2 Kɔwlɛntiɔn 10:8 - Ku̍o̍ Delee 1999

⁸ Jɛ pò ǎn wɔ̍i̍n po̍-ɛ sì-o i̍ wɛ-ɛ dǒ tùn Joi nyǐ-a àɔ̀ à iě-a mɔ̀ gbǐh ku̍u̍ po̍-eɛ we̍-ɛ, ìh se̍-a mɔ̀ɔ̍ gbɔ̀lɔ dɛ-ɛ, ǐn se̍ ɛ̍ tɛ̀n ple̍ mu̍.

2 Kɔwlɛntiɔn 10:8 Iomraidhean Croise

2 Kɔwlɛntiɔn 1:24

À se̍ dɛ̍ we̍ fɔ̀n à iě mɔ̀ wlu̍ i̍ kɔn dǒ dɛ̍ mɔ̀-a mu̍-a wlùh gbaɛ-ɛ we̍. À juo ɛ̍ ka mɔ̀ ku̍-ae klì i̍ dě mɔ̀-a wlùh gbaɛ di̍i̍-ɛ. Jɛ mɔ̀ ke à nu̍ dbo̍ dǒ mɔ̀-a chɛ̀-a mɔna̍ dɛ̍-a sǔh we̍.

2 Kɔwlɛntiɔn 10:4

À fɔ̀n-dɛ̍ᵻ à fɔ̀n-aɛ, i̍h se̍ kmɔ̌ we̍ nyɔ̍-a fɔ̀n-dɛ̍ᵻ, jɛ à blě Nyɔsoa-a kmu-gbǐh dǒ nyɛ̌-nyɔ̍-a kmu-ɛ kli̍hgbɛ̍-ɛ gbɔ̀lɔ-ɛ we̍.

2 Kɔwlɛntiɔn 10:9

Ǐn se̍ pɔ̀n mɔ̀ iě ka nu̍ ǎn po̍ mɔ̀ faɔn dǒ ǎn chlǐh-dɛ̍ᵻ we̍.

2 Kɔwlɛntiɔn 12:19

Nyɔ̍-se̍-juo mɔ̀-a naɛ wlùh i̍ ti̍ kli̍hgbɛ̍ we̍, mɔ̀ la̍ à sà à chɛ̀ tìh dlǔ i̍ dǒ mɔ̀ jǔ. À wlu-i dǒ Nyɔsoa jǔ ka Klai-a pòi̍nynuu̍-ɛ. À tìh kma nyɔ̍, dɛ̍ᵻ kli̍hgbɛ̍ à nu̍-aɛ, à nu̍ i̍h i̍h iě-o mɔ̀ dɛ̍ po̍.

2 Kɔwlɛntiɔn 12:6

Pò ǐn ja pɔ̀n iě wɔ̍i̍n po̍ de-ɛ, ǐn se̍ bo-nyɔ̍ nu̍ mu̍ de. Dɛ̍nu̍ɛ, ǎn mu̍ tìh-a taǐn sà. Jɛ ǐn se̍ wɔ̍i̍n po̍ mu̍. Dɛ̍nu̍ɛ, ǐn se̍ pɔ̀n nyɔ̍-o-nyɔ̍ iě ǐn ja̍ tè kaa̍ dǒ dɛ̍ᵻ ɔ̍ jě-a m ǐn nu̍-aɛ ke ìh ǐn sà-a ɔ̍ wɔ̌n-aɛ we̍.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 13:8

À se̍ dɛ̍-o-dɛ̍ nu̍-ɛ bɛ̌ɛ pɔ̀n chɛ̀-a bu̍hᵻ tbaɛ tìh. Jɛ dɛ̍ᵻ ìh-a mu̍-a pɔ̀n chɛ̀ we̍ gbǎ-ɛ nɛ due bo à bɛ̌ɛ à iě nu̍.

2 Kɔwlɛntiɔn 7:14

Ǐn po̍ bu̍hᵻ wlù i̍ dě ɔ̍ we̍ mɔ̀-a tìh, iě mɔ̀ se̍ ǐn tɛ̀n nui. Jɛ ka dɛ̍ᵻ kli̍hgbɛ̍ à sà-a dě mɔ̀ we̍ nu̍-a tìh-a taǐn-ɛ, kǎ à bu̍hᵻ à po̍-a wlù i̍ dě Taitɔ we̍-ɛ nu̍ ɛ̍ to ɛ̍ ka ɛ̍ nu̍-a tìh-a taǐn-ɛ ke.

2 Kɔwlɛntiɔn 7:4

Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

Kelesea 1:1

Mɔ̍ Pɔɔ, mɔ̍ Klai-a gba̍tòà. Jɛ nyi̍ɔ̍ se̍ ɛ̍ ǐn we̍i̍ nu̍, iě ɛ̍ wɔ̍ se̍ dě nyi̍ɔ̍ we̍ sɔ-ɛ ke. Jɛ ɛ̍ sɔ-ɛ dě Jusu Klai we̍, ɛ̍ ke Baa Nyɔsoa jɔ sà ɔ̍-eɛ ke.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.