2 Kɔwlɛntiɔn 10:4 - Ku̍o̍ Delee 1999

⁴ À fɔ̀n-dɛ̍ᵻ à fɔ̀n-aɛ, i̍h se̍ kmɔ̌ we̍ nyɔ̍-a fɔ̀n-dɛ̍ᵻ, jɛ à blě Nyɔsoa-a kmu-gbǐh dǒ nyɛ̌-nyɔ̍-a kmu-ɛ kli̍hgbɛ̍-ɛ gbɔ̀lɔ-ɛ we̍.

2 Kɔwlɛntiɔn 10:4 Iomraidhean Croise

Nu̍-dɛ̍ᵻ 7:22

Wɛ̀ Mose poe-ɛ nǎ dǒ Iche nyɔ̍-a flɔ̍nwlùh kli̍hgbɛ̍ we̍. Sɔ ɔ̍ wlu-ɛ ke ɔ̍ nu̍-dɛ̍ᵻ ku̍ wɔ̍n.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Wloma 6:13

Mɔ̀ bɔ̌ mɔ̀-a ku̍-a dɛ̍-o-dɛ̍ gblɛ̍n sɔ̀ɛ̀n kwlǎ sà-ɛ dǒ kà gblɛ̍n nu̍-ɛ we̍. Jɛ mɔ̀ sà-ɛ mɔ̀-a chɛ̀ Nyɔsoa kwlǎ ka nyɔ̍ ùh wlǔh-ae wɛ̀ ùh nɛ-a kmɔ̌ dode̍-ɛ. Mɔ̀ sà-ɛ mɔ̀-a ku̍ kli̍hgbɛ̍ Nyɔsoa kwlǎ dǒ i̍ slɛ̌-ɛ dɛ̍ᵻ nu̍-ɛ we̍.

1 Kɔwlɛntiɔn 2:5

wɛ̀ mɔ̀-a wlùh gbaɛ je̍e nyi̍ɔ̍-a flɔ̍nwlùh i̍ tè, jɛ ɛ̍ iě Nyɔsoa-a gbǐh i̍ tè.

1 Kɔwlɛntiɔn 9:7

Nyɔ̍we̍ bo ɔ̀ nu̍ fledlǔ wɛ̀ ɔ̀ pùhbɔ ɔ̍ chɛ̀ kɛ̍ɛ̍n wɛ̀ sàì ɛ? Klè joi jɔwe̍ bo ɔ̀-ɔ di̍ ɔ̍ chɛ̀-a klè-a tù-dɛ̍ᵻ ɛ? Nyɔ̍we̍ bo ɔ̀ blě nɛadɛᵻ wɛ̀ ɔ̀ se̍ i̍h-a nyɛnɛ nǐ nǎ ɛ?

2 Kɔwlɛntiɔn 10:8

Jɛ pò ǎn wɔ̍i̍n po̍-ɛ sì-o i̍ wɛ-ɛ dǒ tùn Joi nyǐ-a àɔ̀ à iě-a mɔ̀ gbǐh ku̍u̍ po̍-eɛ we̍-ɛ, ìh se̍-a mɔ̀ɔ̍ gbɔ̀lɔ dɛ-ɛ, ǐn se̍ ɛ̍ tɛ̀n ple̍ mu̍.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 3:5

Ɛ̍ se̍ nɛ̀ à blě gbǐh dǒ à chɛ̀ we̍ à iě dɛ̍-o-dɛ̍ nu̍. Gbǐh à blě-aɛ, i̍h sɔ dě Nyɔsoa we̍.

2 Kɔwlɛntiɔn 4:7

À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.

2 Kɔwlɛntiɔn 6:7

À tu̍owli nu̍ tìh-a taǐn, iě Nyɔsoa-a gbǐh nɛ à we̍. À i̍ slɛ̌-ɛ bo ɛ̀ nu̍ à fɔ̀n-dɛ̍ᵻ dǒ à fɔ̀n-ɛ kli̍hgbɛ̍ we̍.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Timote 1:18

Ǎn jǔ Timote, Nyɔsoa-a tu̍owli ìh poe-a dǒ ìn pùn-ɛ, ka i̍h nu̍-a nɛ-ɛɛ, i̍h bo ǎn poe la̍ ìn slǔh ìè dǒ i̍h de̍e̍ sì. Wɛ̀ i̍h iě àn fɔ̀n-dɛ̍ᵻ chɛ̀ nu̍.

2 Timote 2:3

Gbɛ̍n nàɛ̀ jua̍i̍ sàɛ̀-ɛ i̍, wɛ̀ ìè Jusu Klai-a fledlǔ chɛ̀ wɔ̀.

Iblu 11:30

Eslɔɛ nyɔ̍-a wlùh gbaɛ blě-ɛ bo ɛ̀ nu̍ ɛ̍ iě Jɛwlekoo wlɔ̀-a saǎn blu̍, dɛ̍nu̍ɛ, u̍h bǎ-ɛ iě u̍h dlɛ̌ ɛ̍ dǒ wǐh mɛ̀sɔɔ̌n di̍i̍.