2 Kɔwlɛntiɔn 1:7 - Ku̍o̍ Delee 1999

⁷ À ku̍-e klì i̍ dǒ mɔ̀ wlì tè-ɛ we̍. Dɛ̍nu̍ɛ, ka à nu̍-a we̍ gbǎ-ɛɛ, kǎ mɔ̀-a nu̍ we̍ gbǎ-ɛ ke. À juo ɛ̍ ka à nu̍-a jua̍i̍ sàɛ̀-ɛ kǎ mɔ̀-a nu̍ jua̍i̍ sàɛ̀ ke.

2 Kɔwlɛntiɔn 1:7 Iomraidhean Croise

Matio 23:30

Iě mɔ̀ la̍a̍, ‘Pò à nɛ kmɔ̌ de tɛin dǒ à baaᵻá ti̍ we̍-ɛ, nɛ̀ àɔ̀ nɔ̀ɔ̍, à se̍ u̍h we̍ gbǎ mu̍ à iě Nyɔsoa-a tu̍owli po̍ nyɔ̍ dbǎ de.’

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

2 Kɔwlɛntiɔn 7:9

Jɛ kaka la̍ mɔna̍-a nu̍ m. Ɛ̍ se̍ ǐn po̍-a mɔ̀-a wlùh seɔn-ɛ tìh, jɛ ɛ̍ nu̍ ɛ̍ iě mɔ̀ bǐi i̍ mɔ̀ poe mɔ̀-a gblɛ̍n sɔ̀ɛ̀n kɛ̍n i̍. Mɔ̀-a wlùh-a seɔn gbǎ-a la Nyɔsoa-a wlùh dɛ bo. Ɛ̍ tìh-ɛ, à se̍ mɔ̀ dɛ̍ sɔ̀n pùn nu̍.

2 Timote 2:12

Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.

2 Timote 3:11

Ìn juo ǎn klě jě-ɛ ke jua̍i̍ sàɛ̀-ɛ ke dɛ̍ᵻ kli̍hgbɛ̍ ìh nɛ-a ǐn pùn dǒ Antiɔ ke Akɔniɔ ke Lesla wlɔ̀ᵻ di̍i̍ i̍-ɛ. I̍h-i laa̍ bo ǐn nyna i̍. Jɛ Joi sèìe m dě i̍h kli̍hgbɛ̍ di̍i̍.

Chiin 1:12

Nyɔ̍ ɔ̀ ku̍-ae klì i̍ dǒ ɔ̍ i̍ tɛ̀n-ɛ we̍-ɛ, nɛ̀ ɔ̍ nmɔ i̍. Dɛ̍nu̍ɛ, nyɔ̍ ɔ̀ mu̍-a i̍ tɛ̀n-ɛ laa̍ i̍ nyna-ɛ, nɛ̀ ɔ̍ mu̍ kmɔ̌ sie feɛ-a blawɛ̌ tèè. Ɛ̍ kɔn wlu̍ bo Nyɔsoa po̍ tɔ̀ma̍a̍ dǒ nyɔ̍ kma-a ɔ̍ tìh-ɛ we̍.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.