1 Timote 4:2 - Ku̍o̍ Delee 1999

² Nǎ po̍-ɛ kaɛn la ɛ̍ sɔ dě mɛɔ sɔɔ̌n wɔ̍ɔ̍n nɛ nyɔ̍ we̍. Dɛ̍nu̍ɛ, u̍h se̍-e kmɔ̌ we̍ kɔn, u̍h-a wlùh gbǎ gbǎ i̍. Ɛ̍ kɔn u̍h-a tmɔ̌ si̍h.

1 Timote 4:2 Iomraidhean Croise

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Nu̍-dɛ̍ᵻ 20:30

Dě mɔ̀ nynɛ̌ bo nyɔ̍-a mu̍ sɔ u̍h iě kòà dɔu iě dǒ u̍h de̍e̍ gbǎ tìh tù, wɛ̀ u̍h iě tìh-a taǐn-a wɛ̀àn plùn chɛ̍n.

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Ɛfɛsɔ 4:19

U̍h-a wlùh gbǎ gbǎ i̍ iě u̍h sà u̍h-a chɛ̀ kwlǎ dǒ se̍i̍kɔɛn nu̍-ɛ we̍, wɛ̀ u̍h kɔn klǎn dǒ sììjii̍ kli̍hgbɛ̍ nu̍-ɛ we̍.

2 Timote 3:5

U̍h-a mu̍ Nyɔsoa wɛɛ sà nyɔ̍ nu̍ fli̍h kɛ̍n i̍, wɛ̀ u̍h iě ɔ̍ gbǐh nɔ̀ɔ̍ chla tba̍. Bɔ̌ dǒ nyɔ̍ kaɛn laa̍ de̍e̍ gbǎ-a.

Wlɛfeleseɔn 16:14

Jeědih ìh-a po̍-a jbaɛdih-ɛ bo. I̍h ple̍ blǔh baaᵻ kli̍hgbɛ̍ nɛ-a nɔ̌ kmɔ̌-ɛ we̍ i̍, i̍h iě u̍h tàdùè po̍. Wɛ̀ u̍h iě Nyɔsoa Ɔ̀ Blě-a Gbǐh Kli̍hgbɛ̍-ɛ we̍ fɔ̀n dǒ ɔ̍ wɔ̍n ku̍ weɛ̍ di̍i̍.