2 Kɔwlɛntiɔn 12:1 - Ku̍o̍ Delee 1999

¹ Ǐn kɔn iě wɔ̍i̍n po̍. Ɛ̍ se̍-o dɛ̍ po̍ mu̍ gbɛɛ, jɛ ǎn mu̍ se̍ mɔ̌ ja̍ᵻ ke nyɔ̍ i̍ toe dɛ̍ᵻ Joi toe-a m-ɛ sà.

2 Kɔwlɛntiɔn 12:1 Iomraidhean Croise

Chɔɔn 16:7

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍.

Chɔɔn 18:14

Kaifa laa̍ bo ɔ̀ sà ɛ̍-ɛ dě Juu nyɔ̍-a nyɔ̍ klaaᵻ we̍ ka ɛ̍ nmɔ-a jii̍ nyɔ̍ due iě-a mɛ̌ dǒ blǔh nyɔ̍-a tàà-ɛ.

Nu̍-dɛ̍ᵻ 18:9

Wɛ̀ Pɔɔ ja se̍ mɔ̌ ja̍ dǒ maɔ̍ weɛ̍ due di̍i̍. Joi la̍a̍ dě ɔ̍ we̍, “Bɔ̌ faɔn ple̍-ɛ, gba̍ wlu-ɛ dluwe̍ i̍, bɔ̌ se̍a̍-a.

Nu̍-dɛ̍ᵻ 23:11

Ɛ̍ wlù weɛ̍ laa̍ dǒ Joi wlǔh-i Pɔɔ i̍ iě ɔ̍ la̍a̍, “Pɔɔ, bɛ̌ wlì i̍, ka ìn nu̍-a ǎn tìh i̍ sà-a da̍a Juluslɛn wlɔ̀ di̍i̍-ɛ, kǎ ìè ǎn sàànsi̍i̍h nu̍-ɛ nu̍ ke dǒ Wlom.”

1 Kɔwlɛntiɔn 10:23

“Dɛ̍ᵻ kli̍hgbɛ̍ se̍ kɛɛkɛ̍n nɛ,” kǎ à dǎ. Jɛ ɛ̍ se̍ dɛ̍ᵻ kli̍hgbɛ̍ ìh se̍ jii̍ nmɔ. “Dɛ̍ᵻ kli̍hgbɛ̍ se̍ kɛɛkɛ̍n nɛ,” jɛ dɛ̍ᵻ kli̍hgbɛ̍-ɛ po̍-o dɛ̍.

1 Kɔwlɛntiɔn 14:6

Nɛ̀ɛ̍, ǐn de̍di̍i̍ᵻ, pò ǐn ji̍ dě mɔ̀ we̍ wɛ̀ iě wlu̍ diih po̍-ɛ, nɛ̀ dɛ̍ ǐn po̍-o mɔ̀ ɛ? Pò iě-o mɔ̀ dɛ̍ po̍-ɛ, nɛ̀ ǎn mu̍ tìh-a taǐn Nyɔsoa toe-a m-ɛ mɔ̀ toe, iě ɔ̍ tɔɔ ja, iě ɔ̍ tu̍owli po̍, wɛ̀ iě ɔ̍ tìh mɔ̀ nǎ poe.

1 Kɔwlɛntiɔn 6:12

Nyɔ̍-a mu̍ ka dǎ, “Dɛ̍ᵻ kli̍hgbɛ̍ se̍ kɛɛkɛ̍n nɛ dǒ ǐn we̍.” I̍i̍n, ka ɛ̍ nɛ, jɛ ɛ̍ se̍ dɛ̍ᵻ kli̍hgbɛ̍ ìh se̍-o ìn dɛ̍ po̍ mu̍. “Dɛ̍ᵻ kli̍hgbɛ̍ se̍ kɛɛkɛ̍n nɛ dǒ ǐn we̍.” Jɛ ǐn se̍ dɛ̍-o-dɛ̍-a kèi̍ nu̍ tìh i̍ wɔ̌ɛn mu̍.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

2 Kɔwlɛntiɔn 12:5

Ǎn mu̍ wɔ̍i̍n po̍ dǒ dɛ̍ᵻ la we̍, jɛ ǐn se̍ wɔ̍i̍n po̍ mu̍ dǒ dɛ̍ᵻ di̍i̍h we̍. Dɛ̍ᵻ ìh-a to-a ǎn gbǐh-a sɔɔn nu̍-ɛɛ, i̍h kɔn tɛ̀ ǐn sà-o.

2 Kɔwlɛntiɔn 12:7

Wiǎ poe-ɛ dě ǐn ku̍u̍ wɛ̀ ɛ̍ iě ɛ̍ nu̍ nɛ̌ je̍e ǎn chɛ̀ i̍ bɛ̌-ɛ dǒ blɔ̌-ɛ we̍ dǒ dɛ̍ᵻ chɛ̀ Nyɔsoa toe-a m-ɛ we̍. Wiǎ la ɛ̍ wɔ̀ Setɔn-a tu̍owli po̍ nyɔ̍, wɛ̀ ɛ̍ iě ǐn nu̍ nɛ̌ je̍e blɔ̌.

2 Kɔwlɛntiɔn 12:9

Jɛ ɔ̍ la̍a̍ dě ǐn we̍, “Ǎn blɛ nɛ-ɛ nu̍ ɛ̍ wɛ̀ ìn blě dɛ̍ᵻ kli̍hgbɛ̍ ìn kɔn iě-a blě-ɛ. Ǎn gbǐh-a kmu i̍ kaa̍ pò àn gbǐh ja sɔɔn nu̍-ɛ.” Ǎn mu̍ mɔna̍-a gbǎ kaa̍ wɛ̀ iě wɔ̍i̍n po̍ dǒ ǎn gbǐh-a sɔɔn nu̍-ɛ we̍, wɛ̀ Klai-a gbǐh iě ǐn kɛ̍n kaɛn.

2 Kɔwlɛntiɔn 8:10

Sɔ̀n nɛ-ao de̍-ɛ, mɔ̀ɔ̍ bo ùh nu̍ sàǐtòò nyɔ̍ ùh nyǐ dɛ̍. Mɔ̀ nu̍ ɛ̍, dɛ̍nu̍ɛ, mɔ̀-a pɔ̀n ɛ̍ nu̍ ɛ̍ i̍ dɛbo. Dě ǎn flɔ̍nwlùh we̍-ɛ, ɛ̍ mu̍ jii̍ nmɔ dǒ mɔ̀ we̍

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Ɛfɛsɔ 3:3

Dɛ̍ ɛ̀ Nyɔsoa sìle-aɛ, ɛ̍ bo ɔ̍ toe m iě ɛ̍ juo. Kǎ ǐn nu̍ ɛ̍ dɛ̍ tile wɛ chlǐh-ɛ ke.

1 Tɛsoloniɔn 4:15

Dɛ̍ à sà-a dě mɔ̀ we̍-ɛ, Joi-a wlu̍ bo. Àɔ̀ mu̍-a kmɔ̌ nɛ wɛ̀ Joi iě-a ji̍-ɛ, à se̍ nyɔ̍ ùh mɛ̌-aɛ jǔ mu̍ mu̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.