1 Timote 2:3 - Ku̍o̍ Delee 1999

³ Ɛ̍ bo ɛ̀ nmɔ jii̍, wɛ̀ Nyɔsoa ɔ̀ sèìe àɔ̀-ɛ, iě ɛ̍ tè-e ɔ̍ wlùh i̍.

1 Timote 2:3 Iomraidhean Croise

Pɔ̀n Chɛ̀ Luu To-a La 1:47

Ǎn nmɔ-ɛ dǒ ǎn Nyɔsoa ɔ̀ nu̍-a ǎn Sèìe Nyɔ̍-ɛ we̍.

Wloma 14:18

Nɛ̀ɛ̍, nyɔ̍ ɔ̀ nu̍-a ka Klai jǔ dbee sɔɛn-ɛ, nɛ̀ Nyɔsoa wɔ̌ɛn ɔ̍ tìh i̍ iě wlɔ̀ nyɔ̍ po̍ ɔ̍ chèɛ̀ ja̍i̍.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 4:18

Kaka la̍, mɔ̀ nyǐ ǐn dɛ̍ᵻ dɔu ìh sìì-a ìh ǐn kɔn iě-a blě-ɛ. Nyǐ-dɛ̍ᵻ mɔ̀ dbo̍-a ǐn we̍ ìh Ipaflodaitɔ ja-aɛ, ǎn wlùh tè i̍ dǒ i̍h we̍ kaa̍. I̍h wɔ̀ nyǐ-dɛ̍ ɛ̀ nmɔ-a nɔ̌ dǒ Nyɔsoa we̍-ɛ, ɛ̍ ke slaǎ sà dɛ̍ ɛ̀ po̍-a ɔ̍ gbǐh iě ɔ̍ gbɛ̍n-a i̍-ɛ.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Timote 1:1

Wlu̍ la ɛ̍ sɔ nɔ̌ mɔ̍ Pɔɔ ɔ̀ nu̍-a Jusu Klai-a gba̍tòà-a we̍. Nyɔsoa ɔ̀ sèìe-a àɔ̀-ɛ ke Jusu Klai à kɔ̍-a wlùh i̍-ɛ, dǒ u̍h-a wlu̍ kɛ̍n bo ǐn nui gba̍tòà.

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

1 Timote 5:4

Jɛ pò tèwànynɔ̌ blě nynuu̍ àe̍e̍ diěnynuu̍-ɛ, nɛ̀ u̍h-u bo ùh iě u̍h-a Nyɔsoa dɛ cheǎn sàǐtòò dǒ u̍h-a chɛ̌ pùn. Nɛ̀ u̍h-a sà la̍ u̍h de̍ bei-a gba̍ bo, dɛ̍nu̍ɛ, ɛ̍ bo ɛ̀ po̍ Nyɔsoa gbǐh.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.

1 Pitɛ 2:20

Pò mɔ̀ ja bla̍-ɛ dɛ̍ sɔ̀n nu̍ tìh wɛ̀ mɔ̀ iě ɛ̍ wlùh ku̍-ɛ, nɛ̀ dɛ̍ ɛ̍ mu̍-o mɔ̀ po̍ ɛ? Jɛ pò u̍h ja mɔ̀ jua̍i̍ sàɛ̀ dɛ̍ chɛ̀ nu̍ tìh wɛ̀ mɔ̀ iě ɛ̍ wlùh ku̍-ɛ, nɛ̀ Nyɔsoa-a mu̍ mɔ̀ pɔ̀ìě nyǐ.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.