1 Timote 4:4 - Ku̍o̍ Delee 1999

⁴ Dɛ̍ᵻ kli̍hgbɛ̍ Nyɔsoa nu̍-aɛ, i̍h nmɔ jii̍. Chla tba̍ dɛ̍ se̍ dě i̍h nynɛ̌ nɛ. Jɛ pò nyɔ̍ jě i̍h-a dɛ̍-ɛ, nɛ̀ ɔ̍ po̍ Nyɔsoa tlɔ̌ tìh kma.

1 Timote 4:4 Iomraidhean Croise

Nu̍-dɛ̍ᵻ 10:15

Wlu̍ laa̍ iě ɛ̍ wlu dɛ, ɛ̍ la̍a̍, “Pò dɛ̍ nmɔ dě Nyɔsoa jlǐh i̍-ɛ, nɛ̀ ìn bɔ̌ ɛ̍ jii̍ nyni dɛ̍ dǎɛ.”

Nu̍-dɛ̍ᵻ 15:29

Di̍-dɛ̍ u̍h sà-ɛa slaǎ dǒ kwɛ̍i̍n gbo̍ᵻ we̍-ɛ, nɛ̀ mɔ̀ bɔ̌ ɛ̍ di̍-ɛ. Nmi̍ɛ̍ jǎ-a nymɔ̍ i̍-ɛ, mɔ̀ bɔ̌ ɛ̍ di̍-ɛ. Mɔ̀ bɔ̌ nymɔ̍ di̍-ɛ ke, mɔ̀ tǎli gbǎn nu̍ dɛ i̍. Pò mɔ̀ bɔ̌ ìh la-a, nɛ̀ mɔ̀-a mu̍ dɛ̍ chɛ̀ nu̍. Mɔ̀ à iě jiěe dɛ o.”

Nu̍-dɛ̍ᵻ 21:25

Jɛ dě ùh se̍-a Juu nyɔ̍ juh blě-a wlùh gbaɛ we̍ nɔ̀ɔ̍, dɛ̍ à po̍-a gbɔ̀-ɛ, à dbo̍-e ɛ̍ chlǐh-dɛ̍ wɛ̀. À la̍ u̍h bɔ̌ kwɛ̍i̍n gbo̍ᵻá di̍-dɛ̍ᵻ di̍-ɛ, u̍h bɔ̌ nymɔ̍ di̍-ɛ, u̍h bɔ̌ nymɔ̍-ɔ i̍ jǎ nmi̍ɛ̍ di̍-ɛ, nɛ̀ u̍h bɔ̌ gbǎn nu̍-ɛ ke.”

Wloma 14:14

Ǎn dě Joi Jusu ja̍a̍ nɛ-ɛ nu̍ ɛ̍ iě ǐn juo ɛ̍ ka di̍-dɛ̍-ɛ nyni-a dě Nyɔsoa jlǐh i̍-ɛ. Jɛ pò nyɔ̍ la̍ ɛ̍ nyni dě Nyɔsoa jlǐh i̍ dǒ ɔ̍ we̍-ɛ, nɛ̀ kǎ ɛ̍ nɛ dǒ nyɔ̍ laa̍ we̍.

Wloma 14:20

Di̍-dɛ̍ àn di̍-aɛ, ɛ̍ bɔ̌ ɛ̍ nu̍-ɛ wɛ̀ Nyɔsoa-a nyɔ̍ bɔ̌-ɔ gbɔ̀lɔ-ɛ. Di̍-dɛ̍ᵻ kli̍hgbɛ̍ nmɔ dě Nyɔsoa jlǐh i̍, jɛ ɛ̍ se̍ i̍ blaɛ wɛ̀ dɛ̍ ìn di̍-aɛ, ɛ̍ iě ɛ̍ nu̍ wɛ̀ nyɔ̍ dɔɔ iě gblɛ̍n sɔ̀ɛ̀n nu̍.

Wloma 14:6

Pò nyɔ̍ jě weɛ̍ chɛ̀ ka dě wǐh nynɛ̌-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍. Pò nyɔ̍ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ ke dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ di̍-dɛ̍ laa̍ we̍. Pò nyɔ̍-ɔ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ dɛ̍ ɔ̍ di̍-a we̍.

1 Kɔwlɛntiɔn 10:23

“Dɛ̍ᵻ kli̍hgbɛ̍ se̍ kɛɛkɛ̍n nɛ,” kǎ à dǎ. Jɛ ɛ̍ se̍ dɛ̍ᵻ kli̍hgbɛ̍ ìh se̍ jii̍ nmɔ. “Dɛ̍ᵻ kli̍hgbɛ̍ se̍ kɛɛkɛ̍n nɛ,” jɛ dɛ̍ᵻ kli̍hgbɛ̍-ɛ po̍-o dɛ̍.

1 Kɔwlɛntiɔn 10:25

Mɔ̀ di̍ nmi̍i̍ kli̍hgbɛ̍ u̍h-a ple̍-a dě dɔɔ̌-ɛ. Ɛ̍ bɔ̌ mɔ̀-a wlùh-a kaǎka nu̍-ɛ, wɛ̀ mɔ̀ɔ̍ je̍e dɛ̍-o-dɛ̍ i̍ tèle.

1 Kɔwlɛntiɔn 10:26

Nyɔsoa-a wlu̍ la̍a̍, “Bloa̍ ke dɛ̍ᵻ kli̍hgbɛ̍ nɛ-a nɔ̌ ɛ̍ kɛ̍n-ɛ, i̍h kɔn dǒ Joi we̍.”

1 Kɔwlɛntiɔn 10:30

Pò ǐn ja dɛ̍ di̍ la̍ ji̍ wɛ̀ iě Nyɔsoa tlɔ̌ po̍ dǒ ɛ̍ we̍-ɛ, nɛ̀ dɛ̍nu̍ nyɔ̍ dɔɔ-a mu̍ ǐn pàwe̍i̍ po̍ dɛ dǒ dɛ̍ kɔn tìh ǎn po̍-a Nyɔsoa tlɔ̌-ɛ we̍ ɛ?

1 Timote 4:3

U̍h bo ùh la̍ nyɔ̍ bɔ̌ nynɔ̌ blě-ɛ, nɛ̀ di̍-dɛ̍ᵻ diih nɛ-o nyɔ̍ bɔ̌ i̍h di̍-ɛ. Jɛ Nyɔsoa nu̍ i̍h wɛ̀ wlùh gbaɛ blě nyɔ̍ ùh juo-a tìh-a taǐn-ɛ, u̍h wɔ̀ tlɔ̌ po̍-ɛɛ, u̍h iě i̍h di̍.