6 À jě ti̍ wɛ̀ à iě nyɔ̍ wɔ̍n blaɛ nyɔ̍ kli̍hgbɛ̍ kàn gbɛ̍n, pò mɔ̀-a à wlù nu̍-ɛ gbǎ gba̍a̍-ɛ.
Mɔ̀ ɔ̀ po̍-a wɔ̍i̍n telě juo tìh-ɛ, àn chɛ̀-a telě wa̍-a bo ɛ̀ nui Nyɔsoa tɛ̀n.
Jɛwe̍ ɛ̀ mu̍ mɔ̀ gbǐh po̍ ɛ? Ǐn ja bliku iě mɔ̀ bla̍ ɛɛ, àe̍e̍ ǐn ja jbɛɛ ke gba̍n gbɛ̍n-ɛ dě wlùh wlǎ di̍i̍ ae?
Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.
Ǐn tù nyɔ̍ ùh nu̍-a gblɛ̍n sɔ̀ɛ̀n sàǐtòò-ɛ slɛ̌n, ɛ̍ ke nyɔ̍ duuh ke. Ka ǐn nu̍-a u̍h slɛ̌n tù-ɛ dě ǎn u̍h we̍ i̍ nala mu̍-ɛa gbɔ̍ᵻ sɔɔ̌n naɛ di̍i̍-ɛ, kǎ ǎn mu̍ u̍h slɛ̌n tù-ɛ nu̍ dɛ kaka ka ǐn se̍-a dě u̍h we̍ nɛ-ɛ. Pò ǐn ji̍ dě u̍h we̍ dɛ-ɛ, nɛ̀ nyɔ̍-o-nyɔ̍ se̍-o tàn mu̍ dǒ kàn gbɛ̍n-ɛ we̍.
Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.
Ɛ̍ tìh-ɛ, ka mɔ̀ nu̍-a ɔ̍ wlu̍ nu̍-ɛ ke, ɔ̍ i̍ gbɛ̍n-ɛ dǒ faɔn ke ku̍-a tlɛ̍-ɛ we̍-ɛ, pò i̍h sǐ dǒ ɔ̍ wlì i̍-ɛ, nɛ̀ ɛ̍ kui ɔ̍ mɔ̀ɔ̍ jbɛɛ i̍.
U̍h-a duuh bo ùh nu̍-a Amɛnia ke Ɛlesana ǐn sà-ɛa Setɔn kwlǎ, wɛ̀ u̍h iě dɛ̍ cheǎn, wɛ̀ u̍h-u je̍e Nyɔsoa-a wlu̍ wɔ̍i̍n nyni dɛ.
Jɛ pò ǐn ji̍-ɛ, nɛ̀ ǎn mu̍ ɔ̍ nu̍-dɛ̍ᵻá kunǎ po̍. Ɔ̍ sà dɛ̍ᵻ sɔ̀nᵻ dǒ à pùn, iě ɔ̍ tmɔ̌-ɛ à si̍h-i. Ɛ̍ nɔ̀ɔ̍, ɛ̍ se̍-o dɛ̍ nu̍ ke̍ gbɔ̀ɔ, jɛ ɔ̍ sà de̍di̍i̍ᵻ ùh nu̍-a dihwi̍hᵻɛ́ jlǐhɛ̍ we̍, iě juh-a pɔ̀n-a u̍h-a tìh jlǐhɛ̍ i̍ gbɛ̍n-ɛ i̍-ɛ, ɔ̍ po̍ u̍h bɔ̌ i̍. Iě ɔ̍ po̍ u̍h sɔ̀n i̍ dě chɔchi̍h-i.