2 Kɔwlɛntiɔn 13:4 - Ku̍o̍ Delee 1999

⁴ Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

2 Kɔwlɛntiɔn 13:4 Iomraidhean Croise

Chɔɔn 10:18

Nyɔ̍-ɔ sà ɛ̍ ǐn kwa̍a̍, ǎn wlùh-a pɛ̌n i̍ iě ǎn sà ɛ̍ kwlǎ. Nɛ̀ ǐn blě gbǐh iě ɛ̍ kwlǎ sà, iě ǐn blě gbǐh iě ɛ̍-ɛ dǔ dode̍. Ɛ̍ bo ǐn Baa poe ǐn slǔh iě nu̍.”

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Nu̍-dɛ̍ᵻ 3:16

Jɛ Jusu-a nynɛ̌ wlùh gbaɛ bo ɛ̀ nɛ kmɔ̌, iě jɔ̍gbau la mɔ̀ juo-a iě mɔ̀-a jě-a ka da̍a-ɛ, wɛ̀ ɔ̍ dalǔhᵻ sǐ-o dode̍. Wlùh gbaɛ ɛ̀ jii-a dě Jusu ja̍a̍-ɛ, ɛ̍ bo ɛ̀ nɛ kmɔ̌ iě jɔ̍gbau la ɔ̍ pǔh ka te̍kle̍e̍. Ɔ̍ bo mɔ̀ kli̍hgbɛ̍ mɔ̀-a jě-a ka da̍a.

Wloma 1:4

Ti̍ Klai mɛ̌-aɛ, Nyɔsoa-a Sùù flɔn-ɛ ɛ̍ we̍i̍ ka ɔ̍ wlǔh-ae wɛ̀ ɔ̍ nu̍-a Nyɔsoa-a Jǔ ɔ̍ blě-a gbǐh-ɛ.

Wloma 14:9

Ɛ̍ kɔn tìh bo Klai mɛ̌ iě ɔ̍ wlǔh-e, wɛ̀ ɔ̍ iě kmɔ̌ nɛ nyɔ̍ ke mɛ̌-nyɔ̍-a Joi nu̍.

Wloma 6:4

Ti̍ à po̍-a nǐ dlǔ-ɛ, nɛ̀ à ke Klai mɛ̌-ɛ, wɛ̀ u̍h nma̍le ɔ̍ ke à tàdùè i̍. Wɛ̀ ka ɔ̍ nu̍-ae wlǔh-ɛ dě Baa Nyɔsoa-a tìh-a i̍ bɛ̌-ɛ di̍i̍-ɛ, wɛ̀ à iě feɛ delee blě ke.

1 Kɔwlɛntiɔn 1:25

Nyɔsoa naɛ we̍i̍ bo-ɛ nu̍ flɔ̍nwlùh klaa ɛ̍ sìì wlɔ̀ nyi̍ɔ̍ naɛ flɔ̍nwlùh, wɛ̀ ɔ̍ naɛ gbǐh-a mɛ̌-ɛ kmu ɛ̍ sìì wlɔ̀ nyi̍ɔ̍ naɛ gbǐh nɛ-ɛ.

1 Kɔwlɛntiɔn 15:43

Pò ɛ̍ tè-eɛ i̍-ɛ, nɛ̀ ɛ̍ nyni jii̍, ɛ̍ se̍ gbǐh blě. Jɛ pò ɛ̍ wlǔh-eɛ, nɛ̀ ɛ̍ mu̍ jii̍ nmɔ ɛ̍ iě kmu.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 6:14

Ka Nyɔsoa sà-e Joi-ɛ, ɔ̍ mu̍ àɔ̀ dě-e sà ke dǒ ɔ̍ gbǐh we̍.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 12:10

Klai-a tìh bo ǎn wɔ̌ɛn ǎn gbǐh-a sɔɔn nu̍-ɛ ke, ǎn chlèe-ɛ ke, tìh jě-ɛ ke, klè jě-ɛ ke jua̍i̍ sàɛ̀ ke. Pò ǎn gbǐh ja sɔɔn nu̍-ɛ nɛ̀ ǎn kmu i̍.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

Felepai 3:10

Dɛ̍ ǎn pɔ̀n-a i̍ kleǐn-ɛ, ɛ̍ nu̍ iě Klai juo, ɛ̍ ke gbǐh ìh sà-a ɔ̍-eɛ ke. Iě ɔ̍ we̍ dɛ jua̍i̍ sàɛ̀, wɛ̀ iě ɔ̍ we̍ dɛ mɛ̌

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.