Biblia Todo Logo
Bìoball air-loidhne

- Sanasan -




2 Kɔwlɛntiɔn 10:7 - Ku̍o̍ Delee 1999

7 Mɔ̀-a gbɛ̀n dǒ dɛ̍ᵻá kɛ̍n ka. Nyɔ̍ nɛ dě mɔ̀ nynɛ̌ ɔ̍ juo-o dɛ̍ i̍ chɛ̀ɛ̌chɛ̀ ka ɔ̍ nu̍-a Klai-a pòi̍ju-ɛ ae? Nɛ̀ɛ̍, ɔ̍ naɛ wlùh i̍ dɛ dǒ ɔ̍ chɛ̀ we̍. Dɛ̍nu̍ɛ, àɔ̀ Klai-a pòi̍nynuu̍ ka ɔ̍ nu̍-a Klai-a pòi̍ju nu̍-ɛ ke-ɛ.

Faic an caibideil Dèan lethbhreac




2 Kɔwlɛntiɔn 10:7
21 Iomraidhean Croise  

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.


Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.


Mɔ̀ bɔ̌ dǒ dɛ̍ kɛ̍n jě-ɛ wɛ̀ mɔ̀ bɔ̌ tìh i̍ chɛ̍n-ɛ, jɛ mɔ̀ chɛ̍n tìh i̍ i̍ slɛ̌-ɛ ka.”


Dɛ̍ ǎn sà-aɛ, ɛ̍ nu̍ mɔ̀-a jɔ-ɛ, nɛ̀ ɔ̍ la̍a̍, “Mɔ̍ Pɔɔ-a nyɔ̍,” nɛ̀ dɔɔ la̍a̍, “Mɔ̍ Apolo-a nyɔ̍,” nɛ̀ dɔɔ la̍a̍, “Mɔ̍ Pitɛ-a nyɔ̍,” nɛ̀ dɔɔ la̍a̍, “Mɔ̍ Klai-a nyɔ̍.”


Pò nyɔ̍-o-nyɔ̍ la̍ ɔ̍-ɔ Nyɔsoa-a tu̍owli po̍ nyɔ̍ àe̍e̍ ɔ̍ blě Nyɔsoa-a Sùù-a nyǐ-dɛ̍-ɛ, nɛ̀ ɔ̍ kɔn ɔ̍ iě ɛ̍ i̍ juo ka dɛ̍ ǎn chlǐh-a dě mɔ̀ we̍-ɛ, ɛ̍ nu̍-a Joi-a telě-ɛ.


Jɛ jɔ-ɛ, ɔ̍ mu̍-e wlǔh dǒ ɔ̍ ti̍ we̍. Klai bo ɔ̀ wlǔh-e sàǐtòò. Nɛ̀ɛ̍, ti̍ ɔ̍ mu̍-a ji̍-ɛ, nyɔ̍ ùh kɔn-a dǒ ɔ̍ we̍-ɛ, u̍h-a mu̍-e wlǔh ke.


wɛ̀ mɔ̀ kɔn dǒ Klai we̍, iě Klai kɔn dǒ Nyɔsoa we̍.


Ka ǐn flɔn-a de̍e̍ i̍, iě ǐn nu̍-a Klai-a gba̍tòà-ɛ mɔ̀ se̍ i̍h juo ae? Àe̍e̍ à Joi Jusu bo nɛ̌ se̍-a jě ae? Nɛ̀ ɛ̍ se̍ ǎn dbo̍ ɛ̀ se̍ mɔ̀ ka nɛ-ɛ dǒ Joi we̍ ae?


Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.


Ka nyɔ̍ dɔu-a po̍-a wɔ̍i̍n dǒ dɛ̍ᵻ u̍h nu̍-aɛ we̍-ɛ, nɛ̀ ǎn mu̍ wɔ̍i̍n po̍ ke.


Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.


Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.


Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.


Ǎn mu̍ ɛ̍ nu̍, dɛ̍nu̍ɛ, mɔ̀-a pɔ̀n dɛ̍ ɛ̍ iě ɛ̍ to ka Klai-a wlu-ia dě ǐn ja̍a̍-ɛ. Ɔ̍ gbǐh-i nu̍ sɔɔn dǒ mɔ̀ dɛ̍ pùn nu̍-ɛ we̍, jɛ ɔ̍ to ɔ̍ gbǐh-a i̍ bɛ̌-ɛ dě mɔ̀ nynɛ̌.


À se̍ à chɛ̀ tìhwe̍ po̍-ɛ kɛ̍n i̍ gba̍ dě mɔ̀ we̍, jɛ à sèàɛ̍ mɔ̀ tìh chɛ̀ wlùh wɛ̀ mɔ̀ iě à tìh-a bu̍hᵻ wlù i̍ po̍. Nyɔ̍ ùh se̍-a blɔ̌ dɛ̍ᵻ nyɔ̍-ɔ jě-aɛ tìh, jɛ ùh-a blɔ̌-a dɛ̍ᵻ nyɔ̍-a jě-aɛ tìh-ɛ, mɔ̀ iě u̍h-a wlu̍ pɔ̀n we̍ sà-a bɛ̌ɛ.


Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.


Jɛ àɔ̀ nɔ̀ɔ̍, à sɔ dě Nyɔsoa we̍. Nyɔ̍ juh juo-a Nyɔsoa-ɛ, nɛ̀ u̍h-a po̍ nɔ̌ àɔ̀ we̍ dounᵻ. Jɛ nyɔ̍ ùh se̍-a dě Nyɔsoa we̍ sɔ-ɛ, nɛ̀ u̍h-u po̍ nɔ̌ àɔ̀ we̍ dounᵻ. Dǒ à ju̍o̍e tìh-a taǐn sùù ke ɛ̍ si̍h naɛ we̍ i̍.


Lean sinn:

Sanasan


Sanasan