Biblia Todo Logo
Bìoball air-loidhne

- Sanasan -




1 Timote 2:1 - Ku̍o̍ Delee 1999

1 Sàǐtòò dɛ̍-ɛ, ǐn gbɛ̍n àn bu̍h i̍, ìè Nyɔsoa ba̍le. Jbǎ-ɛ ɔ̍ dɛ̍, po̍ nyɔ̍ duuh-a wlu̍ chɛ̀, ìè ɔ̍ tlɔ̌ po̍ dǒ nyɔ̍ kli̍hgbɛ̍ we̍.

Faic an caibideil Dèan lethbhreac




1 Timote 2:1
26 Iomraidhean Croise  

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.


Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.


Mɔ̀ɔ̍ gblɛ̍n sɔ̀ɛ̀n-a kèi̍ᵻ de, jɛ à po̍ Nyɔsoa tlɔ̌ wɛ̀ mɔ̀-a nu̍ la̍ dɛ̍ à poe-a mɔ̀ nǎ-a dǒ mɔ̀-a wlùh kli̍hgbɛ̍ we̍.


Ɛ̀ gbǎ-a dɛ̍kɛ̍n kaa̍ ǐn cheǎn-aɛ, ɛ̍-ɛ bo ǎn toe mɔ̀. Ɛ̍ nu̍ Klai mɛ̌-ɛ dǒ à gblɛ̍n sɔ̀ɛ̀n-ɛa tìh we̍, wɛ̀ ɛ̍ iě Nyɔsoa-a wlu̍ kɛ̀ǐn po̍.


Ɛ̍ tìh-ɛ, à ba̍le Taitɔ ɔ̀ tè-a dbo̍ chɛ̀ la gbɔ̀ dě mɔ̀ nynɛ̌-ɛ, ɔ̍ iě ɛ̍ i̍ wɔ̀.


Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.


Baa Nyɔsoa bo mɔ̀ iě tlɔ̌ po̍ ma̍u̍ dǒ dɛ̍ᵻ kli̍hgbɛ̍ we̍ dǒ à Joi Jusu Klai-a nynɛ̌ kɛ̍n.


Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.


Pò mɔ̀-a tìh sǐ dǒ ǐn wlì i̍ ti̍ kli̍hgbɛ̍ we̍-ɛ, nɛ̀ ǎn po̍ ǎn Nyɔsoa tlɔ̌.


Dɛ̍-o-dɛ̍-a sèò bɔ̌ mɔ̀ nu̍-ɛ. Dɛ̍ᵻ kli̍hgbɛ̍ mɔ̀ nɛ-a blě ka̍-ɛ, mɔ̀ tèle Nyɔsoa i̍ i̍h-a tìh mɔ̀ iě i̍h ɔ̍ jbǎ-ɛ dǒ tlɔ̌ po̍ pɔluh we̍.


Ǎn sà nǐ wɔ̍n dɛ ke, Joi iě mɔ̀-a we̍ jbɛɛ kɛ̍n poe, ɛ̍ ke dǒ nyɔ̍ kli̍hgbɛ̍ we̍ ke, ɛ̀ kɔn ba̍ à nu̍-a mɔ̀ɔ̍ jbɛɛ-ɛ.


À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.


Ɔ̍-ɔ laa̍ bo ɔ̀ pɔ̀n nyɔ̍ kli̍hgbɛ̍ iě pǔh, wɛ̀ u̍h iě tìh-a taǐn juo la̍ ji̍.


Nynɔ̌ ɔ̀ nu̍-a tèwànynɔ̌ teěte ɔ̀ se̍-a dǒ we̍ i̍ gbɛ̀n nyɔ̍ kɔn-ɛ, nɛ̀ Nyɔsoa bo ɔ̍ kɔ̍ wlùh i̍. Wɛ̀ ɔ̍ gba̍ ba̍le-ɛ dluwe̍ wlù ke sɔ̀n, Nyɔsoa iě ɔ̍ we̍ gbǎ.


Joi-a pòi̍ju se̍ kɔn ɔ̍ iě wɔ̍ɔ̍n i̍ sà nyɔ̍ nu̍. Ɔ̍ kɔn ɔ̍ iě gblɛ̍n-ɛ nmɔ dǒ nyɔ̍ kli̍hgbɛ̍ we̍. Ɔ̍ kɔn ɔ̍ iě nǎ po̍ nyɔ̍ chɛ̀ ke wlùh i̍ gbɛ̍n nyɔ̍ nu̍.


Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.


U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.


Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.


Ɛ̍ tìh-ɛ, mɔ̀-a jɔ-ɛ nɛ̀ ɔ̍ sà ɔ̍ gblɛ̍n sɔ̀ɛ̀n gbɔ̀ i̍ dě ɔ̍ ba̍ we̍, wɛ̀ mɔ̀ iě-o we̍ tàà ba̍le, nɛ̀ mɔ̀-a mu̍ pǔh. I̍ slɛ̌-nyɔ̍-a ba̍le wlu̍ blě wɔ̍n ku̍ gbǐh, iě ɛ̍ po̍ dɛ̍ gbǐh we̍.


Lean sinn:

Sanasan


Sanasan