-ɛ bɛ̌ɛ mu̍.

Chɔɔn 17:23

Ǐn nɛ u̍h-u iě ìn nɛ m, wɛ̀ u̍h-a due nɛ-ɛ iě gblɛ̍ja̍i̍ wɛ̀. Wɛ̀ kmɔ̌ iě ɛ̍ juo ka ìn dbo̍-a m, iě ìn jbɛɛ-a u̍h-u ka ìn nu̍-a ǐn jbɛɛ-ɛ.

Chɔɔn 17:26

Ǐn nu̍ ɛ̍ u̍h juo àn nynɛ̌ wɛ̀. Nɛ̀ ɛ̍-ɛ bo ǎn mu̍ dluwe̍ i̍ gba̍ wɛ̀ ka ìn nu̍-a ǐn i̍ jbɛɛ-ɛ u̍h iě laǎn nyɔ̍ duuh jbɛɛ nu̍ ke, wɛ̀ iě u̍h-u nɛ ke.”

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Chɔɔn 6:6

Ɔ̍ tèle jɛ la i̍ sǔh ɔ̍ iě Felɔ-ɔ tɛ̀n, jɛ nɛ̀ ɔ̍ juo dɛ̍ ɔ̍ mu̍-a nu̍-ɛ wɛ̀ se̍e̍.)

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

Wloma 8:10

Gblɛ̍n sɔ̀ɛ̀n nu̍ ɛ̍ wɛ̀ mɔ̀-a nyi̍ɔ̍ku mɛ̌. Kǎ ɛ̍ nɛ gbɛɛ, ka Klai nɛ-a mɔ̀ɔ̍-ɛ, nɛ̀ mɔ̀ nɛ kmɔ̌. Dɛ̍nu̍ɛ, mɔ̀ slɛ̌ i̍ dě Nyɔsoa jlǐh.

1 Kɔwlɛntiɔn 11:28

Nɛ̀ɛ̍, nyɔ̍ kɔn ɔ̍ iě ɔ̍ chɛ̀ we̍ i̍ jě sasǎ, wɛ̀ ɔ̍ iě blèe̍ la di̍-ɛ dǔ, wɛ̀ ɔ̍ iě kàu̍n la di̍i̍ nǎɛ.

1 Kɔwlɛntiɔn 11:31

Jɛ pò à jě dě à chɛ̀ we̍ i̍ chɛ̀ɛ̌chɛ̀-ɛ, nɛ̀ tìh se̍ à dlǔ wlǎ mu̍.

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

1 Kɔwlɛntiɔn 6:15

Mɔ̀ se̍ i̍h juo ka mɔ̀-a ku̍ ke Klai-a ku̍ nɛ-a due-ɛ ae? Nɛ̀ Klai-a ku̍ bo iě-e dǔ, wɛ̀ iě ɛ̍ kàìà nynɔ̌-a ku̍ we̍i̍ nu̍ ae? Sakǒ lě.

1 Kɔwlɛntiɔn 6:19

Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ka mɔ̀-a ku̍ nu̍-a ɛ̍ slaǎ sà gbò-ɛ, mɔ̀ se̍ i̍h juo ae? Mɔ̀ se̍ dǒ mɔ̀-a chɛ̀ we̍ kɔn o.

1 Kɔwlɛntiɔn 6:2

Mɔ̀ se̍ i̍h juo ka Nyɔsoa nyɔ̍-a mu̍-a kmɔ̌ la ɛ̍ taɔ nu̍-ɛ ae? Nɛ̀ɛ̍, pò mɔ̀ ja la̍ kmɔ̌ la ɛ̍ taɔ nu̍ mu̍-ɛ, nɛ̀ plǒai sɔ̀nwli-a taɔ bo mɔ̀ se̍ nu̍-ɛ bɛ̌ɛ ae?

1 Kɔwlɛntiɔn 9:24

Mɔ̀ se̍ i̍h juo ka nyɔ̍ ùh-a bla̍-ɛa dlǔᵻ wɔ̍i̍n dǒ ple̍ la̍-ɛ, u̍h-a nyɔ̍ due gbài̍ bo ɔ̀ gba̍-a nyǐ-dɛ̍-ɛ ae? Ɛ̍ tìh-ɛ, ple̍, wɛ̀ ìè ɛ̍ gba̍.

1 Kɔwlɛntiɔn 9:27

Wɛ̀ ǎn nu̍ ǎn ku̍ la kà i̍, wɛ̀ iě ɛ̍ wlu̍ kɛ̍ɛ̍n kɔn, wɛ̀ pò ǐn wɔ̀ tìh bla̍-a dě nyɔ̍ duuh we̍-ɛ, wɛ̀ nɛ̌ se̍-e nyɔ̍ nynɛ̌ gbǎ ka̍ nɛ.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 4:19

Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.

Kelesea 6:4

Nyɔ̍ jɔ-ɛ, nɛ̀ ɔ̍ chlɛ̌ ɔ̍ chɛ̀-a nu̍-dɛ̍ᵻ we̍ i̍. Pò i̍h nmɔ jii̍-ɛ, nɛ̀ ɔ̍ blɔ̌ dǒ ɔ̍ chɛ̀ we̍, jɛ nɛ̀ ɔ̍ bɔ̌ ɔ̍ chɛ̀ nyɔ̍ dɔɔ i̍ blaɛ-ɛ.

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:19

Dɛ̍nu̍ɛ, nɛ̀ Klai jɔ nu̍-a chɔchi̍h-a dlǔ, ɔ̍ jɔ gbɛ̀n-a dǒ ku̍ kli̍hgbɛ̍ we̍ i̍ wɛ̀ ɛ̍ di̍-a dɛ̍, iě ɛ̍ tùi-a i̍, wɛ̀ ɛ̍ ku̍-a Nyɔsoa-a wlùh dɛ̍-ɛ, nɛ̀ ɔ̍ bo u̍h tǎli i̍ wɛ̀.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Timote 2:15

Jɛ nynɔ̌gbaɔ ɔ̀ mu̍-a wlùh gbaɛ ke, nyɔ̍ tìh kma-a ke, Nyɔsoa wlùh kwlǎ sà-ɛ dɛ kɛ̍n sie dǒ tìh i̍ ple̍-ɛ we̍-ɛ, nɛ̀ ɔ̍ mu̍ pǔh dǒ ɔ̍ gbàɔ̀n sà la̍.

2 Timote 3:8

Ka Chɛnɛ ke Janblɛ nu̍-a Mose bu̍hᵻ i̍ tbaɛ-ɛ, kǎ nyɔ̍ la u̍h nu̍ tìh-a taǐn bu̍hᵻ i̍ tbaɛ ke. Nyɔ̍ laa̍ u̍h-a wlùh nyni wɔ̍n, iě u̍h-a wlùh gbaɛ nu̍ fɔ̍ɔ̍.

Taitɔ 1:13

Ɔ̍ wlu̍ la tìh-a taǐn bo. Ɛ̍ tìh-ɛ, gbɛ̍n-ɛ u̍h wɔ̍i̍n, wɛ̀ u̍h iě wlùh gbaɛ-ɛ chɛ̀ blě.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

Taitɔ 2:2

Sèàɛ̍ nyɔ̍ klaaᵻ wlùh u̍h iě u̍h-a chɛ̀ i̍ gbɛ̍n, u̍h nu̍ tìh-a i̍ gbɛ̍n nyɔ̍, u̍h iě dlǔ kɔn. U̍h kɔn u̍h iě nyɔ̍ chɛ̀ nu̍ dě u̍h-a wlùh gbaɛ-ɛ ke, jbɛɛ-ɛ ke klì i̍ ku̍-ɛ di̍i̍.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 6:8

Jɛ blǔh ɛ̀ kɔn kɛ̍n wiǎᵻ ke pei-a wlǔh-aɛ, nɛ̀ pɔ̀ɔ̍pìe̍ blǔh bo. Nɛ̀ ɛ̍ wlu̍we̍i̍ po̍-ɛ se̍ we̍ tɛn dɛ. Ɛ̍ mu̍ si̍n.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

1 Pitɛ 5:9

Mɔ̀ ku̍-e i̍ dě mɔ̀-a wlùh gbaɛ di̍i̍. Mɔ̀ tǔn Kǔ, dɛ̍nu̍ɛ, mɔ̀ juo ɛ̍-ɛ mɔ̀ ba̍ᵻ Nyɔsoa nyɔ̍ kli̍hgbɛ̍ nɛ-a nɔ̌ kmɔ̌ la we̍-ɛ, kǎ u̍h-a nu̍ jua̍i̍ sàɛ̀-ɛ ke.

Wlɛfeleseɔn 2:5

Ka mɔ̀ nu̍-a tàmlain gbǎ-ɛɛ, ɛ̍-ɛ bo mɔ̀ iě wlùh we̍ nu̍. Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, mɔ̀ iě ìh mɔ̀-a nu̍-a sàì-ɛ nu̍. Pò mɔ̀ se̍ la̍a̍n nu̍-ɛ, nɛ̀ ǎn mu̍ dě mɔ̀ we̍ ji̍ iě mɔ̀-a chlǎn nape̍-a kɛ̍n tè dɛ̍ tèla̍ sà.