1 Timote 4:8 - Ku̍o̍ Delee 1999

⁸ Nyi̍ɔ̍tu-a kmu-ɛ cheǎn-a blě dɛ̍kɛ̍n gbǎ naɛ. Jɛ Nyɔsoa dɛ cheǎn-a nɔ̀ɔ̍, ɛ̍ gbǎ dɛ̍kɛ̍n tà kli̍hgbɛ̍. Dɛ̍nu̍ɛ, ɛ̍ po̍ wlu̍ tɔ̀ma̍a̍ dǒ feɛ à blě-a kaka-ɛ ke jɛ mu̍-a ji̍ dě nya̍-a we̍.

1 Timote 4:8 Iomraidhean Croise

Matio 12:32

Nyɔ̍ ɔ̀ mu̍-a Nyi̍ɔ̍-a Jǔ wlu̍ sɔ̀n pùn po̍-ɛ, ɔ̍ gblɛ̍n sɔ̀ɛ̀n-a tìh-a mu̍ i̍ tǎli-ɛ. Jɛ nyɔ̍ ɔ̀ mu̍-a Nyɔsoa-a Sùù wɔ̍n blaɛ-ɛ, nɛ̀ ɔ̍ gblɛ̍n sɔ̀ɛ̀n-a tìh se̍ i̍ tǎli-ɛ mu̍ kaka ke nɔ̌ kmɔ̌-a kmɔ̌.”

Matio 19:29

Nyɔ̍-o-nyɔ̍ ɔ̀ mu̍-a ɔ̍ gbòᵻ o, de̍di̍i̍ᵻ jɔ̍gbauᵻ o, de̍di̍i̍ᵻ nynɔ̌gbaɔᵻ o, de̍ o, baa o, nynuu̍ o, klèᵻ o, ɔ̍ mu̍-a i̍h-a dɛ̍ i̍ tǎli ǎn tìh-ɛ, nɛ̀ ɔ̍ mu̍ i̍h-a gbɔ̍ᵻá kmɛ jě dǒ kɛ̍n. Wɛ̀ ɔ̍ iě kmɔ̌ sie feɛ blě dɛ.

Matio 6:33

Jɛ pɔ̀n Nyɔsoa-a kmɔ̌ wlu̍ i̍ kɔn-ɛ i̍ ke̍ sàǐtòò, ɛ̍ ke dɛ̍ ɔ̍ pɔ̀n-a mɔ̀ iě-a nu̍-ɛ ke. Nɛ̀ ɔ̍ chɛ̀-a mu̍ mɔ̀ ìh kli̍hgbɛ̍ la kwlǎ sà-ɛ.

Pɔ̀n Chɛ̀ Maɛ To-a La 10:30

nɛ̀ ɔ̍ mu̍ i̍h-a kmɛ kmɛ jě kaka da̍a ti̍laa kmɔ̌ di̍i̍. Nɛ̀ ɔ̍ mu̍ gbòᵻ ke, de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke, de̍ᵻ ke, nynuu̍ ke, klèᵻá kmɛ kmɛ jě, i̍h ke klě jě-ɛ iě na. Wɛ̀ ɔ̍ iě kmɔ̌ sie feɛ jě dě kmɔ̌ delee di̍i̍.

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

1 Kɔwlɛntiɔn 3:22

Kaka la̍, Pɔɔ o, Apolo o, Pitɛ o, kmɔ̌ la o, kmɔ̌ nɛ-ɛ o, mɛ̌ɛ o, dɛ̍ᵻ nɛ-a kaka-ɛ ke jih-a mu̍-a nɛ dě nya̍-ɛ, mɔ̀ɔ̍ kɔn i̍h kli̍hgbɛ̍,

1 Kɔwlɛntiɔn 8:8

Di̍-dɛ̍ᵻ se̍ à Nyɔsoa we̍ gba̍ mu̍. À se̍-e de̍ i̍ gbǎ mu̍ pò à se̍ dɛ̍ di̍-ɛ. Iě dɛ̍ di̍-ɛ wɔ̍ se̍-o à dɛ̍ po̍ mu̍ ke.

1 Timote 4:7

Se̍ Nyɔsoa dɛ-ɛ nɛ ke se̍o̍nɛ laa̍ sà dě i̍h we̍ dounᵻ. Jɛ toe àn chɛ̀ Nyɔsoa dɛ.

1 Timote 6:3

Nyɔ̍ jɔ ɔ̀ kɔn nǎ po̍-ɛa mu̍-a dǒ dɔɔ̌ nɛ, wɛ̀ ɛ̍ ke à Joi Jusu Klai-a wlu̍ chɛ̀ ke, à nàɛ̀ Nyɔsoa dɛ-a nǎ po̍-ɛ se̍-a wìè due gba̍ mu̍-ɛ,

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

1 Timote 6:6

I̍i̍n, nyɔ̍-a pàn-ɛ kàka̍ dě Nyɔsoa wɛɛ sà dɛ̍ di̍i̍, dɛ̍ àn jě-a pò àn pɔluh pɛ̌n i̍ dǒ ɛ̍ we̍-ɛ.

2 Timote 3:5

U̍h-a mu̍ Nyɔsoa wɛɛ sà nyɔ̍ nu̍ fli̍h kɛ̍n i̍, wɛ̀ u̍h iě ɔ̍ gbǐh nɔ̀ɔ̍ chla tba̍. Bɔ̌ dǒ nyɔ̍ kaɛn laa̍ de̍e̍ gbǎ-a.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.