1 Timote 3:3 - Ku̍o̍ Delee 1999

³ Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 3:3 Iomraidhean Croise

Matio 21:13

Wɛ̀ Jusu la̍a̍ dě u̍h we̍, “Ɛ̍ chlǐh-ɛ dě Nyɔsoa-a wlu̍ di̍i̍. Nyɔsoa la̍a̍, ‘Ǎn gbò kɔn ɛ̍ iě ba̍le gbò nu̍.’ Jɛ mɔ̀-a nui ɛ̍ jlǐ-nyɔ̍-a tè la̍ we̍i̍.”

Nu̍-dɛ̍ᵻ 20:33

Ǎn dɛ̍ ǎn nu̍-aɛ, nyɔ̍ɔ-a sebla̍ ke, kòo̍ ke jlii̍ u̍h blě-aɛ, ǎn jlǐh se̍ i̍h we̍ nɛ.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Ɛfɛsɔ 5:18

Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ, nɛ̀ ɛ̍ mu̍ mɔ̀-ɔ gbɔ̀lɔ. Jɛ Nyɔsoa-a Sùù bo ɛ̀ iě mɔ̀-ɔ i̍ jǐi.

1 Tɛsoloniɔn 5:14

À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

1 Timote 3:8

Chɔchi̍h-a jǔ dbee nyɔ̍ kɔn u̍h iě tìh-a i̍ gbɛ̍n nyɔ̍ nu̍, u̍h bɔ̌ mɛɔ sɔɔ̌n wɔ̍ɔ̍n nɛ-ɛ. U̍h bɔ̌ nmɔ̍ dɔu nǎ nyɔ̍ nu̍-ɛ, u̍h bɔ̌ wlǐ klǎn kɔn-ɛ.

2 Timote 3:2

Nyɔ̍ɔ-a mu̍ u̍h-a chɛ̀-a tìh sì, u̍h iě klǎn kɔn, u̍h iě wɔ̍i̍n po̍, u̍h iě nyɔ̍ kɛ̍n i̍ blɔ̌-ɛ, u̍h iě chlèwli̍ po̍. Nɛ̀ u̍h se̍ de̍ᵻ ke baaᵻá wlu̍ nu̍ mu̍. U̍h-a pɔluh se̍ i̍ tè mu̍, u̍h-a mu̍ kà kɔn.

Taitɔ 1:11

Ìn kɔn ìè u̍h bɔ̌ i̍ po̍. Dɛ̍nu̍ɛ, wlǐ klǎn kɔn tìh-ɛ, u̍h-a nyni-i chɛ̌tu gbài̍ laa̍ u̍h-a dlǔᵻ jii̍ dǒ dɛ̍ᵻ u̍h se̍-a kɔn u̍h iě-a nǎ poe de-ɛ we̍.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

Taitɔ 2:3

Nɛ̀ ìn sèàɛ̍ nynɔ̌gbaɔᵻ klaaᵻ wlùh ke u̍h iě tìh i̍ ple̍ ka Nyɔsoa we̍ fòè nyɔ̍-a nɛ-aɛ. U̍h bɔ̌ nyɔ̍-a wlu̍ wɔ̍i̍n nyni-ɛ, iě u̍h wɔ̍ bɔ̌ nmɔ̍-a kèi̍ nu̍-ɛ ke. Jɛ ɛ̀ nu̍-a dɛ̍ chɛ̀-ɛ, ɛ̍ bo u̍h iě nyɔ̍ nǎ poe.

Taitɔ 3:2

U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.

Iblu 13:5

Kmɔ̌ mɔ̀ nɛ-aɛ, mɔ̀ sà ɛ̍ dě wlǐ-i jbɛɛ dɛ di̍i̍. Mɔ̀ nu̍ ɛ̍ mɔ̀-a pɔluh iě i̍ pɛ̌n dǒ dɛ̍ mɔ̀ blě-aɛ we̍. Dɛ̍nu̍ɛ, Nyɔsoa la̍a̍, “Ǐn se̍ gba̍ ìn pɔ̀-ɛ nɔ̌ kmɔ̌, ǐn se̍ gba̍ ìn jlǐhɛ̍ we̍ sà.”

Chiin 4:1

Chɛ̀-ɛ ke fɔ̀n-ɛ nɛ-a dě mɔ̀ nynɛ̌-ɛ, tà ɛ̍ sɔ ɛ? Mɔ̀-a chɛ̀-a wlùh dɛ̍ᵻ bo ìh-a fɔ̀n dě mɔ̀ ku̍sɔ̀n.

1 Pitɛ 5:2

nyɔ̍ ùh Nyɔsoa nyǐ-a mɔ̀-ɛ, mɔ̀ gbɛ̀n dǒ u̍h we̍ i̍, mɔ̀ iě u̍h-a nɛnɛ̌ nu̍. Mɔ̀-a kloǒ bɔ̌ ɛ̍ nu̍-ɛ, jɛ mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka Nyɔsoa-a pɔ̀n-a mɔ̀ iě-a nu̍-ɛ. Mɔ̀ bɔ̌ dbo̍ nu̍-ɛ pɛ̌ɛ la tìh, jɛ mɔ̀ nui ɛ̍ nyɔ̍ jǔ dbee-ɛ.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.