2 Kɔwlɛntiɔn 10:5 - Ku̍o̍ Delee 1999

⁵ À nu̍ ɛ̍ iě si̍h tòlo-ɛ ke kmu-u dɛ̍ᵻ kli̍hgbɛ̍ blɔ̌ nyɔ̍ blě-a ìh-a nu̍-a ɛ̍ wɛ̀ nyɔ̍-ɔ juo-a Nyɔsoa-a, wɛ̀ i̍h wɛ̀ i̍. À nu̍ ɛ̍ iě nyi̍ɔ̍-a wlùh i̍ naɛ kli̍hgbɛ̍ iě Klai-a wlùh nu̍.

2 Kɔwlɛntiɔn 10:5 Iomraidhean Croise

Matio 15:19

Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

Pɔ̀n Chɛ̀ Luu To-a La 1:51

Ɔ̍ kmu-u gbǐh bo ɔ̍ nu̍, iě ùh-a chɛ̍n-a blɔ̌-ɛa di̍i̍chì-ɛ, ɔ̍ gbà u̍h ja̍i̍.

Wloma 1:21

U̍h juo Nyɔsoa-a tìh, jɛ u̍h-u tè ɔ̍ ja̍, iě u̍h wɔ̍-ɔ po̍ ɔ̍ tlɔ̌ ke. U̍h boe, u̍h-a wlùh gbe kɛ̍n i̍, iě u̍h-a wlùh i̍ naɛ dɛ̍ᵻ se̍ dɛ̍kɛ̍n gbǎ.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 16:26

Kmɔ̌ sie Nyɔsoa po̍ ɔ̍ tu̍owli po̍ nyɔ̍ slǔh u̍h iě chlǐh dǒ sìle dɛ̍ la we̍. Ɛ̍ bo ɛ̀ sà-ɛ tà iě nyɔ̍ kli̍hgbɛ̍ juo i̍h, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 7:23

Jɛ ǎn jě telě dɛɛ dǒ ǎn ku̍ kli̍hgbɛ̍ pùn, iě ɛ̍ fɔ̀n Nyɔsoa-a telě jɛ ǎn wlùh wɔ̌ɛn-a kɛ̍n i̍-ɛ we̍. Wɛ̀ ɛ̍ nu̍ ǐn gbɛ̍n-nyɔ̍ we̍i̍ dǒ gblɛ̍n sɔ̀ɛ̀n-a telě ɛ̀ nɛ-a dě ǐn ku̍sɔ̀n-ɛ we̍.

1 Kɔwlɛntiɔn 1:19

Nyɔsoa la̍a̍, “Ǎn mu̍ flɔ̍nwlùh kɔn nyɔ̍-a flɔ̍nwlùh-u gbɔ̀lɔ, wɛ̀ iě nyɔ̍ ùh juo-a dɛ̍-ɛ, u̍h-a dɛ̍ juo-ɛ gbɔ̀ fǒ-e.”

1 Kɔwlɛntiɔn 3:19

Dɛ̍ kmɔ̌ la ɛ̍ dǎɛ-a flɔ̍nwlùh-ɛ, nɛ̀ se̍o̍nɛ bo dǒ Nyɔsoa we̍. Nyɔsoa-a wlu̍ la̍a̍, “Ɔ̍ gbɛ̍n di̍i̍ i̍ flɔn nyɔ̍ dě u̍h-a chɛ̀-a gblàa̍ kɔn-ɛ di̍i̍.”

2 Kɔwlɛntiɔn 11:20

Mɔ̀-a wɔ̌ɛn iě nyɔ̍-a nu̍ mɔ̀ dɛ̍ᵻ jii̍ ka kèi̍ᵻɛ́ àe̍e̍ u̍h-a tè mɔ̀ wɔ̍n dlǔ àe̍e̍ u̍h-a gbɛ̍n mɔ̀ àe̍e̍ u̍h-a bɛ̌-ɛ u̍h-a chɛ̀ i̍, iě u̍h-a tba̍ mɔ̀ gbǎ jua̍i̍.

2 Kɔwlɛntiɔn 9:13

Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.

Felepai 4:7

Nɛ̀ Nyɔsoa-a wlùh-a i̍ tè-ɛ ɛ̀ sìì-a nyi̍ɔ̍ naɛ flɔ̍nwlùh kli̍hgbɛ̍-ɛ, ɛ̍ mu̍ mɔ̀-a wlùh ke mɔ̀-a pɔluh i̍ pɛ̌n-ɛ dě Jusu Klai ja̍a̍.

2 Tɛsoloniɔn 2:4

Ɔ̍ se̍ slaǎ sà dɛ̍ᵻ kli̍hgbɛ̍ nyɔ̍gbei-a dǎɛ-a nyɔsoa-a dɛ̍ dǎɛ mu̍. Ɔ̍ mu̍ ɔ̍ chɛ̀ i̍ bɛ̌-ɛ, wɛ̀ ɔ̍ iě ɔ̍ chɛ̀ gbalǎ i̍ jǎ-ɛ dě Nyɔsoa-a slaǎ sà gbò sɔ̀n. Ɔ̍ mu̍ ɔ̍ chɛ̀ Nyɔsoa dǎɛ.

2 Tɛsoloniɔn 2:8

Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

Iblu 4:12

Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.