1 Timote 2:2 - Ku̍o̍ Delee 1999

² Mɔ̀ ba̍le dǒ blǔh baaᵻ ke tùn blě nyɔ̍ kli̍hgbɛ̍-a tàà. Wɛ̀ à iě dě wlùh-a i̍ tè-ɛ ɛ̀ jě-ea nyɔ̍ feɛ i̍-ɛ ke, Nyɔsoa dɛ-ɛ nɛ-ɛ ke nyɔ̍ dɛ̍ɛ jě kmɔ̌ di̍i̍ nɛ.

1 Timote 2:2 Iomraidhean Croise

Pɔ̀n Chɛ̀ Luu To-a La 1:6

U̍h nɛ-a sɔɔ̌n-ɛ, u̍h-a nu̍-dɛ̍ slɛ̌ i̍ dě Nyɔsoa jlǐh. U̍h-a tè-o Joi-a telě kli̍hgbɛ̍ i̍.

Pɔ̀n Chɛ̀ Luu To-a La 2:25

Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Nu̍-dɛ̍ᵻ 10:22

U̍h la̍a̍, “Chape Kɔleniɔ bo ɔ̀ dbo̍ àɔ̀. Ɔ̍ nmɔ gblɛ̍n-ɛ, iě ɔ̍ ple̍ Nyɔsoa-a faɔn. Ɛ̍ tìh-ɛ, Juu nyɔ̍ kli̍hgbɛ̍-a jě ɔ̍ dɛ̍ɛ̍. Wɛ̀ Nyɔsoa-a ǐnchɔ̀ sèàɛ̍ ɔ̍ wlùh ɔ̍ iě ìn dǎ dě ɔ̍ blǐ gbò, dɛ̍ ìn blě-a ìè-a sà-a, ɔ̍ iě ɛ̍ dounᵻ we̍ po̍.”

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

Wloma 12:18

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍-a kmɔ̌ iě i̍ gbe̍ɛ̍ɛn.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 4:11

Mɔ̀ fɔ̀n dɛ̍ we̍ mɔ̀ iě dě gba̍n gbɛ̍n kmɔ̌ di̍i̍ nɛ. Mɔ̀ sà dǒ nyɔ̍ dɔɔ-a tìh we̍ wlu̍. Mɔ̀ nu̍ mɔ̀-a chɛ̀-a dbo̍. Kǎ ǐn dǎ mɔ̀ wlùh sèàɛ̍-ɛ se̍e̍.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.