1 Timote 5:3 - Ku̍o̍ Delee 1999

³ Nynɔ̌ ɔ̀ nu̍-a tèwànynɔ̌ teěte-ɛ, tù ɔ̍ tìh jlǐhɛ̍.

1 Timote 5:3 Iomraidhean Croise

Matio 15:6

Nɛ̀ mɔ̀-a chɛ̀-a telě-a tìh bo mɔ̀-ɔ tè-o Nyɔsoa-a telě i̍.

Matio 23:13

Wɛ̀ Jusu la̍a̍, “Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a ka̍n Nyɔsoa-a kmɔ̌ wlu̍ i̍ kɔn-ɛa wìè dǒ nyɔ̍gbei we̍. Mɔ̀-a chɛ̀ wɔ̍-ɔ sǐ deě-i, iě juh-a pɔ̀n-a deě mu̍-ɛ i̍-ɛ, mɔ̀-ɔ wɔ̌n u̍h-u sǐ deě-i ke. [

Pɔ̀n Chɛ̀ Luu To-a La 2:37

Ɔ̍ nu̍ tèwànynɔ̌ te̍e̍ iě ɔ̍ sɔ̀nᵻ nu̍ kwela mɛ̀ta̍a̍n jɔ̌ nyìɛ̍ (84). Jɛ nɛ̀ ɔ̍-ɔ sɔ dě slaǎ sà gbò sɔ̀n kleǐn. Nɛ̀ kǎ ɔ̍ po̍ jlǔh iě ɔ̍ sà wɛɛ ɔ̍ ba̍le wlù ke sɔ̀n.

Pɔ̀n Chɛ̀ Luu To-a La 7:12

Ɔ̍ nyni̍-a la̍ dǒ wlɔ̀-a chɛ̀ ɛ̍ gbàɛ̍gbà wɔ̍ɔ̍n-ɛ, nɛ̀ u̍h-a gba̍ jɔ̍gbau due i̍ tè la̍ dě wìè-i. Ɔ̍ nɛ due nu̍ ɔ̍ de̍-a jǔ, iě ɔ̍ de̍ nu̍ tèwànynɔ̌ dɛ. Nɛ̀ nyɔ̍ tlùgbei̍ sɔ dǒ wlɔ̀ u̍h-a klui ɔ̍ we̍.

Chɔɔn 1:47

Dǒ Jusu jě-e Natanio nɛ̀ ɔ̍ ji̍ ɔ̍ wlì. Iě Jusu bla̍ ɔ̍ dɛ we̍i̍, ɔ̍ la̍a̍, “Ɔ̀ la bo ɔ̀ nu̍ Eslɔɛ jǔ gbe̍i̍n, si̍h dɛ se̍ dě ɔ̍ ja̍a̍ nɛ.”

Nu̍-dɛ̍ᵻ 6:1

Dǒ ti̍ laa̍ di̍i̍ nɛ̀ Jusu-a kòà-a gbǎ la̍ kɛ̍n kaa̍. Doǒ bo Juu juh-a nu̍-a Klii gblɛ̍n-ɛ ke Juu chɛ̀ɛ̌chɛ̀ sà-ɛ wɔ̍ɔ̍n i̍. Juh-a nu̍-a Klii gblɛ̍n-ɛ u̍h la̍ Juu chɛ̀ɛ̌chɛ̀-a bla̍ u̍h-a tèwànynɔ̌gbaɔᵻ jlǐhɛ̍ dlǔ dǒ dɛ̍ gblè la̍ te̍e̍.

Nu̍-dɛ̍ᵻ 9:39

Wɛ̀ Pitɛ wa̍n bloɔ̍, ɔ̍ gbǎ dǒ u̍h de̍e̍ ɔ̍ ke u̍h mu̍. U̍h nyni̍-a wlɔ̀-ɛ, iě u̍h-a gba̍ Pitɛ dě ja̍i̍ gbòju di̍i̍ tà nynɔ̌-a kǔ pɛ̌n-a i̍-ɛ. Wɛ̀ tèwànynɔ̌gbaɔᵻ kli̍hgbɛ̍ nɛ-a dǒ wlɔ̀-a chɛ̀ di̍i̍-ɛ, iě u̍h dlɛ̌ Pitɛ u̍h-a fìn. Ti̍ Dɔɔka tè-a kmɔ̌ i̍-ɛ, plɛ̀i̍ᵻ ke wola̍ᵻ ɔ̍ tba̍-a dǒ u̍h we̍-ɛ, nɛ̀ kǎ u̍h-a to i̍h Pitɛ i̍.

Nu̍-dɛ̍ᵻ 9:41

Wɛ̀ Pitɛ dǔ ɔ̍ ja̍i̍ iě ɔ̍ nyna i̍. Iě Pitɛ dǎ wlùh gbaɛ-ɛ blě nyɔ̍ ke u̍h-a tèwànynɔ̌gbaɔᵻ, wɛ̀ ɔ̍ nɛ feɛ wɔ̍i̍n iě ɔ̍ sà ɔ̍ kwlǎ dě u̍h we̍.

1 Tɛsoloniɔn 2:6

À se̍ dɛ̍ we̍ fɔ̀n nyɔ̍-o-nyɔ̍ iě à tìhwe̍ po̍, mɔ̀ɔ̍ àe̍e̍ nyɔ̍ duuh.

1 Timote 5:2

Kǎ ìè nynɔ̌gbauᵻ nu̍ ke, ka ìn de̍ᵻɛ́. Kǎ ìè wlùh wlǎ blě-ɛ nu̍ ke dǒ nynuu̍nynɔ̌u we̍, ka ìn de̍di̍i̍ᵻ nynɔ̌gbaɔᵻɛ́.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

1 Pitɛ 2:17

Mɔ̀ tè nyɔ̍ kli̍hgbɛ̍ ja̍. Mɔ̀ jbɛɛ mɔ̀ ba̍ᵻ Nyɔsoa nyɔ̍. Mɔ̀ jě Nyɔsoa gbiǐh, nɛ̀ mɔ̀ tè Bloa̍ Joi ja̍.

1 Pitɛ 3:7

Kɔanᵻ, kǎ mɔ̀ iě nu̍ ke, mɔ̀ ke mɔ̀-a nynɔ̌gbaɔᵻ iě wlu̍ i̍ wɔ̌ɛn, ka u̍h se̍-a kmu u̍h se̍-a mɔ̀ sìì-ɛ. Mɔ̀ tè u̍h ja̍, dɛ̍nu̍ɛ, Nyɔsoa-a kmɔ̌ sie feɛ ɔ̍ mu̍-a mɔ̀ nyǐ-ɛ, ɛ̍ kɔn dǒ u̍h we̍ ke. Kǎ mɔ̀ iě nu̍ wɛ̀ mɔ̀-a Nyɔsoa ba̍le-ɛ je̍e cha̍n we̍ gbǎ.