2 Kɔwlɛntiɔn 12:2 - Ku̍o̍ Delee 1999

² Ǐn juo jɔ̍gbau ɔ̀ gbaɛ-a Klai wlùh iě Nyɔsoa gba̍-a dě ja̍i̍wlɔ̀ tà Nyɔsoa tè-a i̍-ɛ. Ɛ̍ nɛ-aɛ, sɔ̀nᵻá pùè jɔ̌ nyìɛ̍ sì wɛ̀. Ǎn chɛ̀ bo ǎn dǎ. Ǐn se̍ ɛ̍ juo pò ǐn nɛ dě ǎn nyi̍ɔ̍ku di̍i̍ chɛ̀ iě ǐn gba̍-ɛ deě-ɛ. Nyɔsoa nɛ due bo ɔ̀ juo ɛ̍.

2 Kɔwlɛntiɔn 12:2 Iomraidhean Croise

Pɔ̀n Chɛ̀ Luu To-a La 24:51

Ɔ̍ nɛ dǒ u̍h nǐ wɔ̍n sà-ɛ la̍ wɛ̀ ɔ̍ sɔ dǒ u̍h we̍. Iě ɔ̍ gba̍-ɛ dě ja̍i̍wlɔ̀.

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Nu̍-dɛ̍ᵻ 14:6

Jɛ u̍h juo-ao dɛ̍ i̍-ɛ, iě u̍h gbǎ kwlǎ u̍h mu̍ Lesla ke Dɛɛbi. Laikɔniɔ nyɔ̍-a wlɔ̀ᵻ bo, ɛ̍ ke bloa̍ sì-a ɛ̍ de̍ i̍-ɛ ke.

Nu̍-dɛ̍ᵻ 22:17

“Wɛ̀ ǐn mu̍ dǒ de̍ Juluslɛn. Ǐn nɛ dǒ ba̍le la̍ dě Nyɔsoa-a slaǎ sà gbò sɔ̀n iě ǐn ja se̍ mɔ̌ ja̍.

Wloma 16:10

Nɛ̀ Apɛli ɔ̀ to-a ɛ̍ ka ɔ̍ gbɛ̍n-ɛa Klai dɛ sɔ̍nᵻ sɔɔ̌n i̍-ɛ, mɔ̍ sà ɔ̍ nyinɔ̍ i̍. Nɛ̀ mɔ̍ sà Awleslɔbulɔ-a chɛ̌ nyinɔ̍ i̍ ke.

Wloma 16:3

Mɔ̍ sà Plisela ke Akwela nyinɔ̍ i̍, ùh ke ǐn ke à nu̍-a dbo̍ tu̍ due dǒ Jusu Klai we̍-ɛ.

Wloma 16:7

Andloneka ke Chuniɔ ùh nu̍-a ǐn blǐ nynuu̍ ùh nu̍-a ǐn ba̍ᵻ gbɛ̍n-nyɔ̍ de̍-ɛ, mɔ̍ sà u̍h nyinɔ̍ i̍. Nyɔ̍ɔ juo u̍h-a nynɛ̌ dě Klai-a gba̍tòà nynɛ̌. Iě u̍h gbǎ dǒ Klai de̍e̍ sàì wɛ̀ ǐn dǔ ɔ̍ de̍e̍ gbǎ-a ke.

Wloma 16:9

Ɔbanɔ ɔ̀ ke à nu̍-a dbo̍ tu̍ due dǒ Klai we̍-ɛ, mɔ̍ sà ɔ̍ nyinɔ̍ i̍. Mɔ̍ sà ǎn tìh kma nyɔ̍ Slake nyinɔ̍ i̍ ke.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

2 Kɔwlɛntiɔn 11:11

Dɛ̍nu̍ ǎn bla̍ ɛ̀ la ɛ? Ǐn se̍ mɔ̀ɔ̍ jbɛɛ dɛ bo ae? Nyɔsoa juo ɛ̍, ka ǐn jbɛɛ-a mɔ̀ɔ̍-ɛ.

2 Kɔwlɛntiɔn 13:5

Mɔ̀ chlɛ̌ mɔ̀-a chɛ̀ i̍ pò mɔ̀ blě wlùh gbaɛ chɛ̀ɛ̌chɛ̀-ɛ. Mɔ̀ tɛ̀n mɔ̀-a chɛ̀-ɛ. Mɔ̀ se̍ i̍h juo ka Jusu Klai nɛ-a dě mɔ̀ ja̍a̍-ɛ ae? Pò mɔ̀ pɔ̀ dě mɔ̀-a tɛ̀n-ɛ di̍i̍-ɛ, ɛ̍ kɔn tɛ̀ ǐn sà-o.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 1:22

Dǒ ti̍ laa̍ di̍i̍-ɛ, nɛ̀ Klai-a chɔchi̍h nyɔ̍ ùh nɛ-a dě Judia bloa̍ kɛ̍n-ɛ, nɛ̀ u̍h se̍ ǐn juo ke̍.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 4:10

Ɔ̍-ɔ due ji̍-a nɔ̌ bloɔ̍-ɛ, ɔ̍-ɔ due laa̍ bo ɔ̀ mu̍ ja̍i̍ dě ja̍u̍n dlǔwèàì-a dlǔwèàì. Ɔ̍ nu̍ ɛ̍-ɛ wɛ̀ ɔ̍ iě kmɔ̌ kli̍hgbɛ̍-ɛ i̍ jǐi.

1 Tɛsoloniɔn 4:17

Nɛ̀ɛ̍, à nyɔ̍ ùh-a mu̍-a kmɔ̌ nɛ dǒ ti̍ laa̍ di̍i̍-ɛ, u̍h ke à mu̍ dě nǐgbanᵻ kɛ̍n gba̍-ɛ tàdùè dě ja̍u̍n wlì, à iě Joi i̍ jǎɛ. Nɛ̀ à mu̍ la̍ dǒ Joi we̍ nɛ kleǐnklein.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 9:24

Wɛɛ sà gbò jɛ nyi̍ɔ̍-a sɔ̍n po̍-a ɛ̀ wɔ̀-a jɛ nu̍-a gblangbai̍ naɛ ɛ̀ nɛ-a dě ja̍i̍wlɔ̀-ɛ, Klai se̍ dě ɛ̍ di̍i̍ pa̍. Jɛ dě ja̍i̍wlɔ̀-a chɛ̀-ɛ gbǎ bo ɔ̍ mu̍, iě ɔ̍ nɛ ka dǒ Nyɔsoa jǔ dǒ à tàà.

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 12:5

Wɛ̀ ɔ̍ wlǔh-i jɔ̍gbau jǔ ɔ̀ mu̍-a bloa̍ kli̍hgbɛ̍-a wlu̍ kwa̍ blě dǒ nɛ̍ne̍ɛ̍ bliku we̍-ɛ. Jɛ jǔ-a chɛ̀ ɔ̍ flǎ-ɛ, iě ɔ̍ gba̍-ɛ dě Nyɔsoa ke ɔ̍ nynɛ̌ gbalǎ we̍.

Wlɛfeleseɔn 4:2

Dǒ tàdùè la̍-a sɔ nɛ Nyɔsoa-a Sùù jǐi ǐn i̍, iě ǐn jě nynɛ̌ gbalǎ dě ja̍i̍wlɔ̀. Nɛ̀ nyɔ̍ tè dǒ ɛ̍ kɛ̍n i̍.