2 Kɔwlɛntiɔn 1:6 - Ku̍o̍ Delee 1999

⁶ Pò à jě tìh-ɛ, nɛ̀ mɔ̀-a we̍ gbǎ-a ke mɔ̀-a pǔh-u tìh bo. Pò à gbǎ-ɛ we̍-ɛ, nɛ̀ mɔ̀ gbǎ-ɛ we̍ ke, iě mɔ̀ nyǐ-ɛ gbǐh mɔ̀ iě-e klì i̍ ku̍ mɔ̀ iě wlùh i̍ gbɛ̍n dě mɔ̀-a jua̍i̍ sàɛ̀ di̍i̍ ka à nu̍-a jua̍i̍ sàɛ̀-ɛ ke-ɛ.

2 Kɔwlɛntiɔn 1:6 Iomraidhean Croise

Nu̍-dɛ̍ᵻ 21:5

Jɛ ti̍ nyni̍-a à iě-a dǒ u̍h we̍ sɔ-ɛ, wɛ̀ u̍h ke u̍h-a nynɔ̌gbaɔᵻ ke nynuu̍ kli̍hgbɛ̍ gba̍ à wìè-i dě jbǒ penɔ̍ɔ̍ kɛ̍n. Iě à mu̍ kɔlu̍ᵻ kɛ̍ɛ̍n à ba̍le.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

2 Kɔwlɛntiɔn 1:4

Ɔ̍ gbǎ àɔ̀ we̍ dě à tìh jě-ɛ kli̍hgbɛ̍ di̍i̍, wɛ̀ ɛ̍ iě ɛ̍ nu̍ à iě nyɔ̍ ùh-a jě-a tìh kaɛn kaɛn-ɛ we̍ gbǎ-a bɛ̌ɛ dǒ ka ɔ̍ nu̍-a à we̍ gbǎ-aɛ we̍.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 5:5

Nyɔsoa bo ɔ̍ po̍ à gba̍a̍ dǒ ɛ̀ la we̍. Iě ɔ̍ nyǐ à ɔ̍ Sùù ɛ̍ iě ɛ̍ to ka ɔ̍ mu̍-a ɛ̍ nu̍-ɛ.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 3:13

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.

Felepai 1:19

Dɛ̍nu̍ɛ, ǐn juo ɛ̍-ɛ kleǐn, ka mɔ̀-a ba̍le wlu̍ ke Jusu Klai-a Sùù-a ǐn we̍ gbǎ-a mu̍-a ǐn sèìe-ɛ.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.