2 Kɔwlɛntiɔn 10:1 - Ku̍o̍ Delee 1999

¹ Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 10:1 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Matio 21:5

Wlu̍-a chɛ̀ la̍a̍, “Sèàɛ̍ Juluslɛn nyɔ̍ wlùh, ‘Nàa̍, mɔ̀ gbɛ̀n-e, mɔ̀-a Blǔh Baa-a ji̍ dě mɔ̀ we̍. Ɔ̍ gbɛ̍n gba̍n, iě ɔ̍ naɛ dě soo̍pà kɛ̍n, ɛ̍ ke ɛ̍ jǔ plɔ̀ ke.’ ”

Nu̍-dɛ̍ᵻ 8:32

Nyɔsoa-a wlu̍-a chɛ̀ ɔ̍ slè-aɛ, kǎ ɛ̍ nu̍ ka nɛ-ɛ. “Blawɛ̌ ɛ̀ u̍h-a gba̍-a dbǎ la̍-aɛ, ɛ̍ bo ɔ̍ wɔ̀. Blawɛ̌ jǔ ɛ̀ kɔn mǐ u̍h ja chɛ̍n-ɛ wɛ̀ ɛ̍-ɛ wlu-aɛ, ɛ̍ bo ɔ̍ wɔ̀. Ɛ̍ kɔn ɔ̍ se̍ wɔ̍n-a fuɛn nu̍.

Wloma 10:20

Wɛ̀ Nyɔsoa wlu dě Asaia ja̍a̍ gbài̍gbài̍, ɔ̍ la̍a̍, “Nyɔ̍ ùh se̍-a ǐn i̍ pɔ̀n-ɛ, u̍h bo ùh jě m̌. Nyɔ̍ ùh se̍-a ǎn tìh i̍ tèle-ɛ, u̍h bo ǐn wlǔh-i kɛ̍n.”

Wloma 12:1

Ɛ̍ tìh-ɛ, ǐn de̍di̍i̍ᵻ, ǐn chɛ̍n mɔ̀-a gbɛ̀n, ka Nyɔsoa jě-a àɔ̀ wɔɛ-ɛ, mɔ̀ sà mɔ̀-a chɛ̀ kwlǎ dǒ ɔ̍ we̍ wɛ̀ mɔ̀ iě slaǎ sà-ɛ dɛ̍ jɛ tè-a kmɔ̌ i̍-ɛ wɔ̀. Nɛ̀ mɔ̀ tè-eɛ pɔ̌ dǒ ɔ̍ we̍, mɔ̀-a tìh iě ɔ̍ gbǐh po̍, ɛ̍ bo ɛ̀ nu̍ mɔ̀-a wɛɛ sà-aa gblangbai̍.

Wloma 15:15

Chlǐh-dɛ̍ la ǎn chlǐh-a mɔ̀ we̍-ɛ, ǎn wlu gbài̍gbài̍ dě ɛ̍ di̍i̍ dǒ dɛ̍ᵻ diih ǎn sǐ-ia ka dǒ mɔ̀ wlì i̍-ɛ we̍. Dɛ̍nu̍ɛ, Nyɔsoa nɛ blɛ dǒ ǐn we̍

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 4:10

À nu̍ bo-nyɔ̍ Klai-a tìh, jɛ mɔ̀ɔ̍ nɔ̀ɔ̍-ɛ, mɔ̀ flɔn di̍i̍ i̍ dě mɔ̀ ke Klai-a due nɛ-ɛ di̍i̍. À gbǐh-a mɛ̌-ɛ, jɛ mɔ̀ɔ̍ nɔ̀ɔ̍-ɛ, mɔ̀ kmu i̍. Nyɔ̍-a tè mɔ̀ ja̍, jɛ u̍h-u tè àɔ̀ nɔ̀ɔ̍ ja̍.

1 Kɔwlɛntiɔn 4:21

Jɛwe̍ ɛ̀ mu̍ mɔ̀ gbǐh po̍ ɛ? Ǐn ja bliku iě mɔ̀ bla̍ ɛɛ, àe̍e̍ ǐn ja jbɛɛ ke gba̍n gbɛ̍n-ɛ dě wlùh wlǎ di̍i̍ ae?

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 10:2

Ǎn ba̍le mɔ̀-ɛ, mɔ̀ɔ̍ je̍e ɛ̍ nu̍ pò ǐn ji̍-e mɔ̀ we̍-ɛ wɛ̀ nɛ̌ je̍e wɔ̍n kma. Ǐn juo ɛ̍ ǎn mu̍ wɔ̍n kma wɛ̀ iě wlì i̍ bɛ̌ dǒ nyɔ̍ ùh la̍ à nu̍-a dɛ̍ᵻ ka kmɔ̌ we̍ nyɔ̍-ɛ we̍.

2 Kɔwlɛntiɔn 10:7

Mɔ̀-a gbɛ̀n dǒ dɛ̍ᵻá kɛ̍n ka. Nyɔ̍ nɛ dě mɔ̀ nynɛ̌ ɔ̍ juo-o dɛ̍ i̍ chɛ̀ɛ̌chɛ̀ ka ɔ̍ nu̍-a Klai-a pòi̍ju-ɛ ae? Nɛ̀ɛ̍, ɔ̍ naɛ wlùh i̍ dɛ dǒ ɔ̍ chɛ̀ we̍. Dɛ̍nu̍ɛ, àɔ̀ Klai-a pòi̍nynuu̍ ka ɔ̍ nu̍-a Klai-a pòi̍ju nu̍-ɛ ke-ɛ.

2 Kɔwlɛntiɔn 11:21

Ka à se̍-a ìh la nu̍-ɛ i̍ pɔ̀n-ɛ, nɛ̀ ǐn kɔn iě tɛ̀n ple̍ ae? Jɛ dɛ̍ nyɔ̍-o-nyɔ̍ ku̍-a wlùh ɔ̍ iě-a wɔ̍i̍n po̍ dǒ ɛ̍ we̍-ɛ, nɛ̀ ǎn mu̍ wlùh ku̍ ke iě ɛ̍ wɔ̍i̍n po̍. Ǎn wlu-i ka bo-nyɔ̍-ɛ.

2 Kɔwlɛntiɔn 11:30

Ka ǐn kɔn iě-a wɔ̍i̍n po̍-ɛ, nɛ̀ ǎn mu̍ wɔ̍i̍n po̍ dǒ dɛ̍ᵻ ìh-a to-a ǎn gbǐh-a sɔɔn nu̍-ɛ we̍.

2 Kɔwlɛntiɔn 12:5

Ǎn mu̍ wɔ̍i̍n po̍ dǒ dɛ̍ᵻ la we̍, jɛ ǐn se̍ wɔ̍i̍n po̍ mu̍ dǒ dɛ̍ᵻ di̍i̍h we̍. Dɛ̍ᵻ ìh-a to-a ǎn gbǐh-a sɔɔn nu̍-ɛɛ, i̍h kɔn tɛ̀ ǐn sà-o.

2 Kɔwlɛntiɔn 3:12

Ka à blě-a wlì tè dɛ̍ la-ɛ, à wlu-i gbài̍gbài̍.

2 Kɔwlɛntiɔn 5:20

Ɛ̍ tìh-ɛ, à wlu Klai-a dɛ̍. Dě à ja̍a̍ bo Nyɔsoa-a ba̍le-e nyɔ̍. À gbɛ̍n mɔ̀-a bu̍hᵻ dǒ Klai-a tàà Nyɔsoa iě ɛ̍ nu̍ mɔ̀ ke ɔ̍ iě kɛ̍n i̍ gbe̍ɛ̍ɛn.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

2 Kɔwlɛntiɔn 7:4

Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Kelesea 5:2

Mɔ̀ po̍ dě ǐn we̍ dounᵻ. Mɔ̍ Pɔɔ, ǎn sèàɛ̍ mɔ̀ wlùh, pò mɔ̀ wɔ̌n wɛ̀ mɔ̀ iě plɔ̀n gbǎ-ɛ, nɛ̀ Klai se̍ dɛ̍ i̍ blaɛ dɛ dǒ mɔ̀ we̍.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Felepai 4:5

Mɔ̀-a gba̍n gbɛ̍n-ɛ bo ɛ̀ iě mɔ̀-a sàànsi̍i̍h nu̍ dǒ nyɔ̍ kli̍hgbɛ̍ we̍. Joi nɛ à i̍ wɛ̀.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

2 Tɛsoloniɔn 3:17

Mɔ̍ Pɔɔ, ǎn chɛ̀-a sɔ̍n bo ǎn chlǐh-i nyinɔ̍ i̍ sà wlu̍ la. Mɔ̍ sà mɔ̀ nyinɔ̍ i̍. Ɛ̀ la bo ɛ̀ nu̍ juola dě ǎn chlǐh-dɛ̍ᵻ kli̍hgbɛ̍ di̍i̍. Kǎ ǎn nu̍ chlǐh-ɛ.

Faɛlimɔ 1:19

Mɔ̍ Pɔɔ, ǎn chlǐh ɛ̀ la dǒ ǎn chɛ̀-a sɔ̍n we̍. Na̍a̍, “Dɛ̍ àn mu̍-a ǐn dlǔ po̍-ɛ, ǎn mu̍ ɛ̍ de̍ pɛ̌ɛ.” (Ɛ̍ chɛ̀ nɔ̀ɔ̍, ɛ̍ se̍ dɛ̍-ɛ wɛ̀ iě ìn wlùh sèàɛ̍, ka àn chɛ̀ bo ɔ̀ nu̍-a gba̍ ìn blě-a dǒ ǐn we̍-ɛ ìn juo i̍h.)

Faɛlimɔ 1:9

Jɛ we̍ jbɛɛ tìh-ɛ, ǐn gbɛ̍n àn bu̍hᵻ i̍. Mɔ̍ Pɔɔ la ǐn nu̍ nyɔ̍ klaa wɛ̀, iě ǐn nu̍ ka gbɛ̍n-nyɔ̍ Jusu Klai-a tìh.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.