2 Kɔwlɛntiɔn 11:6 - Ku̍o̍ Delee 1999

⁶ Pò ǐn se̍ wlu-ɛ juo-a chɛ̀-ɛ, jɛ ǐn se̍ la̍a̍n nɛ dǒ tɔɔ blě-ɛ we̍. À flɔn-ɛ ɛ̀ la we̍i̍ te̍gbe̍i̍n dě mɔ̀ we̍ tà kli̍hgbɛ̍.

2 Kɔwlɛntiɔn 11:6 Iomraidhean Croise

1 Kɔwlɛntiɔn 1:17

Klai se̍ ǐn dbo̍ iě nyɔ̍ nǐ dlǔ po̍, jɛ ɔ̍ dbo̍ m iě pɔ̀n chɛ̀ bla̍. Jɛ ɛ̍ se̍ nyi̍ɔ̍-a flɔ̍nwlùh-u wlu-i kai. Pò ǐn nu̍ la̍a̍n-ɛ, nɛ̀ Klai-a dǒ gbàɛ̍ kɛ̍n i̍ tu̍ wlì mɛ̌ɛ se̍ gbǐh kɛ̍n nɛ mu̍.

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

1 Kɔwlɛntiɔn 12:8

Nyɔ̍ jɔ-ɛ, nɛ̀ Sùù nyǐ ɔ̍ flɔ̍nwlùh dǒ wlu-ɛ we̍, nɛ̀ dɔɔ-ɛ, Sùù due laa̍ nɛ̀ ɛ̍ nyǐ ɔ̍ tɔɔ ke dǒ wlu-ɛ we̍.

1 Kɔwlɛntiɔn 2:13

Ɛ̍ tìh-ɛ, ɛ̍ se̍ nyi̍ɔ̍-a flɔ̍nwlùh à se̍ nyɔ̍ nǎ poe. Jɛ Nyɔsoa-a Sùù bo à poe nǎ, wɛ̀ à sèàɛ̍ Sùù-a tìh-a taǐn we̍ i̍ dě Sùù blě nyɔ̍ we̍.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 12:12

Jbaɛdih ke nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ nui-ɛ dě mɔ̀ nynɛ̌, iě i̍h to ɛ̍ ka ǐn nu̍-a Klai-a gba̍tòà dǒ ǎn wlùh i̍ gbɛ̍n-ɛ we̍ kaa̍.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 5:11

Ɛ̍ tìh-ɛ, à ple̍ Joi Nyɔsoa-a faɔn. Ɛ̍ kɔn à fɔ̀n dɛ̍ we̍ à iě nyɔ̍ duuh-a wlùh fèàɛ̀. Nyɔsoa ju̍o̍e à dɛ̍ᵻ kli̍hgbɛ̍ we̍ i̍. Ǐn tè ɛ̍ wlì mɔ̀ iě laǎn à i̍ juo-ɛ nu̍ ke dě mɔ̀-a wlùh di̍i̍.

2 Kɔwlɛntiɔn 6:6

À to ɛ̍ ka à nu̍-a Nyɔsoa-a pòi̍nynuu̍ dǒ à wlùh-a wlaǎwla nɛ-ɛ ke, pɔ̀n chɛ̀-a tɔɔ blě-ɛ ke, wlùh i̍ gbɛ̍n-ɛ ke gblɛ̍n-ɛ nmɔ-ɛ we̍. Nyɔsoa-a Sùù nɛ à we̍, iě à blě jbɛɛ chɛ̀.

2 Kɔwlɛntiɔn 7:2

Mɔ̀ flɔn-ɛ mɔ̀-a wlùh kɛ̍n i̍ dǒ à we̍. À se̍ nyɔ̍-o-nyɔ̍ dɛ̍ sɔ̀n pùn nu̍. À se̍ nyɔ̍-o-nyɔ̍ jii̍ nyni-i. À se̍ nyɔ̍-o-nyɔ̍ kanieǐ di̍.

Ɛfɛsɔ 3:4

Nɛ̀ pò mɔ̀ slè ɛ̍-ɛ, ka ǐn nu̍-a sìle dɛ̍ ɛ̀ tba̍-a dǒ Klai pùn i̍-ɛ we̍ i̍ wɔ̌n-ɛ, nɛ̀ mɔ̀-a mu̍ ɛ̍ juo.