1 Timote 4:3 - Ku̍o̍ Delee 1999

³ U̍h bo ùh la̍ nyɔ̍ bɔ̌ nynɔ̌ blě-ɛ, nɛ̀ di̍-dɛ̍ᵻ diih nɛ-o nyɔ̍ bɔ̌ i̍h di̍-ɛ. Jɛ Nyɔsoa nu̍ i̍h wɛ̀ wlùh gbaɛ blě nyɔ̍ ùh juo-a tìh-a taǐn-ɛ, u̍h wɔ̀ tlɔ̌ po̍-ɛɛ, u̍h iě i̍h di̍.

1 Timote 4:3 Iomraidhean Croise

Matio 14:19

Wɛ̀ ɔ̍ sèàɛ̍ nyɔ̍ laa̍ wlùh u̍h iě i̍ tìèe̍ dǒ pei kɛ̍n. Wɛ̀ ɔ̍ dǔ blèe̍ gba̍nᵻ m̀m̌ ke smìi̍ sɔɔ̌n laa̍, iě ɔ̍ gbɛ̀n dě ja̍i̍, wɛ̀ ɔ̍ po̍ Nyɔsoa tlɔ̌. Iě ɔ̍ chɛɛn blèe̍ laa̍ i̍, wɛ̀ ɔ̍ nyǐ i̍h ɔ̍ kòà. Iě u̍h gblè i̍h nyɔ̍ laa̍ jii̍.

Matio 15:11

Dɛ̍ ɛ̀ mu̍-a dě nyɔ̍ wɔ̍ɔ̍n-ɛ, ɛ̍-ɛ nyni nyɔ̍ dě Nyɔsoa jlǐh i̍. Jɛ dɛ̍ ɛ̀ sɔ-a dě wɔ̍ɔ̍n-ɛ, ɛ̍ bo ɛ̀ nyni nyɔ̍ dě Nyɔsoa jlǐh i̍.”

Matio 15:36

Wɛ̀ ɔ̍ dǔ blèe̍ gba̍nᵻ mɛ̀sɔɔ̌n ke smìi̍ laa̍, iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn i̍h i̍, iě ɔ̍ nyǐ i̍h ɔ̍ kòà. Wɛ̀ u̍h gblè i̍h nyɔ̍ laa̍ jii̍.

Pɔ̀n Chɛ̀ Luu To-a La 24:30

Ɔ̍ ke u̍h tè-a i̍ u̍h iě-a dɛ̍ di̍-ɛ, iě ɔ̍ dǔ blèe̍-e, wɛ̀ ɔ̍ po̍ Nyɔsoa tlɔ̌. Iě ɔ̍ chɛɛn ɛ̍ i̍, wɛ̀ ɔ̍ nyǐ ɛ̍ u̍h.

Chɔɔn 6:23

Wɛ̀ blǎgbè diih sɔ dǒ Taɛbiwlia wlɔ̀ di̍i̍ i̍h ji̍ dǒ tà Joi poe-a Nyɔsoa tlɔ̌ iě nyɔ̍ tlùgbei̍ iě-a blèe̍ di̍-ɛ.

Nu̍-dɛ̍ᵻ 27:35

Ɔ̍ wɔ̀-a wlu-ɛɛ, wɛ̀ ɔ̍ dǔ blèe̍ dǒ u̍h jlǐhwai iě ɔ̍ po̍ Nyɔsoa tlɔ̌, wɛ̀ ɔ̍ chɛɛn ɛ̍ i̍. Sɔ ɔ̍ di̍ ɛ̍ la̍-ɛ sǔh.

Wloma 14:17

Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ se̍ di̍-dɛ̍ ke nǎ-dɛ̍ i̍ bǎ. Jɛ i̍ slɛ̌-ɛ ke, wlùh-a i̍ tè-ɛ ke nmɔ-ɛ Nyɔsoa-a Sùù-a nyǐ-a nyɔ̍-ɛ bo ɛ̍ bǎ i̍.

Wloma 14:3

Nɛ̀ ɔ̀ di̍-a dɛ̍-o-dɛ̍-ɛ, ɔ̍ bɔ̌ jɔ se̍-a ɛ̍ nu̍-ɛ pàwe̍i̍ po̍-ɛ. Jɔ ɔ̀-ɔ di̍-a dɛ̍-o-dɛ̍-ɛ, ɔ̍ bɔ̌ jɔ di̍-a dɛ̍-o-dɛ̍-ɛ tìh pùn tù-ɛ. Dɛ̍nu̍ɛ, Nyɔsoa gbɛ̍n ɔ̍ tìh i̍ wɛ̀.

Wloma 14:6

Pò nyɔ̍ jě weɛ̍ chɛ̀ ka dě wǐh nynɛ̌-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍. Pò nyɔ̍ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ ke dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ di̍-dɛ̍ laa̍ we̍. Pò nyɔ̍-ɔ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ dɛ̍ ɔ̍ di̍-a we̍.

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

1 Kɔwlɛntiɔn 7:28

Jɛ pò ìn blě nynɔ̌-ɛ, nɛ̀ ɛ̍ se̍ dɛ̍ sɔ̀n ìn se̍ nu̍. Pò jǔ nynɔ̌gbaɔ tǐn jla̍-ɛ, nɛ̀ ɛ̍ se̍ dɛ̍ sɔ̀n ɔ̍ se̍ nu̍. Jɛ nyɔ̍ ùh tǐn-a jla̍-ɛ, u̍h-a mu̍ jua̍i̍ sàɛ̀ nɔ̌ kmɔ̌ la we̍. Ɛ̍-ɛ bo ǎn pɔ̀n iě mɔ̀ wɔ̍i̍n sà.

1 Kɔwlɛntiɔn 8:8

Di̍-dɛ̍ᵻ se̍ à Nyɔsoa we̍ gba̍ mu̍. À se̍-e de̍ i̍ gbǎ mu̍ pò à se̍ dɛ̍ di̍-ɛ. Iě dɛ̍ di̍-ɛ wɔ̍ se̍-o à dɛ̍ po̍ mu̍ ke.

Kalase 2:16

Ɛ̍ tìh-ɛ, mɔ̀ bɔ̌ wɔ̌n-ɛ nyɔ̍ bɔ̌ mɔ̀ gbànᵻ tù-iɛ. Bɔ̌ di̍-dɛ̍ᵻ ke, nǎ-dɛ̍ᵻ ke, weɛ̍ ke, chǔh delee ke, wlè-weɛ̍ blě-ɛ dǒ gbàn we̍.

Kalase 3:17

Dǒ wlu-ɛ ke nu̍-dɛ̍ᵻ we̍ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Joi Jusu-a nynɛ̌ kɛ̍n. Nɛ̀ mɔ̀ jii ɔ̍-ɔ mɔ̀ iě Baa Nyɔsoa tlɔ̌ po̍.

1 Timote 2:4

Ɔ̍-ɔ laa̍ bo ɔ̀ pɔ̀n nyɔ̍ kli̍hgbɛ̍ iě pǔh, wɛ̀ u̍h iě tìh-a taǐn juo la̍ ji̍.

1 Timote 4:4

Dɛ̍ᵻ kli̍hgbɛ̍ Nyɔsoa nu̍-aɛ, i̍h nmɔ jii̍. Chla tba̍ dɛ̍ se̍ dě i̍h nynɛ̌ nɛ. Jɛ pò nyɔ̍ jě i̍h-a dɛ̍-ɛ, nɛ̀ ɔ̍ po̍ Nyɔsoa tlɔ̌ tìh kma.

1 Timote 5:14

Nɛ̀ mɔ̍ɔ, ɛ̍ tù ǎn tìh-ɛ, pò tèwànynɔ̌ nu̍ nynɔ̌gbau gbèlà-ɛ, nɛ̀ ɔ̍ tǐn jla̍ dode̍ ɔ̍ iě nynuu̍ wlǔh-i, ɔ̍ iě dǒ ɔ̍ gbò we̍ i̍ gbɛ̀n. Nɛ̀ à nyɛ̌-nyɔ̍ se̍ flɔn la̍ jě mu̍ u̍h iě à wlu̍ sɔ̀n pùn po̍.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.