2 Kɔwlɛntiɔn 11:3 - Ku̍o̍ Delee 1999

³ Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 11:3 Iomraidhean Croise

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Wloma 12:8

Pò ɛ̍ tù nyɔ̍-a wlùh fùka-aɛ, nɛ̀ ɔ̍ nu̍ ɛ̍. Pò ɛ̍ tù nyɔ̍ dɛ̍ nyǐ-ɛ, nɛ̀ ɔ̍ wlǎ-e wlɔ̀ i̍ ɔ̍ iě ɛ̍ nu̍. Pò ɛ̍ tù nyɔ̍ kwa̍ blě-ɛɛ, nɛ̀ ɔ̍ po̍-e gbǐh ɔ̍ iě ɛ̍ nu̍. Iě pò ɛ̍ tù gblɛ̍n-ɛ nmɔ-ɛɛ, nɛ̀ ɔ̍ nui ɛ̍ mɔna̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 11:20

Mɔ̀-a wɔ̌ɛn iě nyɔ̍-a nu̍ mɔ̀ dɛ̍ᵻ jii̍ ka kèi̍ᵻɛ́ àe̍e̍ u̍h-a tè mɔ̀ wɔ̍n dlǔ àe̍e̍ u̍h-a gbɛ̍n mɔ̀ àe̍e̍ u̍h-a bɛ̌-ɛ u̍h-a chɛ̀ i̍, iě u̍h-a tba̍ mɔ̀ gbǎ jua̍i̍.

2 Kɔwlɛntiɔn 11:29

Pò nyɔ̍-o-nyɔ̍-a gbǐh ja sɔɔn nu̍-ɛ, nɛ̀ ǎn gbǐh-a nu̍ sɔɔn ke. Pò nyɔ̍-o-nyɔ̍ gbǎ dě gblɛ̍n sɔ̀ɛ̀n di̍i̍-ɛ, nɛ̀ ǎn wlùh gbǎ dě de̍ i̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

Kelesea 1:6

Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 6:24

Nɛ̀ nyɔ̍ kli̍hgbɛ̍ ùh blě-a jbɛɛ ɛ̀ se̍-a siee la̍ kɔn dǒ à Joi Jusu Klai we̍-ɛ, Nyɔsoa-a blɛ nɛ dǒ u̍h we̍ o.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

Kalase 2:4

Ǎn sà ìh la-a wɛ̀ nyɔ̍-ɔ je̍e mɔ̀ i̍ boe dǒ u̍h-a wɔ̍n i̍ nmɔ-ɛ we̍.

Kalase 2:8

Mɔ̀ nu̍ nɛnɛ̌ wɛ̀ nyɔ̍ɔ je̍e mɔ̀ kèi̍ᵻ we̍i̍ nu̍ dǒ wlɔ̀ nyi̍ɔ̍-a pɔ̀ɔ̍pìe̍ flɔ̍nwlùh ɛ̀ boe-a nyɔ̍ i̍-ɛ we̍. I̍h tba̍ dǒ kmɔ̌ nyɔ̍-a nu̍-dɛ̍ᵻ kɛ̍n i̍, i̍h se̍ dǒ Klai naɛ kɛ̍n i̍ tba̍. Gbǐh jih kɔn-a kmɔ̌ la wlu̍ i̍-ɛ bo.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

1 Timote 1:3

Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

1 Timote 2:14

Ɛ̍ se̍-o siee, ɛ̍ se̍ Adaun Kǔ se̍ i̍ boe, nynɔ̌gbaɔ bo Kǔ boe i̍, iě ɔ̍ wa̍ Nyɔsoa-a telě.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

Taitɔ 1:10

Dɛ̍nu̍ɛ, nyɔ̍ wɔ̍n blaɛ nyɔ̍ ke, se̍o̍nɛ-ɛ sà nyɔ̍ ke, nyɔ̍ i̍ boe nyɔ̍ dɔu nɛ-e. Juu nyɔ̍ ùh sɔ-a dě plɔ̀n gbǎ gbɔ̀ù di̍i̍ ùh ji̍-a u̍h we̍-ɛ, u̍h bo ǎn dǎ gbe̍i̍n.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.

2 Pitɛ 3:17

Ǎn tìh kma nyɔ̍, mɔ̀ɔ̍ nɔ̀ɔ̍, mɔ̀ juo ìh la wɛ̀-ɛ se̍e̍. Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌ wɛ̀ klǐ-dɛ̍ᵻ nu̍ nyɔ̍-ɔ je̍e mɔ̀-a wlùh fèàɛ̀ dě klǐ-dɛ̍ᵻ we̍, wɛ̀ mɔ̀ɔ̍ je̍e nyna la̍-a wlǔh.

2 Pitɛ 3:3

Sàǐtòò dɛ ǎn pɔ̀n-a mɔ̀ iě-a juo-ɛ, dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍-a mu̍ mɔ̀ kɛ̍n wlǔh-i. U̍h-a chɛ̀-a dɛ̍ᵻ sɔ̀nᵻá mu̍ u̍h wlu̍ i̍ kɔn wɛ̀ u̍h iě mɔ̀ jlii̍h kɛ̍n i̍ nui.

1 Chɔɔn 2:18

Ǎn nynuu̍, ti̍-a dlǔ i̍ chlà-a kɔǎn we̍ wɛ̀. Mɔ̀ wɔ̌n i̍h se̍e̍ ka Klai-a Nyɛ̌-nyɔ̍-a mu̍-a ji̍-ɛ. Kaka la̍ u̍h-a dɔu ji̍ wɛ̀. Ɛ̍-ɛ bo à juo i̍ ka ti̍-a chlà-a la̍ dlǔ i̍-ɛ.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.

Wlɛfeleseɔn 12:15

Wɛ̀ dɔ̍sɛ sà nǐ klaa wɔ̍n iě ɛ̍ po̍ ɛ̍ dǒ nynɔ̌ laa̍ de̍e̍ ɛ̍ iě ɔ̍ gba̍.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 20:2

Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.