2 Kɔwlɛntiɔn 1:12 - Ku̍o̍ Delee 1999

¹² À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 1:12 Iomraidhean Croise

Nu̍-dɛ̍ᵻ 23:1

Wɛ̀ Pɔɔ gbɛ̀n dě taɔ laa̍ we̍ sòo̍sòo̍ iě ɔ̍ la̍a̍, “De̍di̍i̍ᵻ, ǎn kmɔ̌ ǐn nɛ-a dě di̍i̍ dǒ Nyɔsoa we̍ wɛ̀ ɛ̍ iě-a sèàn weɛ̍ la kɛ̍n jɛɛ-ɛ, ɛ̍ se̍ ǎn wlùh-u kǎ.”

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

Wloma 9:1

Tìh-a taǐn bo ǎn sà-a dě Klai ja̍a̍. Nyɔsoa-a Sùù bo ɛ̀ nu̍ ɛ̍ iě ǎn wlùh nu̍ ǎn sàànsi̍i̍h. Ǐn se̍ si̍h tmɔ̌,

1 Kɔwlɛntiɔn 1:17

Klai se̍ ǐn dbo̍ iě nyɔ̍ nǐ dlǔ po̍, jɛ ɔ̍ dbo̍ m iě pɔ̀n chɛ̀ bla̍. Jɛ ɛ̍ se̍ nyi̍ɔ̍-a flɔ̍nwlùh-u wlu-i kai. Pò ǐn nu̍ la̍a̍n-ɛ, nɛ̀ Klai-a dǒ gbàɛ̍ kɛ̍n i̍ tu̍ wlì mɛ̌ɛ se̍ gbǐh kɛ̍n nɛ mu̍.

1 Kɔwlɛntiɔn 12:8

Nyɔ̍ jɔ-ɛ, nɛ̀ Sùù nyǐ ɔ̍ flɔ̍nwlùh dǒ wlu-ɛ we̍, nɛ̀ dɔɔ-ɛ, Sùù due laa̍ nɛ̀ ɛ̍ nyǐ ɔ̍ tɔɔ ke dǒ wlu-ɛ we̍.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

1 Kɔwlɛntiɔn 2:13

Ɛ̍ tìh-ɛ, ɛ̍ se̍ nyi̍ɔ̍-a flɔ̍nwlùh à se̍ nyɔ̍ nǎ poe. Jɛ Nyɔsoa-a Sùù bo à poe nǎ, wɛ̀ à sèàɛ̍ Sùù-a tìh-a taǐn we̍ i̍ dě Sùù blě nyɔ̍ we̍.

1 Kɔwlɛntiɔn 4:4

Ǐn se̍ ǎn chɛ̀ dɛ̍ sɔ̀n pùn jě, jɛ ɛ̍ se̍ nɛ̀ ǐn gba̍ kɛ̀n kai. Jɛ Joi nɛ due bo ɔ̀ mu̍ ǐn i̍ chlɛ̌.

1 Kɔwlɛntiɔn 5:8

Ɛ̍ tìh-ɛ, mɔ̀ à nu̍ à Sììkɛ̍n Weɛ̍-a Peě. Jɛ mɔ̀ à bɔ̌ ɛ̍ blèe̍ fù-i dɛ̍-a soa naɛ we̍ po̍-ɛ. Blèe̍ fù-i dɛ̍ᵻ ìh blě-a gblɛ̍n-ɛ nyni-ɛ ke kà-ɛ, mɔ̀ à tǎli i̍h i̍. Jɛ mɔ̀ à nui ɛ̍ blèe̍ ɛ̀ se̍-a fù-i dɛ̍ we̍ nɛ, ɛ̀ se̍-a nɛi̍ nɛ iě ɛ̍ nu̍-a tìh-a taǐn-ɛ.

2 Kɔwlɛntiɔn 1:17

Ti̍ ǎn pɔ̀n-a iě-a ɛ̀ la nu̍-ɛ, nɛ̀ ɛ̍ se̍ jlii̍h ǐn se̍ nu̍. Nɛ̌ nu̍ dɛ̍ᵻ ka kmɔ̌ we̍ nyɔ̍ ùh-a wɔ̌n-ɛa “I̍i̍n” ke “Iěe” tàdùè-ɛ.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 8:8

Ǐn se̍ ɛ̀ laa̍ sà iě mɔ̀ telě nyǐ mɔ̀ iě nu̍. Jɛ nyɔ̍ duuh-a nyɔ̍ tìh kma-a tɛ̀n mɔ̀ɔ̍ pò mɔ̀-a jbɛɛ-ɛ nu̍ jbɛɛ chɛ̀ɛ̌chɛ̀-ɛ.

Kelesea 6:4

Nyɔ̍ jɔ-ɛ, nɛ̀ ɔ̍ chlɛ̌ ɔ̍ chɛ̀-a nu̍-dɛ̍ᵻ we̍ i̍. Pò i̍h nmɔ jii̍-ɛ, nɛ̀ ɔ̍ blɔ̌ dǒ ɔ̍ chɛ̀ we̍, jɛ nɛ̀ ɔ̍ bɔ̌ ɔ̍ chɛ̀ nyɔ̍ dɔɔ i̍ blaɛ-ɛ.

Ɛfɛsɔ 6:14

Ɛ̍ tìh-ɛ, mɔ̀ chlìì kɛ̍n dǒ mɔ̀-a bɛtɛ̍ ɛ̀ nu̍-a tìh-a taǐn ɛ̀ kɔ̍-a dǒ Nyɔsoa pùn i̍-ɛ we̍, wɛ̀ mɔ̀ iě i̍ nyna. Nɛ̀ i̍ slɛ̌-ɛ bo ɛ̀ iě mɔ̀-a nɛ̍ne̍ɛ̍ wola̍ nu̍ mɔ̀ iě-e pa̍.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

1 Tɛsoloniɔn 2:10

Bu̍hᵻ à na-ɛa kɛ̍n dǒ mɔ̀ɔ̍ Nyɔsoa nyɔ̍ we̍-ɛ, ka i̍h se̍-a nɛi̍ nɛ, i̍h slɛ̌-a i̍, iě i̍h se̍-a nynɛ̌-a kɔ̌-ɛ blě-ɛ, mɔ̀-a chɛ̀ ke Nyɔsoa nu̍ à sàànsi̍i̍h.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Iblu 13:18

Mɔ̀ ba̍le dǒ à tàà. À juo ɛ̍-ɛ gblagblǎ kɛ̍ dɛ̍ se̍ dě à wlùh we̍ nɛ, iě à pɔ̀n dɛ̍-o-dɛ̍ à mu̍-a nu̍-ɛ ɛ̍ iě i̍ slɛ̌.

Chiin 4:6

Nyɔsoa nɛ blɛ dǒ à we̍ kaa̍, ɛ̍ kɔn ɔ̍ wlu̍ la̍a̍, “Nyɔsoa faɛn blɔ̌-nyɔ̍. Jɛ ɔ̍ nɛ blɛ dǒ ùh-a ja-a u̍h-a chɛ̀ wlù-ɛ we̍.”

1 Pitɛ 3:16

Jɛ mɔ̀ bɔ̌ ɛ̍ nu̍-ɛ dǒ blɔ̌-ɛ we̍, mɔ̀ nu̍ ɛ̍ dǒ gba̍n gbɛ̍n-ɛ we̍. Mɔ̀ nu̍ ɛ̍ wɛ̀ dɛ̍-ɛ je̍e mɔ̀-a wlùh-u kǎ. Nɛ̀ pò u̍h chlèe mɔ̀, wɛ̀ u̍h iě mɔ̀ wlu̍-u po̍ dɛ̍ chɛ̀ nu̍ tìh ka mɔ̀ gbǎ-a dǒ Klai de̍e̍-ɛ, wɛ̀ tɛ̀n iě u̍h nu̍.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.